Անդրանիկ Կիլիկյան

Վիքիպեդիայից՝ ազատ հանրագիտարանից
Jump to navigation Jump to search
Անդրանիկ Կիլիկյան
Անդրանիկ Կիլիկյան.jpg
Ի ծնեԱնդրանիկ Երվանդի Կիլիկյան
Ծնվել է1939, սեպտեմբերի 14
ԾննդավայրԲեյրութ
Վախճանվել է2005, օգոստոսի 9
Մահվան վայրԵրևան
Ազգությունհայ
ԿրթությունՓանոս Թերլեմեզյանի անվան գեղարվեստի պետական քոլեջ և Երևանի պետական գեղարվեստա-թատերական ինստիտուտ
Մասնագիտություննկարիչ և graphical artist

Անդրանիկ Երվանդի Կիլիկյան (1939, սեպտեմբերի 14, Բեյրութ - 2005, օգոստոսի 9, Երևան), հայ գեղանկարիչ, գրաֆիկ։

Կենսագրություն[խմբագրել | խմբագրել կոդը]

Անդրանիկ Կիլիկյանը ծնվել է 1939 թվականին Բեյրութում։ Հայրենադարձել է 1946 թվականին։ 1953-1955 թթ. աշակերտել է Հարություն Կալենցին։ 1960 թվականին ավարտել է Երևանի գեղարվեստի ուսումնարանը, 1970 թվականին՝ Երևանի գեղարվեստա-թատերական ինստիտուտը, 1975 թվականին Մոսկվայի պոլիգրաֆիական ինստիտուտը։ 1982-1986 թթ. եղել է «Ծիծեռնակ» ամսագրի գեղարվեստական խմբագիր։ 1984 թվականից դասավանդել է ԵԳԹԻ-ում (1992 թվականից՝ ԵԳԱ-ում, պրոֆեսոր՝ 1996 թվականից, ամբիոնի վարիչ՝ 2002 թվականից)։ 1998 թվականից եղել է Հայաստանի նկարիչների միության գրաֆիկայի բաժանմունքի նախագահը[1]։

Աշխատանքներից գտնվում են Հայաստանի ազգային պատկերասրահում[2]։

Գործունեություն[խմբագրել | խմբագրել կոդը]

Պատկերազարդել և ձևավորել է Աթաբեկ Խնկոյանի «Մկների ժողովը» (1983 թ., Տարվա լավագույն ձևավորման 1-ին մրցանակ), «Բրեմենյան երաժիշտներ » հեքիաթը (2000 թ.), Ռազմիկ Դավոյանի «Ծիտիկը ցուցահանդեսում» (2002 թ., ժող.), տարբեր լեզուներով Տոկիոյում լույս ընծայված «Արջի որդին» ժողովրդական հեքիաթը (1983 թ., մշակումը՝ Հովհաննես Թումանյանի), Բեյրութում հրատարակված «Սասնա ծռեր» էպոսը (1994 թ.), Գուրգեն Մահարու «Մանկություն և պատանեկություն» (1996 թ.), Մ. Մամուրյանի «Դպրոցական հիշատակներ» (1999 թ.), Ա. Սիմոնյանի «Հայոց պատմություն» (2000 թ.) և այլ գրքեր։

Մեջբերումներ Անդրանիկ Կիլիկյանի մասին[խմբագրել | խմբագրել կոդը]

Aquote1.png Հազվագյուտ հմայքի տեր այդ անձնավորությունը կատարյալ արվեստագետ էր թե՛ կյանքում, թե՛ ստեղծագործության մեջ։ Գրքարվեստի, մանավանդ մանկապատանեկան, հազվագյուտ վարպետ, հիանալի գեղանկարիչ ու գրաֆիկ, բարձր հումանիստ և գալանտ ասպետական բնավորությամբ[3] Aquote2.png


Ծանոթագրություններ[խմբագրել | խմբագրել կոդը]