Անի Յորենց

Վիքիպեդիայից՝ ազատ հանրագիտարանից
Jump to navigation Jump to search
Անի (Սարգսյան) Յորենց
Անի Յորենց.jpg
Ծնվել էհոկտեմբերի 4, 1984 (35 տարեկան)
Վրաստան
Երկիր{{{2}}} Հայաստան
ԺանրերՕպերա
ՄասնագիտությունՕպերային երգչուհի, Սոպրանո
Երգչաձայնսոպրանո
Գործիքներվոկալ
ԱշխատավայրԱլեքսանդր Սպենդիարյանի անվան օպերայի և բալետի ազգային ակադեմիական թատրոն և Քասել քաղաքի պետական թատրոն
ԿրթությունՂազարոս Սարյանի անվան արվեստի դպրոց, Երևանի Կոմիտասի անվան պետական կոնսերվատորիա և Ֆրանկֆուրտի երաժշտության և կատարողական արվեստների համալսարան
Կայքaniyorentz.com
Անի Յորենց

Անի Յորենց (անգլ.՝ Ani Yorentz [ɑːnɪ jɔːrɛ'nts], հոկտեմբերի 4, 1984, Վրացական ԽՍՀ), հայ օպերային երգչուհի, սոպրանո:

Կենսագրություն[խմբագրել | խմբագրել կոդը]

Անի Յորենցը (ազգանունը՝ Սարգսյան) ծնվել է 1984 թ. հոկտեմբերի 4-ին Վրաստանում (այն ժամանակ՝ Խորհրդային Միություն) Ներսես Սարգսյանի և իր կնոջ՝ Ռիմայի ընտանիքում: Երգել սկսել է վաղ հասակից՝ դեռևս վեց տարեկանում: 1993-2000 թվականներին Անին հաճախել է Ղազարոս Սարյանի անվան արվեստի դպրոց (Երևան), որտեղ ուսանել է դաշնամուր և երգեցողություն: 2001-2006 թվականներին Յորենցն ուսումը շարունակել է Երևանի Կոմիտասի անվան պետական կոնսերվատորիայում, որն ավարտել է գերազանցության դիպլոմով՝ ստանալով օպերային երգչուհու որակավորում: Ուսմանը զուգահեռ Անի Յորենցը, որպես մենակատար, հանդես է եկել Ա. Սպենդիարյանի անվան օպերայի և բալետի ազգային ակադեմիական թատրոնում: Օպերային թատրոնում նրա կատարումներից էին, մասնավորապես, Մագդայի և Լորետտայի դերերը Ջակոմո Պուչինիի, համապատասխանաբար, «Ծիծեռնակը» և «Ջանի Սկիկի» օպերաներից[1]:

2008 թվականին Անի Յորենցը տեղափոխվում է Գերմանիայի Մայնի Ֆրանկֆուրտ քաղաք, որտեղ ուսումը շարունակում է Ֆրանկֆուրտի երաժշտության և կատարողական արվեստների համալսարանում (գերմաներեն՝ Hochschule für Musik und Darstellende Kunst Frankfurt am Main) (պրոֆեսոր՝ Թոմաս Մայերի դասարան): Համալսարանն ավարտել է 2011 թվականին գերազանցության դիպլոմով: Նույն թվականից աշխատում է Գերմանիայի Քասել քաղաքի Օպերային թատրոնում (գերմաներեն՝ Staatstheater Kassel): Անի Յորենցը խոսում է հայերեն, գերմաներեն, անգլերեն, իտալերեն և ռուսերեն:

Մրցանակներ[խմբագրել | խմբագրել կոդը]

  • Երիտասարդական մրցանակ, Երաժշտական միջազգային մրցույթ, Երևան, Հայաստան, 2002 թ.
  • Երիտասարդ հայտնություն մրցանակ, «Սաթե սոխակ» (ռուսերեն՝ Янтарный соловей) Երաժշտական միջազգային մրցույթ, Կալինինգրադ, ՌԴ, 2004 թ.
  • Բրոնզե մեդալ, "Delping Games", Երաժշտական միջազգային մրցույթ, Կիև, Ուկրաինա, 2005 թ.
  • Երկրորդ մրցանակ, Տ. Սազանդարյանի անվան հանրապետական մրցույթ, Երևան, Հայաստան, 2006 թ.
  • Առաջին մրցանակ Միքաելայի դերի համար, «Կարմեն» օպերայի մրցույթ, Հալդենշտայն ամրոց, Շվեյցարիա, 2009 թ.

Երգացանկ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Baghdasaryan Aram։ «AV Production - Անի Յորենց»։ avproduction.am։ Վերցված է 2018-10-04 

Արտաքին հղումներ[խմբագրել | խմբագրել կոդը]