Անթյե Թրաուե
 գերմ.՝ Antje Traue | |
|---|---|
_cropped.jpg) | |
| Ծնվել է | հունվարի 18, 1981[1][2] (42 տարեկան) |
| Ծննդավայր | Mittweida, Powiat Mittelsachsen, Սաքսոնիա |
| Քաղաքացիություն |  Գերմանիա |
| Մասնագիտություն | կինոդերասանուհի |
| antjetraue.com | |
Անթյե Թրաուե (գերմ.՝ Antje Traue, հունվարի 18, 1981[1][2], Mittweida, Powiat Mittelsachsen, Սաքսոնիա), գերմանացի դերասանուհի։
Կենսագրություն[խմբագրել | խմբագրել կոդը]
Անթյե Թրաուեն ծնվել է Գերմանիայի Միջին Սաքսոնիա շրջանի Միտվայդա քաղաքում։
Նրա բեմական կարիերան սկսվել է, երբ դպրոցական ներկայացման մեջ խաղացել է Ժաննա դ'Արկի դերը[3]։ 16 տարեկան հասակում հաղթել է «West End Opera» հիփ հոփ մյուզիքլի գլխավոր դերի համար անցկացված մրցույթը։ Անտեն չորս տարի շրջել է ամբողջ Գերմանիայում, Եվրոպայում և Նյու Յորքում[3]։ Հետագայում Անտեն հայտնվել է մի քանի հեռուստատեսային ֆիլմերում՝ «Ընդմիշտ Կլեյնուփրին», «Բեռլինը ծովի մոտ» և «Ֆանտոմային ցավ»[3]։
2008 թվականին Անտեն ընտրվել է «Պանդորում» ֆանտաստիկ ֆիլմում կնոջ գլխավոր դերում։ Ռեժիսորը եղել է Քրիստիան Ալվարդը, իսկ սցենարիստը՝ Թրեյվիս Միլոուն։ Նրան ընկերակցել են դերասաններ Բեն Ֆոստերը և Դենիս Քուեյդը[4]։
Անտեն ծրագրել էր ավարտել դերասանական կարիերան և իրեն նվիրել բժշկությանը։ Դրա պատճառը դարձել է «Պանդորում» ֆիլմի ձախողումը և այլ ֆիլմերի քասթինգներում բազմաթիվ մերժումները, այդ թվում, այնպիսի բլոկբաստերների, ինչպիսիք են «Հոբիթ։ Անսպասելի ճանապարհորդություն» (2012 թվական) և «Առաքելությունն անիրագործելի է։ Ֆանտոմ արձանագրություն» (2011 թվական)։ Իր դերասանական կարիերայի լճացման պատճառով Անտեն նույնիսկ ստիպված է եղել աշխատել ռեստորաններում և քոլլ-կենտրոններում, մինչև նրա գործակալը չի առաջարկել նկարել հոլովակ «Պողպատե մարդը» ֆիլմի քասթինգի համար, որը դերասանուհին ընդունել է որպես իր վերջին հնարավորություն։ Արդեն երկու շաբաթ անց Անտեին հրավիրել են Լոս Անջելես՝ նկարահանումներին նրա մասնակցության հետագա քննարկման համար։ Զաք Սնայդերը համարել է, որ նա կատարյալ էր Ֆաորա Հու-Ուլ (Faora Hu-Ul) դերի համար և, չնայած ստուդիայի կասկածներին և ֆիլմում ավելի հայտնի դերասանուհու վերցնելու ցանկությանը, Զաքը հաստատել է Անտեի դերը[5]։
2015 թվականին նրա մասնակցությամբ թողարկվել է նոր ֆիլմ՝ «Յոթերորդ որդին»[6]։ 2016 թվականին «Weinberg» և «Berlin Eins» սերիալներում կատարած դերի համար առաջադրվել է «German Television Awards» մրցանակի «Լավագույն դերասանուհի» անվանակարգում[7]։
Լավ տիրապետում է գերմաներեն և անգլերեն լեզուներին։ Նրա առաջին անգլալեզու ֆիլմը եղել է «Պանդորում»-ը[3]։
Ֆիլմագրություն[խմբագրել | խմբագրել կոդը]
| Տարի | Հայերեն անվանում | Բնօրինակ անվանում | Դեր | |
|---|---|---|---|---|
| 2000 | հֆ | Կորած երեխաներ | Verlorene Kinder | աղջիկ |
| 2003 | կֆ | Մինչև գիշեր | Die Nacht davor | Ֆրանցիսկա |
| 2004 | ֆ | Ընդմիշտ Կլեյնուփրին | Kleinruppin forever | Ռամոնա |
| 2005 | կֆ | 202ա | 202a | Ջեսիկա |
| 2006 | կֆ | Ոսկե տղան | Goldjunge | Մանուելա |
| 2007 | կֆ | Էգո | Ego | Իզաբել |
| 2007 | ս | Սոկո Քյոլն | SOKO Köln | Դիանա Վրոբել |
| 2008 | ֆ | Բեռլինը ծովի մոտ | Berlin am Meer | Էստել |
| 2009 | ս | Դատախազը | Der Staatsanwalt | Սանդրա Տևես |
| 2009 | ֆ | Պանդորում | Pandorum | Նադիա |
| 2011 | ֆ | 5 օր օգոստոսին | Georgia: 5 Days of August | Զոի |
| 2012 | ֆ | Նոբելի վերջին կտակը | Nobels testamente | Քիթեն |
| 2013 | ֆ | Պողպատե մարդը | Man of Steel | Ֆաորա Հի–Ուլ |
| 2015 | ֆ | Յոթերորդ որդին | The Seventh Son | Լիզի |
| 2015 | ֆ | Ադել Բլոխ-Բաուերի դիմանկար I | Woman in Gold | Ադել Բլոխ-Բաուեր |
| 2015 | հֆ | Բարշելի գործը | Der Fall Barschel | Ժիզել |
| 2015 | ս | Հովիտը | Weinberg | Հաննա Ցեպտեր |
| 2016 | ս | Բեռլինի նստավայրը | Berlin Station | Լանա Վոգել |
| 2016 | ֆ | Չնայած թափվող ձյանը | Despite the Falling Snow | Մարինա Ռինսկայա |
| 2016 | ֆ | Հանցագործը | Criminal | Էլզա |
| 2017 | ֆ | Մի անգամ Գերմանիայում | Es war einmal in Deutschland... | Սառա Սայմոն |
| 2017 | ս | Խավար | Dark | Ագնես Նիլսեն |
Ծանոթագրություններ[խմբագրել | խմբագրել կոդը]
- ↑ 1,0 1,1 filmportal.de — 2005.
- ↑ 2,0 2,1 Munzinger Personen (գերմ.)
- ↑ 3,0 3,1 3,2 3,3 «Biography»։ Արխիվացված օրիգինալից 2012-04-10-ին
- ↑ Berlinerin sichert sich eine Hauptrolle in «Pandorum»
- ↑ Antje Traue cast as female villain in Superman
- ↑ ‘Steel’ thesp Traue begets ‘Seventh Son’
- ↑ «Nominierung»։ Արխիվացված է օրիգինալից 2018-07-06-ին։ Վերցված է 2016-03-07
| ||||||||||
