Անդրե Միշլեն

Վիքիպեդիայից՝ ազատ հանրագիտարանից
Jump to navigation Jump to search
Անդրե Միշլեն
André Michelin
André Michelin 1920.jpg
Ծնվել էհունվարի 15, 1853(1853-01-15) (166 տարեկան)
ԾննդավայրՓարիզ, Ֆրանսիա
Մահացել էապրիլի 4, 1931(1931-04-04)
Մահվան վայրՓարիզ, Ֆրանսիա
ՔաղաքացիությունՖրանսիա Ֆրանսիա
ԿրթությունՓարիզա Կենտրոնական դպրոց և Լուի լը Գրան լիցեյ
Մասնագիտությունճարտարագետ, գործարանատեր և ավտոարշավորդ
Գործունեությունճարտարագետ, ավտոարշավորդ
ԱմուսինՍոֆի Վոլֆ (Sophie Wolff)
Պարգևներ և
մրցանակներ
Պատվավոր Լեգեոնի շքանշան
ԵրեխաներՄարսել Միշլեն (Marcel Michelin)
André Michelin Վիքիպահեստում

Անդրե Ժյուլ Արիստիդ Միշլեն (André Jules Aristide Michelin), (հունվարի 15, 1853, Փարիզ, Ֆրանսիա - ապրիլի 4, 1931, Փարիզ, Ֆրանսիա), ֆրանսիացի ճարտարագետ և արդյունաբերող, 1877 թվականին Արհեստների և արվեստների բարձրագույն դպրոցի շրջանավարտ, իր եղբայր Էդուար Միշլենի հետ անվադողերի արտադրության Michelin ընկերության համահիմնադիր, 1900 թվականին Միշլենի «Կարմիր էքսկուրսավարի» հեղինակ:[1]

Կենսագրություն[խմբագրել | խմբագրել կոդը]

Ամուսնացել է ռոյալների հանրահայտ գործարանի սեփականատեր և դաշնակահար Օգյուստ Վոլֆի դստեր` Սոֆի Վոլֆի (1858—1918) հետ:[2] 1889 թվականին իր եղբայր Էդուարի հետ ստեղծում է Michelin ընկերությունը, որը 1891 թվականին սկսում է զբաղվել օդադողերի (օդի ճնշմամբ գործող անվադողերի) արտադրությամբ:

1900 թվականին Անդրե Միշլենը ստեղծում է «Միշլենի կարմիր էքսկուրսավար», որը նաև հայտնի է «Կարմիր ուղեցույց» անունով`ավելի հայտնի և ազդեցիկ ռեստորանների վարկանիշային ցանկ, որում գնահատումն իրակաացվում է եռաստղ գնահատման համակարգով:

Այնուհետև, 1909 թվականին Անդրեն տարբեր երկրներում սկսում է Le Guide Rouge ուղեցույցների թողարկումը:[3] 1/200 000 մասշտաբով նկարված Michelin քարտեզները աչքի են ընկնում իրենց միկրոսկոպիկ ճշտությամբ:

1900 թվականին իր եղբայր Էդուարի, կոմս Դիոնի, Ռենո եղբայրների, Լուի Պանարի (Louis Panhard) և այլ արդյունաբերողների հետ «Ավտո-վելո» («l’Auto-Vélo») սպորտային օրաթերթի համահիմնադիր, հետագայում հայտնի դարձած «Ավտո» («l’Auto») անունով, որը ղեկավարում էր հեծանվորդ և սպորտային լրագրող Անրի Դեգրանժը: Օրաթերթը լույս է տեսնում 1900 թվականի հոկտեմբերի 16-ից 1944 թվականի օգոստոսի 17-ը:

Անդրե Միշլենը հանդիսանում էր Ֆրանսիայի աերակումբի համահիմնադիր:

Ծանոթագրություններ[խմբագրել | խմբագրել կոդը]

  1. «Шиномонтаж Братьев Мишлен» (ռուսերեն)։ www.ceo.ru։ Վերցված է 2018-10-01 
  2. Н. С. (1890–1907)։ «Вольф, Огюст-Дезире-Бернар»։ Բրոքհաուզի և Եֆրոնի հանրագիտական բառարան: 86 հատոր (82 հատոր և 4 լրացուցիչ հատորներ)։ Սանկտ Պետերբուրգ 
  3. Андре Мишлен

Արտաքին հղումներ[խմբագրել | խմբագրել կոդը]