Անի Ֆրիդ Լինգստադ
| Անի Ֆրիդ Լինգստադ | |
|---|---|
 | |
| Հիմնական տվյալներ | |
| Բնօրինակ անուն | Anni-Frid Lyngstad |
| Ի ծնե անուն | Anni-Frid Synni Lyngstad |
| Ծնվել է | նոյեմբերի 15, 1945[1][2] (78 տարեկան) Բալանգեն, Նուռլան, Նորվեգիա |
| Երկիր |  Շվեդիա |
| Ժանրեր | ջազ, փոփ ռոք, Քանթրի, dansband music?, Եվրո փոփ, դիսկո և Հիթ |
| Մասնագիտություն | schlager singer, ստուդիական երաժիշտ, փոփ երգիչ, disco singer և dansband singer |
| Երգչաձայն | մեցցո-սոպրանո |
| Գործիքներ | դաշնամուր և վոկալ |
| Լեյբլ | ԷՄԻ և His Master's Voice |
| Անդամակցություն | ABBA |
| Ամուսին | Բեննի Անդերսոն, Prince Heinrich Ruzzo Reuss of Plauen? և Ragnar Fredriksson? |
| Պարգևներ | |
| Ստորագրություն | |
 | |
 Anni-Frid Lyngstad Վիքիպահեստում | |
Անի Ֆրիդ Լինգդտադ (Ֆրիդա[4] ի ծնե Անի Ֆրիդ Սյունի Լյունգդտադ[5] շվեդ.՝ Anni-Frid Synni Lyngstad, նոյեմբերի 15, 1945[1][2], Բալանգեն, Նուռլան, Նորվեգիա), գերմանա նորվեգական ծագումով շվեդ երգչուհի, հայտնի է որպես ԱԲԲԱ խմբի մենակատար։ 1992 թվականի ամուսնությունից հետո՝ արքայադուստր Աննա Ֆրիդ Ռեյս ֆոն Պլաուեն։
Կենսագրություն[խմբագրել | խմբագրել կոդը]
Վաղ տարիներ[խմբագրել | խմբագրել կոդը]
Անի Ֆրիդը ծնվել է 1945 թվականի նոյեմբերի 15-ին 19-ամյա Սյունի Լյունգդտադի և Նորվեգիայում գտնվող գերմանական օկուպացիոն զորքերի զինվորական, արդեն ամուսնացած Ալֆրեդ Հաազեի (1919-2009) կապից[6]։ Ծնվելուց կես տարի անց Սյունին մոր Արնտինա Կորնելի Լյունգդտադի հետ աղջկան ուղարկում է ավելի ապահով Շվեդիայի Տորսխելլա քաղաք։ Պատճառը գերմանացի օկուպանտների հետ կապված կանանց վատ վերաբերվելն էր, ինչպես նաև այն վտանգը, որ այդ կապերից ծնված երեխաներին կարող է մորից վերցնեին։ Սյունի շուտով ինքն էլ է մեկնում Շվեդիա, բայց շուտով՝ 21 տարեկանում, մահանում է երիկամների անբավարարվածությունից։
Երկար տարիներ համարվում էր, որ Անի Ֆրիդի հայրը զոհվել է խորտակվող նավի վրա, Գերմանիա վերադառնալիս, բայց 1977 թվականին գերմանական «Բրավո» ամսագիրը օգնեց աղջկան գտնել հորը[7]։
Կարիերա[խմբագրել | խմբագրել կոդը]
Ֆրիդան սկսել է իր կարիերան 1958 թվականին՝ 13 տարեկան հասակում, որպես «դանսբենդ» ոճի փոփ-երգչուհի։ Հետո միացել է ջազ կատարող խմբի ու սկսել է կատարել Գլեն Միլերի, Դյուկ Էլինգտոնի, Քաունթ Բեյսիի երգերը։ Այդ ժամանակ նրա երկրպագության առարկան էին Էլլա Ֆիցջերալդն ու Պեգի Լին։ 1963 թվականին նա ստեղծում է սեփական՝ «Anni-Frid Four» երաժշտական խումբը
2005 թվականին երբ Ֆրիդան տոնում էր իր 60-ամյակը, Universal Music ստուդիան թողարկեց Ֆրիդայի չորս սոլո ալբոմների ձայնասկավառակների շարք, նաև երեք ժամ տևողության ԴՎԴ սկավառակ, որտեղ Ֆրիդան պատմում էր իր երաժշտական կարիերայի մասին։ Այնտեղ կային նաև բազմաթիվ հազվագյուտ տեսահոլովակներ և ձայնագրումներ։
Անձնական կյանք[խմբագրել | խմբագրել կոդը]
