Jump to content

Անժելիկա Ագուրբաշ

Վիքիպեդիայից՝ ազատ հանրագիտարանից
Անժելիկա Ագուրբաշ
Բնօրինակ անունբելառուս․՝ Анжаліка Анатольеўна Агурбаш-Ялінская[1] և ռուս.՝ Лика Ялинская
Ի ծնե անունբելառուս․՝ Анжаліка Анатольеўна Ялінская
Ծնվել էմայիսի 17, 1970(1970-05-17)[2][3][4][…] (55 տարեկան)
Մինսկ, Բելառուսական ԽՍՀ, ԽՍՀՄ[2]
Երկիր ԽՍՀՄ և  Ռուսաստան
Ժանրերփոփ և փոփ֊ֆոլք
Մասնագիտություներգչուհի, մոդել, կինոդերասանուհի, հաղորդավար, դերասանուհի, ֆոտոմոդել, բանաստեղծուհի, գրող և հեռուստահաղորդավարուհի
Երգչաձայնսոպրանո
Գործիքներվոկալ
ԿրթությունԲելառուսի արվեստի պետական ակադեմիա[5]
ԱնդամակցությունVerasy?
ԱմուսինNicholas Agurbash?[5], Igor Leniow?[5] և Waleryj Biziuk?[5]
Պարգևներ
 Angelica Agurbash Վիքիպահեստում

Անժելիկա Անատոլևնա Ագուրբաշ (բելառուս․՝ Анжаліка Анатольеўна Агурбаш, ի ծնե Յալինսկայա, 1990-ից 2001 թվականներին հանդես է եկել Լիկա Յալինսկայա անունով (բելառուս․՝ Ліка Ялінская)[6], մայիսի 17, 1970(1970-05-17)[2][3][4][…], Մինսկ, Բելառուսական ԽՍՀ, ԽՍՀՄ[2]), խորհրդային, բելառուսական և ռուսական[7] երգչուհի, դերասանուհի, մոդել և հեռուստահաղորդավարուհի, 1990-1995 թվականներին՝ «Վերասի» խմբի անդամ, Բելառուսի Հանրապետության վաստակավոր արտիստ (2006 թվական)։ «Ոսկե գրամոֆոն» և «Ձայնային ուղի» մրցանակների դափնեկիր, «Տարվա երգ» փառատոնի մասնակից[8]։

Կենսագրություն

[խմբագրել | խմբագրել կոդը]

Անժելիկան ծնվել է 1970 թվականի մայիսի 17-ին Մինսկում։

Վեց տարեկանում կատարել է հայտնի երգեր և իրեն պատկերացրել բեմում։ Դպրոցական տարիներին սովորել է թատերական ստուդիայում և երաժշտական դպրոցում։

16 տարեկանում՝ 9-րդ դասարանում, գլխավոր դերում նկարահանվել է «Քննություն տնօրենի համար» ֆիլմում, որից առաջ որպես հոծախումբ մասնակցել է մեկ այլ ֆիլմում։

Ավարտել է Մինսկի թատրոնի և արվեստի ինստիտուտը։

1988 թվականին նա հաղթել է Բելառուսի առաջին գեղեցկության մրցույթում՝ «Мінская прыгажуня»[9]։ Իր կարիերայի սկզբում նրա անունը Լիկա Յալինսկայա էր[10]։

1990-ից 1995 թվականներին երգել է «Վերասի» խմբում։ Նա ստեղծել է «Լիկա» արվեստի ակումբը՝ հանրապետական հասարակական միավորումը։

Յալինսկայայի առաջին հայտնիությունը Բելառուսից դուրս է եկել 1994 թվականին՝ «Ոչ, այս արցունքները իմը չեն...» ռոմանսով Վլադիմիր Նեկլյաևի խոսքերով և Միքայել Թարիվերդիևի երաժշտությամբ, որը կատարվել է Ալոիս Բրանչի «Ռոմանտիկա ռուսական ոճով» ֆիլմում[11]։

