Անդրեա Սաբատինի

Անդրեա Սաբատինի իտալ.՝ Andrea Sabbatini
Ծնվել է	մոտ 1487
Ծննդավայր	Սալեռնո, Կամպանիա, Իտալիա
Վախճանվել է	1530
Մահվան վայր	Գաետա, Լատինա, Լացիո, Իտալիայի թագավորություն
Մասնագիտություն	նկարիչ
Ժանր	պատմական գեղանկարչություն
Ուսուցիչ	Ռայմոնդո Էպիֆանիո և Ռաֆայել Սանտի
Andrea da Salerno Վիքիպահեստում

Անդրեա Սաբատինի կամ Սաբատինի (իտալ.՝ Andrea Sabbatini, առավել հայտնի է Անդրեա դա Սալեռնո (իտալ.՝ Andrea da Salerno, մոտ 1487, Սալեռնո, Կամպանիա, Իտալիա - 1530, Գաետա, Լատինա, Լացիո, Իտալիայի թագավորություն), Բարձր Վերածննդի դարաշրջանի իտալացի նկարիչ, Ռաֆայելի լավագույն աշակերտներից մեկը։

Կենսագրություն

Անդրեա Սաբատինին որպես նկարիչ հմտացել է Լեոնարդո դա Վինչիի հետևորդ Անդրեա Սոլարիոյի արվեստանոցում։ 1511 թվականին Հռոմում նա հանդիպել է Ռաֆայելին և կարճ ժամանակ անց դարձել նրա աշակերտը։ Սաբատինին գրեթե ամբողջությամբ կլանել է իր ուսուցչի ոճը, ինչը հստակ երևում է նրա «Ծնունդ» նկարում։ Անդրեա Սաբատինին եղել է իտալացի նկարիչ Ֆաբրիցիո Սանտաֆեդեի ուսուցիչը։

Անդրեա դա Սալեռնոն ստեղծել է մի շարք ուշագրավ նկարներ կրոնական թեմաներով, ինչպիսիք են «Խաչի պաշտամունքը», «Եկեղեցու յոթ հայրերը», «Սուրբ Նիկոլասը գահի վրա», «Մոգերի երկրպագությունը», «Մադոննա» և այլն։ Այդ նկարներն այժմ ցուցադրվում են Կապոդիմոնտե թանգարանում։ Սաբատինին ավարտին է հասցրել նաև Սանտա Մարիա դելլե Գրացիեի, Սան Ջեննարո դե Պովերիի և այլ եկեղեցիների ֆրեսկոներ։

Պատկերասրահ

• 
  Երկու սուրբ
• 
• 
• 
• 
• 
  Մոգերի երկրպագությունը
• 
• 
  Սուրբ Նիկոլասը գահի վրա

Աղբյուրներ

• Abbate Francesco Storia dell'arte nell'Italia meridionale. — Рим: Donzelli Editore, 2009. — ISBN 9788860364135.
• Previtali Giovanni Andrea da Salerno nel Rinascimento meridionale, Catalogo della mostra Padula (SA). — Флоренция: Edizioni Centro Di, 1986. — ISBN 88-7038-121-8.
• De Dominici Bernardo Vite de pittori, scultori ed architetti napoletani. — Неаполь, 1742.

Արտաքին հղումներ

• Giunge a Salerno la Natività di Cesare da Sesto, Opera di un artista dell’entourage di Leonardo

Վիքիպահեստն ունի նյութեր, որոնք վերաբերում են «Անդրեա Սաբատինի» հոդվածին։