Անկախության հրապարակ (Մինսկ)

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տես՝ Անկախության հրապարակ (այլ կիրառումներ)
Անկախության հրապարակ
Miensk - Plac Niezaležnaści.jpg
ԴիրքԲելառուս Մինսկ
Բելառուս

Անկախության հրապարակ (բելառուս․՝ Плошча Незалежнасці), հրապարակ Բելառուսի մայրաքաղաք Մինսկում։ Համարվում է Մինսկի Անկախության պողոտայի տեսարժան վայրերից մեկը։ Այս հրապարակում են գտնվում Բելառուսի Հանրապետության Գերագույն խորհուրդը և Մինսկի քաղաքապետարանը։ Բելառուսական Խորհրդային Սոցիալիստական Հանրապետության օրոք հրապարակը կոչվել է Լենինի անվամբ։ Եվրոպայի ամենամեծ հրապարակներից մեկն է[1]։

Պատմություն[խմբագրել | խմբագրել կոդը]

Գերմանական զորքերն անցնում են Անկախության հրապարակով, 1941

Հրապարակը նախագծվել է 20-րդ դարի 30-ական թվականներին խորհրդային ճարտարապետ Իոսիֆ Լանգբարդի կողմից խորհրդային ժամանակներում որպես հանրահավաքների, Մինսկի հիմնական հանդիսավորությունների անցկացման վայրը։ Երկրորդ համաշխարհային պատերազմի ժամանակ հրապարակում գտնվող շենքերի մեծ մասը ոչնչացվել են նացիստների կողմից։ 1946-1984 թվականներին Հոկտեմբեր հրապարակը փոխարինել է Լենինի հրապարակին որպես քաղաքի հիմնական վայր։ Անկախության հրապարակի վերակառուցման նախագիծը մեկնարկել է Խորհրդային Միության փլուզումից հետո։ Վերակառուցման առաջին փուլն ավարտվել է 2002 թվականին, փոխվել է տարածքի տրանսպորտային նախագիծը, կառուցվել են ևս երկու հետիոտնային ստորգետնյա անցումներ, որոնք կդառնան ստորգետնյա առևտրի կենտրոնի մաս։

Իրադարձություններ[խմբագրել | խմբագրել կոդը]

Շքերթներ

  • Խորհրդային Միության կառավարման ժամանակաշրջանում այս հրապարակում են տեղի ունեցել Աշխատավորների միջազգային օրվան (մինչև 1969 թվական), Հաղթանակի օրվան և Հոկտեմբերյան հեղափոխությանը նվիրված շքերթները։ Կոմունիստական կուսակցության առաջին քարտուղարը և Քաղբյուրոյի անդամները կանգնում էին Լենինի արձանի առջևի հարթակին։ Այդ շքերթները տեղի են ունեցել մինչև 1989 թվական։
  • Անկախության հրապարակում Բելառուսի Հանրապետության առաջին շքերթը տեղի է ունեցել 1997 թվականի հունիսի 7-ին[2]:

Ցույցեր

  • 1970 թվականի ապրիլի 22-ին հրապարակում տեղի է ունեցել Վլադիմիր Լենինի ծննդյան 100-ամյակին նվիրված հանրահավաք[3]:
  • Մինսկի 900-ամյակին նվիրված հանրահավաքները տեղի են ունեցել 1967 թվականին:

Ճարտարապետական հուշարձաններ[խմբագրել | խմբագրել կոդը]

Շենքեր[խմբագրել | խմբագրել կոդը]

Շենք Ճարտարապետական մանրամասներ FԳործառույթ(ներ)

Գերագույն Խորհուրդ

House of Representatives of Belarus.jpgԳերագույն Խորհուրդ #1
Շենքը գտնվում է Վլադիմիր Լենինի արձանի հետևում։ Սա այն շենքերից է, որ պահպանվել է Երկրորդ համաշխարհային պատերազմի ժամանակ[4]։ 1934 թվականին շենքը կառուցել է Լոսիվ Լանգբարդը[4]: Բելառուսի բարձրագույն պետական մարմինն է[5]։ Գերագույն խորհուրդը Բելառուսական ԽՍՀ Գերագույն սովետի իրավահաջորդն է։ Հանդես է գալիս որպես Բելառուսի խորհրդարան։

