Անդրանիկ Արսենի Գրիգորյան
| Անդրանիկ Արսենի Գրիգորյան | |
|---|---|
| հունիսի 8, 1967 - ապրիլի 18, 1994 (26 տարեկան) | |
| Ծննդավայր | Կոճողոտ,  ԽՍՀՄ |
| Մահվան վայր |  Հասանղայա (Հայկաջուր) |
| Մարտեր/ պատերազմներ | Արցախյան ազատամարտ |
| Պարգևներ |  և  |
Անդրանիկ Արսենի Գրիգորյան (8 հունիսի, 1967, Կոճողոտ, Մարտակերտի շրջան - 18 ապրիլի, 1994, Հասանղայա (Հայկաջուր), հայ ազատամարտիկ, Արցախյան ազատամարտի մասնակից։
Կենսագրություն[խմբագրել | խմբագրել կոդը]
Անդրանիկ Գրիգորյանը ծնվել է 1967 թ. հունիսի 8-ին Մարտակերտի շրջանի Կոճողոտ գյուղում։ Տեղի դպրոցում ութամյա կրթություն ստանալուց հետո ուսումը շարունակել է Ներքին Հոռաթաղի հ.120 պրոֆտեխուսումնարանում, ստացել միջնակարգ կրթություն և էլեկտրաեռակցողի մասնագիտություն։ Արցախյան շարժման սկզբնական փուլից մասնակցել է ընդհատակյա պայքարին, այնուհետև՝ կամավորագրվել հայրենի գյուղի ջոկատում։
Որպես արիասիրտ ու քաջահմուտ գնդացրորդ՝ մասնակցել է Օմարի, Մաղավուզի, Մեծշենի, Մեհմանայի, Ղուբաթլուի, Հասանղայայի և բազում այլ պաշտպանական ու ազատագրական մարտերի։ Նա իր վերջին մարտը մղել է Մարտակերտի շրջանի Հասանղայա գյուղի համար։ 1994 թ. ապրիլի 18-ին՝ Հասանղայայի համար մղված հերթական մարտում երբ հակառակորդի կենդանի ուժի ու տեխնիկայի զգալի գերակշռության պայմաններում անելանելի վիճակ է ստեղծվել՝ նա հանձն է առել դիմահար գնդացրային կրակի տակ պահել հակառակորդի դիրքերը՝ մինչև իր երեք տասնյակից ավելի մարտընկերները անկորուստ ետ կքաշվեին ու ապահով բնագծերում կդիրքավորվեին։ Իրեն ետ քաշվել չի հաջողվել։ Զոհվել է այդ անհավասար մարտում։ Դիակը մի կերպ հաջողվել է հանել կրակի գծից։ Ամուսնացած չէր։ Հանգչում է հայրենի գյուղի գերեզմանատան Հուշահամալիրում։ Հետմահու պարգևատրվել է ԱՀ «Արիության համար» մեդալով և ՀՀ Արիության մեդալով[1][2][3][4][5][6]։
Պետական պարգևներ[խմբագրել | խմբագրել կոդը]
ԱՀ «Արիության համար» մեդալ (հետմահու)։
ՀՀ Արիության մեդալ (հետմահու)։
Ծանոթագրություններ[խմբագրել | խմբագրել կոդը]
- ↑ Անդրանիկ Գրիգորյանը Արցախյան պատերազմի թանգարանի կայքում Արխիվացված 2016-03-05 Wayback Machine (անհասկանալի պատճառներով՝ կայքը չի գործում)
- ↑ Անդրանիկ Գրիգորյանը Արցախյան պատերազմի թանգարանի ռուսերեն կայքում Արխիվացված 2022-07-26 Wayback Machine)
- ↑ Արիս ԱՐՍԵՆԻ, «Լռության րոպե» (պոեմ)
- ↑ Արիս ԱՐՍԵՆԻ, «Անդրանիկ, այսինքն՝ առաջամարտիկ» (ակնարկ՝ նամակով և բանաստեղծություններով միահյուս), 1997, 32 էջ, տպ. 1000 օր.
- ↑ Արիս ԱՐՍԵՆԻ, Երկերի ժողովածու, գիրք երկրորդ (էսսեներ, ակնարկներ, հոդվածներ, երգիծապատումներ և ֆելիետոններ), Երևան, «Արմավ» հրատ., 2019, 240 էջ, տպ. 250 օր. (էջ 6-19)
- ↑ Գալյա Առստամյան, ԼՂՀ ազգային ազատագրական պայքար (1988-2009), «Արցախի զոհված ազատամարտիկների թանգարան», Ստեփանակերտ, «Դիզակ պլյուս», 2009, 952 էջ (էջ 234)