Անդրեյ Սիբիգա
| Անդրեյ Սիբիգա Андрій Сибіга | |
|---|---|
.jpg) | |
| Ծնվել է | հունվարի 1, 1975[1] (50 տարեկան) |
| Ծննդավայր | Զբորով, Տերնոպոլի մարզ, Ուկրաինական ԽՍՀ, ԽՍՀՄ[1] |
| Քաղաքացիություն |  Ուկրաինա |
| Կրթություն | Լվովի համալսարան (1997) |
| Մասնագիտություն | դիվանագետ |
| Զբաղեցրած պաշտոններ | Ukrainian Minister of Foreign Affairs? |
| Պարգևներ և մրցանակներ |  և  |
 Andrii Sybiha Վիքիպահեստում | |
Անդրեյ Իվանովիչ Սիբիգա ( ուկրաիներեն՝ Андрій Іванович Сибіга,հունվարի 1, 1975[1], Զբորով, Տերնոպոլի մարզ, Ուկրաինական ԽՍՀ, ԽՍՀՄ[1]), ուկրաինացի դիվանագետ և պետական գործիչ։ 2024 թվականի սեպտեմբերի 5-ից Ուկրաինայի արտաքին գործերի նախարարը։
Կենսագրություն
[խմբագրել | խմբագրել կոդը]Անդրեյը ծնվել է 1975 թվականի հունվարի 1-ին Տերնոպոլի շրջանի Զբորիվ քաղաքում[2]: 1997 թվականին ավարտել է Լվովի Իվան Ֆրանկոյի անվան ազգային համալսարանը՝ միջազգային հարաբերությունների մասնագիտությամբ։
1997-1998 թվականներին աշխատել է Ուկրաինայի արտաքին գործերի նախարարության պայմանագրային և իրավաբանական վարչության պետաիրավական վարչությունում, իսկ 1998 թվականից աշխատել է Լեհաստանում Ուկրաինայի դեսպանատանը:
2002-2003 թվականներին եղել է Ուկրաինայի արտաքին գործերի նախարարության Եվրոպական ինտեգրման գրասենյակի իրավական և հումանիտար համագործակցության վարչության առաջին քարտուղարը: 2003-2005 թվականներին ղեկավարել է ԱԳՆ պայմանագրային և իրավաբանական վարչության միջազգային իրավական համագործակցության վարչությունը։
2005-2006 թվականներին եղել է Պայմանագրային իրավունքի դեպարտամենտի միջազգային իրավունքի և արտաքին քաղաքականության օրենսդրության վարչության պետը, իսկ 2006 թվականից՝ Ուկրաինայի արտաքին գործերի նախարարության պայմանագրային և իրավաբանական վարչության փոխտնօրենը։
2008-2012 թվականներին եղել է Լեհաստանում Ուկրաինայի դեսպանատան նախարար-խորհրդական, իսկ 2012 թվականից ղեկավարել է Ուկրաինայի արտաքին գործերի նախարարության հյուպատոսական ծառայության վարչությունը։
2016 թվականի օգոստոսի 23-ին նշանակվել է Թուրքիայում Ուկրաինայի դեսպան[3]։ 2021 թվականի մայիսի 19-ին նախագահ Վլադիմիր Զելենսկու հրամանագրով ազատվել է զբաղեցրած պաշտոնից[4]։
2021 թվականի մայիսի 31-ից եղել է Ուկրաինայի նախագահի աշխատակազմի ղեկավարի տեղակալ[5]։ 2024 թվականի սեպտեմբերի 5-ին Ուկրաինայի Գերագույն Ռադայի պատգամավորները 258 ձայնով[6] (պահանջվող 226-ից) քվեարկել են Անդրեյ Սիբիհային Ուկրաինայի արտաքին գործերի նախարար նշանակելու համար[7]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 https://web.archive.org/web/20210524072938/https://turkey.mfa.gov.ua/persons/sibiga-andriy-ivanovich
- ↑ «Посольство України в Турецькій Республіці». Արխիվացված է օրիգինալից 2021 թ․ մայիսի 24-ին. Վերցված է 2024 թ․ սեպտեմբերի 5-ին.
- ↑ Decree of the President of Ukraine from 22 August 2016 year № 346/2016 «Про призначення А. Сибіги Надзвичайним і Повноважним Послом України в Турецькій Республіці» (uk)
- ↑ Свобода, Радіо (19 мая 2021). «Президент звільнив посла України в Туреччині». Radio Free Europe/Radio Liberty (ուկրաիներեն). Վերցված է 2024 թ․ սեպտեմբերի 5-ին.
- ↑ Decree of the President of Ukraine from 31 May 2021 year № 221/2021 «Про призначення А. Сибіги Заступником Керівника Офісу Президента України» (uk)
- ↑ «Рада назначила Сибигу министром иностранных дел». censor.net (ռուսերեն). Վերցված է 2024 թ․ սեպտեմբերի 7-ին.
- ↑ «Міністерство закордонних справ очолив Андрій Сибіга». LB.ua. 2024 թ․ սեպտեմբերի 5. Վերցված է 2024 թ․ սեպտեմբերի 5-ին.
 | Վիքիպահեստն ունի նյութեր, որոնք վերաբերում են «Անդրեյ Սիբիգա» հոդվածին։ |
| ||||||||||
