Անգվիլարա Սաբացիա (իտալ.՝ Anguillara Sabazia), քաղաք Իտալիայում, Լացիո մարզի Հռոմ գավառում[2]։ Ընկած է Հռոմից 30 կիլոմետր հյուսիս-արևմուտք, զբաղեցնում է 74.91 կմ² տարածք։ 2004 թվականի տվյալներով կոմունայի բնակչության թվաքանակը եղել է 16.273, բնակչության խտությունը կազմել է 217 մարդ/կմ²։ Բրաչանո լճի ափին՝ ոչ մեծ հրվանդանի վրա տեղակայված միջնադարյան կենտրոնը և լողափը Անգվիլարա Սաբացիան դարձնում են հայտնի զբոսաշրջային վայր։
Քաղաքից մոտավորապես 3 կմ արևելք ընկած է Մարտինյանո փոքրիկ հրաբխային լիճը։ Երկու լճերը և դրանց շրջակայքը հայտարարվել են տարածաշրջանային պարկ և ենթարկվում են խիստ բնապահպանական կառավարման։
Անգվիլարա Սաբացիան արվարձանային գնացքով (FR3 գիծ կամ Հռոմ-Կապրանիկա-Վիտերբո երկաթուղի) կապված է Հռոմի հետ (Ռոմա Օստիենզե և Վալե Աուրելիա կայարաններ). ուղևորությունը տևում է մոտավորապես 40 րոպե։
Սուրբ նահատակ Բլասիոս Սեբաստացին (Սան Բիաջո) համարվում է քաղաքի հովանավորը։ Քաղաքի օրը նշվում է ամեն տարի փետրվարի 3-ին։
Իտալիա
