Անդրուս Յոհանի

Վիքիպեդիայից՝ ազատ հանրագիտարանից
Jump to navigation Jump to search
Անդրուս Յոհանի
Andrus Johani, "Autoportree", 1933.jpg
Ծնվել է սեպտեմբերի 1, 1906(1906-09-01)
Ծննդավայր Տալլին, Tallinn City, Հարյումաա, Էստոնիայի Հանրապետություն[1]
Վախճանվել է օգոստոսի 18, 1941(1941-08-18)[1] (34 տարեկանում)
Մահվան վայր Տարտու, Նացիստական Գերմանիա
Քաղաքացիություն Flag of Estonia.svg Էստոնիայի Հանրապետություն
Կրթություն Էստոնիայի գեղարվեստի ակադեմիա և Տարտուի «Պալլաս» գեղարվեստի բարձրագույն դպրոց
Մասնագիտություն նկարիչ և նկարիչ-փորագրող
Andrus Johani Վիքիպահեստում

Անդրուս Յոհանի (էստ․՝ Andrus Johani, սեպտեմբերի 1, 1906(1906-09-01), Տալլին, Tallinn City, Հարյումաա, Էստոնիայի Հանրապետություն[1] - օգոստոսի 18, 1941(1941-08-18)[1], Տարտու, Նացիստական Գերմանիա), էստոնացի խորհրդային նկարիչ, գրաֆիկ:

Կենսագրություն[խմբագրել | խմբագրել կոդը]

Անդրուս Յոհանին ծնվել է 1906 թվականին Տալլինում: Դպրոցն ավարտելուց հետո 1922-1926 թվականներին սովորել է Տալլինի գեղարվեստա-արդյունաբերական ուսումնարանում, 1926-1933 թվականներին՝ Տարտուի «Պալլաս» գեղարվեստի բարձրագույն դպրոցում Ադո Բաբբեի մոտ [2]: Նրա հետ արվեստի դպրոցում սովորել են արվեստագետներ Կաարել Լիյմանդը, Ա. Բախը, Ն. Կումմիտսը: Յոհանին եղել է փախակողմյան հայացքների կողմնակից: Ակտիվորեն մասնակցել է ցուցահանդեսների նչպես Էստոնիայում, այնպես էլ նրա սահմաններից դուրս[3]:

Մեծ հայրենական պատերազմի սկզբում մասնակցել է Տարտուի պաշտպանությանը: Գերևվարվել է և նացիստների կողմից 1941 թվականի օգոստոսի 18-ին մահապատժի է ենթարկվել Տարտուի մոտակայքում [4][5]:

Գործունեություն[խմբագրել | խմբագրել կոդը]

Յոհանի ստեղծագործությունների վրա մեծ ազդեցություն են ունեցել բելգիացի ռեալիստները[6]: Ստեղծել է տարբեր ժանրերի աշխատանքներ՝ պատմական կոմպոզիցիաներ, դիմանկարներ, բնանկարներ: Աշխատանքի հիմնական թեման եղել է աղքատ քաղաքի ծայրամասերը: 1930-ական թվականներին սկսել է նկարել ավելի բարդ ամբոխային տեսարաններ[7]: Աշխատանքներից են «Սպիտակեղեն արդուկողները» (1932, Տարտուի արվեստի թանգարան), «Նկարչի հոր դիմանկարը» (1940, Տալինի գեղարվեստի թանգարան): Նկարչի վերջին աշխատանքն է «Աշխատավորների ապստամբությունը Տարտուում, 1940 թվականի հունիսի 21» (1941, Տարտուի արվեստի թանգարան) նկարը, որը էստոնական գեղանկարչության մեջ հեղափոխության թեմայով ստեղծված առաջին կտավն է[8]:

Ընտանիք[խմբագրել | խմբագրել կոդը]

Ամուսնացած է եղել գրադարանավար, մանկավարժ, Էստոնիայի ազգային գրադարանի տնօրեն Հելենա Ալեքսանդրոնվվա Յոհանիի (1903-1999) հետ:

Հիշատակ[խմբագրել | խմբագրել կոդը]

Անդրուս Յոհանիի հիշատակին է կոչվում Տարտուի ծայրամասային փողոցներից մեկը:

Պատկերասրահ[խմբագրել | խմբագրել կոդը]

Գրականություն[խմբագրել | խմբագրել կոդը]

  • Andrus Johani. 1906‒1941. [Näituse kataloog], Tartu, 1956 (на эст. и рус. яз.);
  • Erm V., A. Johani. [Albums], Tallinn, 1968.

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 1,5 Йохани Андрус // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969.
  2. Йохани Андрус // Большая советская энциклопедия : [в 30 т.] / гл. ред. А. М. Прохоров. - 3-е изд. - М. : Советская энциклопедия, 1969-1978.
  3. Кто есть кто в культуре Эстонии : изобразительные искусства, литература, театр, музыка, кино / [составители: Хейе Трейер, Ирина Белобровцева, Малл Пылдмяе и др.] - Таллинн : Авенариус, 1996. - 223 с.
  4. Helene Mugasto-Johani, Andrus Johani mälestuseks, Sirp ja Vasar, 18.08.1945
  5. Таллин в огне: Сборник статей ветеранов войны и воспоминаний участников героич. обороны Таллина и Моонзунд. архипелага 7 июля - 2 дек. 1941 г
  6. Eesti entsüklopeedia. Eesti Entsüklopeediakirjastus, 2008
  7. Кто есть кто в культуре Эстонии : изобразительные искусства, литература, театр, музыка, кино / [составители: Хейе Трейер, Ирина Белобровцева, Малл Пылдмяе и др.] - Таллинн : Авенариус, 1996. - 223 с
  8. Б. В. Вельмарн. История искусста народов СССР.: Искусство народов СССР 1960-1977 годов. - Изобразит. искусство, 1984.