Դարձել է «Սլավյանսկի բազար», «Ոսկե հիթ», «Եվրոպայի խաչմերուկում» մրցույթների դափնեկիր։

«Վերասի»խմբիվ հեռանալուց հետո նա զբաղվել է սոլո կարիերայով։ Ըստ «Կոմսոմոլսկայա պրավդայի», Լև Լեշչենկոն դարձել է նրա պրոդյուսերը Մոսկվայում[12]։

2002 թվականին նա ամուսնացել է Նիկոլայ Ագուրբաշի հետ, և նա դերձել է երգչուհու պրոդյուսերը[10]։

2004-ից 2006 թվականներին ռուսական հեռուստաալիքներով Անժելիկա Ագուրբաշի տեսահոլովակների ակտիվ առաջխաղացման շրջանն էր։ Սկզբում հաջողություն չկար. Քննադատների կարծիքով՝ դրա պատճառները չափազանց թույլ երաժշտական նյութն են, երգչուհու խնդիրները խարիզմայի հետ, վառ տեմբրի բացակայությունը, ինչպես նաև «անճաշակությունը, գավառամտությունը և գռեհկությունը»[13][14]։

Եվրատեսիլ 2005 երգի մրցույթում ներկայացրել է Բելառուսը կիսաեզրափակչում «Love Me Tonight» երգով, որի պրոդյուսերն էր Ֆիլիպ Կիրկորովը[15]։ Բայց Ագուրբաշը չի անցել եզրափակիչ փուլ՝ կիսաեզրափակիչում զբաղեցնելով 13-րդ տեղը։

2009 թվականին մտնում է Մաքսիմ Ֆադեևի «Любовь! Любовь? Любовь…» երգերի ալբոմը՝ «Роза на снегу» հիթով[16]։ Գուրու Քենը նշել է, որ ալբոմը շատ «խունացած» է ստացվել. «Ամբողջովին անդեմ երգիչը մեկը մյուսի հետևից երգում է ամբողջովին շաբլոնային երգեր։ Ակնհայտ անհնար է հասկանալ, թե ով է սա երգում։ Վերնագրի երգը երգում է Սոֆյա Ռոտարուն։ Ուրախ «До свиданья, Дима» և «Милый О. О.» կարծում եմ Կատյա Լելն է երգում։ Շանսոնային «Розу на снегу», նման է Մարինա Խլեբնիկովային։ Եթե չլինեին համեմատաբար թանկ վերադաշնակումները, կարելի էր նույնիսկ սխալվել՝ գնելով հայրենական էստրադայի պարոդիաների հավաքածու ինչ-որ աշխատասեր КВН-ուհուց»[17]։

Նիկոլայ Ֆանդեևի ակնարկն ավելի կատեգորիկ էր. Նրա կարծիքով՝ «Մաքսին հաջողվեց... վաճառել մեկ կոճակը հինգ կոստյումի գնով... Իսկ ռեստորանային «Милый О. О.» ապրանքը ամբողջովին անամոթության և գռեհկության գագաթնակետ է այն ամենից, ինչ երբևէ արել է Անժելիկա Ագուրբաշը»[18]։

2011 թվականին Կրեմլում տեղի ունեցել Ագուրբաշի շոուն, որը ներառում էր դուետներ ռուս հայտնի էստրադային արտիստների հետ, նրա գործընկերներն էին Բորիս Մոիսեևը, Ալեքսանդր Մարշալը, Ալեքսանդր Բույնովը, Դմիտրի Մալիկովը, Ֆիլիպ Կիրկորովը[19]։

2012 թվականի սեպտեմբերի 25-ին երգչուհին թողարկել է «Ты не знал меня такой» ալբոմը։ Ալբոմի ամենահայտնի ստեղծագործություններն են «Муха» և «Река»-ը, որոնք 2010 և 2011 թվականներին ընդգրկվել են «Տարվա երգերի» եզրափակիչում։