1963 թվականի ապրիլի 3-ին 17 տարեկան հասակում Ֆրիդան ամուսնացել է երաժիշտ և առևտրական Ռագնար Ֆրեդրիկսոնի հետ։ Ամուսնությունից երկու երեխա է ծնվում՝ Հանս Ռագնար Ֆրեդրիկսոնը (ծնվ. հունվարի 26, 1963) և Էն Լիսա Լոտե Ֆրեդրիկսոնը (փետրվարի 25 1967 - հունվարի 13 1998)։ Ֆրիդան և Ռագները առանձնացան աղջկա ծննդից ոչ շատ ուշ, իսկ պաշտոնապես բաժանվել են 1970 թվականի մայիսի 19-ին. այդ օրը մահացել է Ֆրիդայի 71-ամյա տատը։
1969 թվականի մայիսին Ֆրիդան ծանոթանում է Բենի Անդերսոնի հետ, 1971 թվականից սկսում են համատեղ ապրել։ Պաշտոնապես ամրագրել են ամուսնությունը 1978 թվականի հոկտեմբերի 6-ին, երբ «ԱԲԲԱ»-ն իր ժողովրդականության գագաթին էր։ Պաշտոնական ամուսնությունը տևել է երեք տարի, բաժանվել են 1981 թվականին։
1982 թվականին Ֆրիդան հեռանում է Շվեդիայից և տեղափոխվում Լոնդոն։ 1984 թվականին ապրում է Փարիզում, որտեղ ձայնագրել է «Շայն» (անգլ.՝ «Shine») ալբոմը։ 1986 թվականին տեղափոխվել է Շվեյցարիա, որտեղ և ապրում է մինչ այսօր։
1992 թվականի օգոստոսի 26-ին Ֆրիդան ամուսնացել է իր վաղեմի ընկերոջ Հենրիխ Ռուցո Ռեյս ֆոն Պլաուենի հետ (գերմ.՝ Heinrich Ruzzo, Prinz Reuss von Plauen) (մայիսի 24 1950 - հոկտեմբերի 29 1999)։ Այդ օրվանից Ֆրիդայի պաշտոնական դիմելաձևը՝ Ձերդ պայծառություն արքայադուստր Աննա Ֆրիդ Ռեյս ֆոն Պլաուեն է։ Արքայազն Հենրիխը մահացել է քաղցկեղից 1999 թվականին, իսկ դրանից մեկ տարի առաջ Դետրոյթի մոտ (ԱՄՆ) ավտովթարից զոհվել է Ֆրիդայի դուստրը Լիսա Լոտեն։
Քանի որ նրա ամուսինը Շվեդիայի ներկայիս թագավորի՝ Կարլ XVI Գուստավի դասընկերն էր, Ֆրիդան դարձավ արքայական ընտանիքի մտերիմը։ Այժմ նա զբաղվում է բարեգործությամբ և շրջակա միջավայրի պաշտպանությամբ։ 2005 թվականի հարցազրույցներից մեկում Ֆրիդան ասել է, որ երաժշտական գործունեության չի վերադառնա։
Դիսկագրություն[խմբագրել | խմբագրել կոդը]
- 1971 - Frida
- 1972 - Anni-Frid Lyngstad / Min Egen Stad
- 1975 - Frida Ensam
- 1982 - Something's Going On
- 1984 - Shine
- 1991 - Pa Egen Hand
- 1993 - Tre Kvart Fran Nu
- 1996 - Djupa Andetag
- 1997 - Frida 1967-1972
- 1998 - Frida - The Mixes
- 1998/2000 - Svenska Popfavoriter - Frida /14 Hits
- 2001 - The Collection
- 2005 - FRIDA 4CD + DVD
Աղբյուրներ[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ 1,0 1,1 ČSFD (չեխերեն) — 2001.
- ↑ 2,0 2,1 Roglo — 1997. — ed. size: 9000000
- ↑ H.M. Konungen har beslutat om ordensförläningar för exceptionella insatser (շվեդերեն)
- ↑ Բեմական կեղծանուն
- ↑ Լրիվ անունը ըստ շվեդերեն արտասանության
- ↑ Connolly, Kate (2002 թ․ հունիսի 30). «Torment of the Abba star with a Nazi father». The Guardian. Վերցված է 2012 թ․ հունվարի 28-ին.
- ↑ Palm, Carl Magnus (2002), Bright Lights, Dark Shadows: The Real Story of ABBA, Omnibus Press, pp. 47–49, ISBN 0-7119-9194-4.
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Անի Ֆրիդ Լինգստադ կատեգորիայում։ |