Սուրբ Սիմոնի և Ելենայի եկեղեցի
Belarus-Minsk-Church of Simon and Helena-7-2.jpg
Եկեղեցին նախագծել են լեհ ճարտարապետներ Տոմաշ Պայզդերսկին և Վլադիսլավ Մարկոնին։ Շինարարությունն սկսվել է 1905 թվականին և ավարտվել 1910 թվականին։ Չեստոխովայից բերված աղյուսներից ստացված կարմիր արտաքին տեսքի համար այն անվանում են նաև «Կարմիր եկեղեցի»։ Կաթոլիկ եկեղեցի է Մինսկում[6]։ Խորհրդային Միության օրոք եկեղեցին գործել է որպես կինոթատրոն։ Եկեղեցում ժամերգությունները կատարվում են բելառուսերեն, լեհերեն, լիտվերեն, լատիշերեն և լատիներեն։
Բելառուսի պետական համալսարան
Студгородрок-2.jpg
Համալսարանի շենքը նախագծել են ճարտարապետներ Ի. Զապորոժեցը և Գ. Լավրովը։ ԲՊՀ-ի գլխավոր շենքը կառուցվել է 1962 թվականին[4]։ Համալսարանն ունի 16 ֆակուլտետ։ Ինստիտուներից 4-ը կրթական են, որոնք տրամադրում են ավարտական և հետբուհական կրթական ծրագրեր[7]։ ԲՊՀ բարձրագույն ուսումնական հաստատություն է Մինսկում։
Մինսկի քաղաքային խորհուրդ

Belarus coa.png

Քաղաքային խորհրդի շենքը 1964 թվականին նախագծել են ճարտարապետներ Ս. Մուսինսկին և Գ. Սիսոևը[4]: Խորհուրդը որոշումներ է կայացնում տնտեսության, շուկայական բարեփոխումների, ձեռնարկությունների և կազմակերպությունների արտաքին տնտեսական գործունեության, տրանսպորտի և կապի, բնակարանային, կոմունալ ծառայությունների և էներգետիկայի, քաղաքի պլանավորման, ծառայությունների ոլորտի, հանրային առողջապահական ծառայությունների, ֆիզիկական կուլտուրայի, սպորտի և զբոսաշրջության, կրթության և մշակույթի, սոցիալական անվտանգության և հասարակայնության հետ կապերի հարցերով[8]։
Լենինի արձանը

Այլ

Լենինի արձանը
Լենինի արձանը գտնվում է Գերագույն խորհրդի շենքի դիմաց։

Ծանոթագրություններ[խմբագրել | խմբագրել կոդը]

  1. «Places to see in Minsk: exciting tourist attractions, museums, picturesque parks… | Belarus.by»։ www.belarus.by (անգլերեն)։ Վերցված է 2017-01-24 
  2. WarsawPactGuy1985 (2017-01-07), 1997 Belarusian Independence Day Parade, https://www.youtube.com/watch?v=tYkHYhRUa6E&feature=youtu.be, վերցված է 2017-01-08 
  3. minskiy100 (2013-11-06), 100 лет Ленина в Минске, https://www.youtube.com/watch?v=CzBNeIFANTU&t=407s, վերցված է 2017-01-08 
  4. 4,0 4,1 4,2 4,3 «Stalinist architecture of Minsk»։ www.comtourist.com։ Վերցված է 2017-01-22 
  5. «03491»։ knowbysight.info։ Վերցված է 2017-01-22 
  6. «Чырвоны касцёл - Красный костел - chyrvony.by»։ Чырвоны касцёл. Парафія Св. Сымона і Св. Алены ў Мінску (be-by)։ Վերցված է 2017-01-22 
  7. «Organisations: Belarusian State University: Belarusian State University, Minsk, Belarus»։ www.mathnet.ru։ Վերցված է 2017-01-22 
  8. «Home — Minsk city executive committee»։ minsk.gov.by։ Վերցված է 2017-01-23