2015 թվականի հունվարի 26-ին տեղի է ունեցել «Ակումբների արքա - սիրո քարտ» ներկայացման պրեմիերան՝ Անժելիկա Ագուրբաշի և Էմանուիլ Վիտորգանի գլխավոր դերերում, Լյուդմիլա Մակսակովայի մասնակցությամբ Մայակովսկու անվան թատրոնի բեմում[20]։

2015 թվականի փետրվարի 8-ից մայիսի 24-ը Անժելիկան մասնակցել է «Մեկից մեկ» շոուին «Ռոսիա 1» հեռուստաալիքով, որտեղ լսարանի SMS քվեարկության արդյունքներով զբաղեցրել է 4-րդ տեղը[21]։

2015 թվականի մայիսի 30-ին Մոսկվայում Ագուրբաշը մասնակցել է «Կոնստանտին Խաբենսկու Բարեգործական Հիմնադրամի» «Երեխայի աչքերով» բարեգործական աճուրդին։ Անժելիկայի տրամադրած լոտը հաջողությամբ վաճառվել է, իսկ հասույթն ուղղվել է քաղցկեղով հիվանդ երեխաների բուժմանը[22]։

2015 թվականի հունիսի 24-ին Մոսկվայում Միխայիլ Գուցերիևի պրոդյուսերական կենտրոնի հետ միասին տեղի է ունեցել նոր երգի պրեմիերան՝ Միխայիլ Գուցերիևի խոսքերով և Անդրեյ Կտիտարևի երաժշտությամբ։ Կոմպոզիցիան հեռարձակվել է ռուսական ռադիոկայաններով[23]։

2015 թվականի հուլիսի 9-ին Բելառուսում տեղի է ունեցել «Սլավոնսկի բազար Վիտեբսկում» XXIV միջազգային փառատոնի բացման արարողությունը, որտեղ Ագուրբաշը Վադիմ Գալիգինի հետ դարձել է փառատոնի պատվավոր հյուրն ու հաղորդավարը, ինչպես նաև Դմիտրի Մալիկովի հետ կատարել է «Ещё, ещё» ստեղծագործությունը[24][25]։

2015 թվականի սեպտեմբերի 12-ին Մոսկվայի կենտրոնական հիպոդրոմում տեղի է ունեցել XII ձիարշավը Ռուսաստանի Դաշնության Նախագահի մրցանակի համար, որտեղ որպես հաղորդավար հանդես են եկել Ագուրբաշը և Սերգեյ Ժիգունովը[26]։

2016 թվականի փետրվարի 6-ին Ագուրբաշը դարձել է «Ռոսիա-1» հեռուստաալիքի «Մեկից մեկ! Եթերաշրջանների ճակատամարտ» շոուի մասնակիցը[27]։

2016 թվականի սեպտեմբերի 12-ին Ագուրբաշը և հայ երգիչ Արամեն RU.TV ալիքի եթերում ներկայացրել են իրենց զուգերգը՝ «Было и прошло» վերնագրով[28]։

2017 թվականի հունվարի 26-ին Ագուրբաշը հանրությանը ներկայացրել է իր նոր տեսահոլովակը «Четверг в твоей постели» երգով։ Պրեմիերան կայացել է RU.TV հեռուստաալիքով[29]։

2018 թվականի հուլիսին երգչուհին Բաքվում մասնակցել է «Ժառա» երաժշտական փառատոնին[30]։

2021 թվականի հունիսին նա պարտվել է Բելկոոպսոյուզի դեմ դատական հայցում, ըստ որի՝ նա պարտավորվում էր կազմակերպությանը վերադարձնել 83,000 դոլար արժողությամբ 40 մորթյա արտադրանքները, որոնք նա վաճառքի է հանել 2018 թվականին[31]։

Հասարակական դիրքորոշում

[խմբագրել | խմբագրել կոդը]

Անժելիկա Ագուրբաշը աջակցում է Բելառուսի քաղաքական ռեժիմի ընդդիմությանը, համերաշխության միջոցառմանը մասնակցելու կապակցությամբ նա կարճ ժամանակով մնացել է Ռուսաստանում[32]։

2021 թվականի հունիսին Բելառուսի Հանրապետության իշխանությունները նրա դեմ քրեական գործ են հարուցել Ալեքսանդր Լուկաշենկոյին ատելություն հրահրելու և վիրավորելու համար։ Նրա նկատմամբ քրեական գործ է հարուցվել Քրեական Օրենսգրքի էջ 130-ի մաս 3-ով (Թշնամություն կամ տարաձայնություն հրահրելը), որը նախատեսում է մինչև 12 տարի ազատազրկում, և Քրեական Օրենսգրքի էջ 368-ի մաս 2-ով (նախագահի վիրավորանք)՝ մինչև երեք տարի ազատազրկում։ Բելառուսի գլխավոր դատախազության տվյալներով՝ երգչին հեռակա ձերբակալել են։ Բելառուսի իշխանությունները դիմում են ուղարկել Ռուսաստանի Դաշնության գլխավոր դատախազություն՝ նրան Բելառուսում պատժի նպատակով արտահանձնելու համար[33][34]։

Անձնական կյանք

[խմբագրել | խմբագրել կոդը]
  • Առաջին ամուսինը, Բելառուսի դերասան և ռեժիսոր Իգոր Լենև (ծնվել է 1958 թվականի օգոստոսի 9-ին)[35][36], ամուսնությունը տևել է երկու տարի[10][12]։
    • Դուստր, Դարյա Իգորևնա Յալինսկայա (ծնվել է 1988 թվականի մարտի 14-ին), ավարտել է Կառավարման պետական համալսարանի «Կառավարում շոու բիզնեսում» մասնագիտությունը։ Աշխատել է Տիմատիի հետ[37][38][39]։
  • Ապրել է բոդիբիլդեր Վալերի Բիզյուկի հետ (հարաբերությունները տևեցին 6 տարի)[12]։
    • Որդի, Նիկիտա Վալերևիչ Յալինսկի (ծնվել է 1997 թվականի հուլիսի 4-ին)
  • Երկրորդ ամուսին, Նիկոլայ Ագուրբաշ (2001-ից մինչև 2012 թվական)[9]. 2012 թվականի օգոստոսին ամուսնալուծվել է Նիկոլայ Ագուրբաշի հետ, որի պատճառները երկու նախկին ամուսիններն էլ մանրամասնորեն խոսեցին ԶԼՄ-ներում[10][13]։
    • Որդի, Անաստաս Նիկոլաևիչ Ագուրբաշ (ծնվել է 2004 թվականի օգոստոսի 19-ին)

2012 թվականից նա հարաբերությունների մեջ է ղազախ բիզնեսմեն Անատոլի Պոբիախոյի հետ (ծնվել է 1971 թականին), 2015 թվականին հայտնի է դարձել նշանադրության լուծարման և հարաբերությունների ավարտի մասին[40]։

Սակավառակագրություն

[խմբագրել | խմբագրել կոդը]

Սինգլներ

[խմբագրել | խմբագրել կոդը]
  • «Николаевских стая» (01.01.2002)
  • «Евфросинья», երաժշտության և խոսքերի հեղինակ Ալեքսանդր Շկուրատով (01.09.2003)
  • «Гимн фирмы Мортадель» (2004)
  • «Новогодняя», երաժշտության և խոսքերի հեղինակ Ալեքսանդր Շկուրատով (01.12.2004)
  • «Я, Валентинка», երաժշտության և խոսքերի հեղինակ Ալեքսանդր Շկուրատով (01.02.2005)
  • «Boys and Girls», երաժշտության և խոսքերի հեղինակ Ալեքսանդր Շկուրատով (01.03.2005)
  • «Love Me Tonight» (05.04.2005)
  • «Земляки» (01.10.2006)
  • «Белая Русь» (05.02.2007)
  • «Украина» (2010)
  • «Туман» (2011)
  • «Чёрная вуаль» (2014)
  • «Плакала, но верила» (2015) երաժշտության և խոսքերի հեղինակ Ալեքսեյ Մալախով
  • «Заново рождена» (2015) երաժշտության և խոսքերի հեղինակ Ալեքսեյ Մալախով
  • «Я не вижу солнце за ночью» (2015) բառերի հեղինակ Միխայիլ Գուցերիև, երաժշտություն՝ Անդրեյ Կտիտարև
  • «Убей меня» (2015) երաժշտության և խոսքերի հեղինակ՝ Վլադիմիր Կուրտո
  • «Было и прошло» (2016) զուգերգ Arame-ի հետ։ Երաժշտության և խոսքերի հեղինակ՝ Աննա Հովներ
  • «Четверг в твоей постели» (2017) Երաժշտության և խոսքերի հեղինակ՝ Դմիտրի Լորեն
  • «Мне любви твоей мало» (2020) երաժշտության և խոսքերի հեղինակ Ալեքսեյ Մալախով
  • «Наўздагон» (2020)
  • «Мы океаны» (2022)
  • «Плачу-Смеюсь» (2022)
  • «По нервам» (ft Karen ТУЗ) (2022)

Տեսահոլովակներ

[խմբագրել | խմբագրել կոդը]
Տարի Տեսահոլովակ Ռեժիսոր Ալբոմ
1995 «Бумажная Луна» Վլադիմիր Յանկովսկի «Бумажная Луна»
1997 «Останься» «Ночь Без Сна»
«Осенний марафон»
1999 «Мир грёз» (feat. Լև Լեշչենկո)
2000 «Журавлик» Սերգեր կալվարսկի
2004 «Я буду звать тебя» Ռոման Ռոդին «Правила Любви»
«Я не отпущу тебя»
«Новогодняя» Վլադիմիր Յանկովսկի
2005 «Я, Валентинка» «Правила Любви»
«Правила Любви» Անդրեյ Բումագին
«Love Me Tonight» Անդրեյ Բոլտենկո ալբոմից դուրս
2006 «Моя Мания» Մաքսիմ Օսադչիյ «Я Буду Жить Для Тебя»
«Я буду жить для тебя» Ալան Բադոև
2007 «Нелюбимая» «Любовь! Любовь? Любовь…»
2009 «Две Тени» (feat. Բորիս Մոիսեև) Ալեքսանդր Իգուդին ալբոմից դուրս
2011 «Река» Ալան Բադոև «Ты Не Знал Меня Такой»
2012 «Белый снег» (feat. Ուկու Սուվիստե) Արտյոմ Ֆաուստ TBA
2014 «Чёрная вуаль» Ալեքսանդր Լունև
2016 «Было и прошло» (feat. Arame) Ալեքսեյ Գոլուբև
2017 «Четверг в твоей постели» Իրինա Միրոնովա
2019 «Мне любви твоей мало» Գրիգորի Շելուխին
2025 «Ранена, но жива...» «Откровенная. Часть I»

Մասնակցություն տեսահոլովակներում

[խմբագրել | խմբագրել կոդը]
  • «Баллада о новом паспорте» (2017 թվական), կատարող՝ Արկադի Ուկուպնիկ, ռեժիսոր՝ Գ.Վոլև։

Մասնակցություն գովազդում

[խմբագրել | խմբագրել կոդը]
  • Քաղաքային թիվ 62 ատամնաբուժական կլինիկայի գովազդային հոլովակ (2019 թվական)[41]

Մրցանակներ և կոչումներ

[խմբագրել | խմբագրել կոդը]

Պետական մրցանակներ

Երաժշտական փառատոնների դափնեկիր

Տիտղոսներ.

Ֆիլմագրություն

[խմբագրել | խմբագրել կոդը]
  • 1987 — Քննություն տնօրենի համար — Վալյա, աշակերտուհի, տեխնիկ
  • 1988 — Մուդրումեր — Էլլա, մոդել
  • 1993 — Նրա մասին, բայց առանց նրա
  • 2006 — 2007 — Անիծված դրախտ — Բելա
  • 2013 — Հավատքի ուժ — Ժաննա Սեգիևսկայա, Անդրեյի նախկին կին, դերասանուհի
  • 2014 — Կանայք եզրին — Ելենա Անդրեևնա, դերասանուհի
  • 2015 — Սիրո թելեր — երգչուհի Անաստասիա Սլիվկինա
  • 2016 — Սվետոֆորովների ընտանիքը — Կամեո

Վոկալ

[խմբագրել | խմբագրել կոդը]
  • 1994 — «A La Russa» վեպ — ռոմանս «Нет, эти слёзы не мои»
  • 2006—2007 «Делай это» — սաունդթրեք «Անիծված դրախտ» սերիալի համար
  • 2006—2007 «Я гарантирую рай» — սաունդթրեք «Անիծված դրախտ» սերիալի համար
  • 2008 — «Չեմպիոն» ֆիլմի համար «Нелюбимая» սաունդթրեք

Տես նաև

[խմբագրել | խմբագրել կոդը]

Գրականություն

[խմբագրել | խմբագրել կոդը]
  • Д.П. АГУРБАШ-ЯЛІНСКАЯ АНЖАЛІКА (Агурбаш-Ялинская Анжелика, Agurbash-Jalinskaja Angelika) // Энцыклапедыя беларускай папулярнай музыкі / уклад. Дз. Падбярэзскі і інш. — Мінск: Зьміцер Колас, 2008. — С. 9. — 368 с. — 2000 экз. — ISBN 978-985-6783-42-8

Ծանոթագրություններ

[խմբագրել | խմբագրել կոդը]
  1. ↑ Падбярэзскі Д. Энцыклапедыя беларускай папулярнай музыкі (բելառուս.) — Мінск: Зміцер Колас, 2008. — P. 9. — 368 p. — ISBN 978-985-6783-42-8
  2. ↑ 2,0 2,1 2,2 2,3 2,4 http://7days.ru/stars/bio/anzhelika-agurbash.htm
  3. ↑ 3,0 3,1 Internet Movie Database — 1990.
  4. ↑ 4,0 4,1 ČSFD (չեխերեն) — 2001.
  5. ↑ 5,0 5,1 5,2 5,3 5,4 5,5 5,6 http://7days.ru/stars/bio/anzhelika-agurbash.htm#bio
  6. ↑ «Анжелика Агурбаш. Биография». Արխիվացված օրիգինալից 2014 թ․ հունիսի 18-ին. Վերցված է 2014 թ․ հունիսի 19-ին.
  7. ↑ «Стало известно о гражданстве певицы Агурбаш, выдачи которой требует Белоруссия». Արխիվացված օրիգինալից 2021 թ․ հուլիսի 9-ին. Վերցված է 2021 թ․ հուլիսի 5-ին.
  8. ↑ «"Звуковой дорожке - 35 лет!"» (ռուսերեն). Արխիվացված օրիգինալից 2024 թ․ փետրվարի 15-ին. Վերցված է 2024 թ․ փետրվարի 15-ին.
  9. ↑ 9,0 9,1 Будкін, Сяргей (2013 թ․ մայիսի 2). «25 жанчын, без якіх не было б беларускай музыкі (+ аўдыё)» (բելառուսերեն). Կաղապար:Нп3. Արխիվացված է օրիգինալից 2020 թ․ ապրիլի 4-ին. Վերցված է 2020 թ․ ապրիլի 4-ին.
  10. ↑ 10,0 10,1 10,2 10,3 ««Женский взгляд» Оксаны Пушкиной, ПТ 08:40 | Передачи телекомпании НТВ». Արխիվացված օրիգինալից 2012 թ․ նոյեմբերի 23-ին. Վերցված է 2012 թ․ նոյեմբերի 23-ին.
  11. ↑ «Анжелика Агурбаш — Нет, Эти Слёзы Не Мои (1994)». Արխիվացված օրիգինալից 2017 թ․ հոկտեմբերի 8-ին. Վերցված է 2017 թ․ սեպտեմբերի 29-ին. {{cite web}}: no-break space character in |title= at position 17 (օգնություն)
  12. ↑ 12,0 12,1 12,2 «Миссис Россия-2002» — бывшая солистка группы «Верасы»! Արխիվացված 2013-03-30 Wayback Machine // КП
  13. ↑ 13,0 13,1 «Николай Агурбаш: «В интервью бывшей жены я представлен жадным самодуром и тираном» | Культура — Аргументы и Факты». Արխիվացված օրիգինալից 2012 թ․ նոյեմբերի 26-ին. Վերցված է 2012 թ․ նոյեմբերի 20-ին. {{cite web}}: no-break space character in |title= at position 94 (օգնություն)
  14. ↑ «Анжелика Агурбаш — «Любовь! Любовь? Любовь» " synth-pop.ru». Արխիվացված է օրիգինալից 2013 թ․ նոյեմբերի 9-ին. Վերցված է 2012 թ․ նոյեմբերի 20-ին. {{cite web}}: no-break space character in |title= at position 17 (օգնություն)
  15. ↑ «Киркоров: Агурбаш имеет все шансы выйти в финал». naviny.by. 2005 թ․ մայիսի 16. Վերցված է 2017 թ․ հունվարի 25-ին.
  16. ↑ «Любовь! Любовь? Любовь». Гоголь.ру. Արխիվացված է օրիգինալից 2011 թ․ օգոստոսի 15-ին. Վերցված է 2015 թ․ մայիսի 23-ին.
  17. ↑ «Рецензия Гуру Кена на альбом Анжелики Агурбаш». Արխիվացված օրիգինալից 2013 թ․ նոյեմբերի 9-ին. Վերցված է 2012 թ․ նոյեմբերի 20-ին.
  18. ↑ Рецензия Николая Фандеева на альбом Анжелики Агурбаш
  19. ↑ «Анжелика Агурбаш взяла Кремль!». Արխիվացված օրիգինալից 2017 թ․ հունվարի 18-ին. Վերցված է 2017 թ․ հունվարի 17-ին.
  20. ↑ «О СПЕКТАКЛЕ «КОРОЛЬ ТРЕФ — КАРТА ЛЮБВИ»». Արխիվացված օրիգինալից 2015 թ․ մայիսի 29-ին. Վերցված է 2015 թ․ մայիսի 23-ին. {{cite web}}: no-break space character in |title= at position 25 (օգնություն)
  21. ↑ «Статья WorldPodium о шоу». Արխիվացված օրիգինալից 2020 թ․ փետրվարի 26-ին. Վերցված է 2020 թ․ մայիսի 5-ին.
  22. ↑ «Фонд Константина Хабенского собрал средства для детей, больных онкологией». Արխիվացված օրիգինալից 2015 թ․ մայիսի 31-ին. Վերցված է 2015 թ․ մայիսի 31-ին.
  23. ↑ «Ночь прошла… Я вижу солнце…». Արխիվացված օրիգինալից 2021 թ․ փետրվարի 27-ին. Վերցված է 2020 թ․ մայիսի 5-ին.
  24. ↑ Самая яркая пара ведущих открытия «Славянского базара 2015» — Анжелика Агурбаш и Вадим Галыгин.(չաշխատող հղում)
  25. ↑ «Анжелика Агурбаш спела с Дмитрием Маликовым. Дуэт получился нежный». Արխիվացված է օրիգինալից 2015 թ․ հուլիսի 11-ին. Վերցված է 2015 թ․ հուլիսի 11-ին.
  26. ↑ «XII скачки на приз Президента РФ». Արխիվացված օրիգինալից 2015 թ․ նոյեմբերի 22-ին. Վերցված է 2015 թ․ սեպտեմբերի 14-ին.
  27. ↑ ««Один в один!», 4 сезон: стали известны имена всех участников». Արխիվացված օրիգինալից 2016 թ․ ապրիլի 25-ին. Վերցված է 2016 թ․ ապրիլի 4-ին.
  28. ↑ Агурбаш на съёмках нового клипа(չաշխատող հղում)
  29. ↑ клип Анжелики Агурбаш — Четверг в твоей постели(չաշխատող հղում)
  30. ↑ «Из блюд азербайджанской кухни люблю все - Анжелика Агурбаш (ФОТО)» (ռուսերեն). Արխիվացված օրիգինալից 2024 թ․ փետրվարի 15-ին. Վերցված է 2024 թ․ փետրվարի 15-ին.
  31. ↑ «Суд в Минске по делу Анжелики Агурбаш постановил вернуть шубы Белкоопсоюзу». BELNAVINY (ռուսերեն). Արխիվացված օրիգինալից 2021 թ․ հունիսի 7-ին. Վերցված է 2021 թ․ հունիսի 7-ին.
  32. ↑ «Вести, 20 сентября 2020. В центре Москвы ненадолго задержали Анжелику Агурбаш». Արխիվացված օրիգինալից 2020 թ․ սեպտեմբերի 24-ին. Վերցված է 2020 թ․ սեպտեմբերի 24-ին.
  33. ↑ «Беларусь просит Россию выдать певицу Анжелику Агурбаш. Ее обвиняют в оскорблении Лукашенко». BBC News Русская служба. Արխիվացված է օրիգինալից 2021 թ․ հուլիսի 5-ին. Վերցված է 2021 թ․ հուլիսի 6-ին.
  34. ↑ «Анжелика Агурбаш: «Уголовное дело в Беларуси это как „Грэмми": дается только самым заслуженным»». Արխիվացված օրիգինալից 2021 թ․ հուլիսի 23-ին. Վերցված է 2022 թ․ հունվարի 12-ին.
  35. ↑ «Игорь Ленев». Արխիվացված օրիգինալից 2021 թ․ դեկտեմբերի 29-ին. Վերցված է 2021 թ․ դեկտեմբերի 29-ին.
  36. ↑ «Игорь Ленев». Արխիվացված օրիգինալից 2021 թ․ դեկտեմբերի 29-ին. Վերցված է 2021 թ․ դեկտեմբերի 29-ին.
  37. ↑ Блог Анжелики Агурбаш Արխիվացված 2011-06-03 Wayback Machine
  38. ↑ «Дочь Анжелики Агурбаш представит Беларусь на «Новой волне»?». Արխիվացված օրիգինալից 2013 թ․ նոյեմբերի 10-ին. Վերցված է 2012 թ․ նոյեմբերի 15-ին.
  39. ↑ «Ялинская Дарья Игоревна». Արխիվացված օրիգինալից 2013 թ․ նոյեմբերի 10-ին. Վերցված է 2012 թ․ նոյեմբերի 15-ին.
  40. ↑ «Анжелика Агурбаш разорвала помолвку с женихом, чье состояние Forbes оценивает в 90 миллионов долларов». Вокруг.ТВ (անգլերեն). 2023 թ․ օգոստոսի 29. Արխիվացված օրիգինալից 2023 թ․ օգոստոսի 29-ին. Վերցված է 2023 թ․ օգոստոսի 29-ին.
  41. ↑ Стоматология № 62 проморолик 2019 / youtube.com
  42. ↑ «Указ Президента Республики Беларусь от 10 апреля 2006 года № 212 «О награждении группы деятелей культуры и искусства государственными наградами Республики Беларусь»». Արխիվացված է օրիգինալից 2019 թ․ ապրիլի 20-ին. Վերցված է 2019 թ․ ապրիլի 20-ին. {{cite web}}: no-break space character in |title= at position 61 (օգնություն)

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Անժելիկա Ագուրբաշ» հոդվածին։
Ֆոտո, վիդեո և աուդիո
Թեմատիկ կայքեր
Չափորոշչային վերահսկողություն
Ստացված է «https://hy.wikipedia.org/w/index.php?title=Անժելիկա_Ագուրբաշ&oldid=10362506» էջից