Անատոլի Կոկուշ

Վիքիպեդիայից՝ ազատ հանրագիտարանից
Անատոլի Կոկուշ
Ծնվել է1951
ԾննդավայրԿերչ, Ղրիմի մարզ, ՌԽՖՍՀ, ԽՍՀՄ
Մասնագիտությունճարտարագետ

Անատոլի Կոկուշ (ուկրաիներեն՝ Анатолій Акимович Кокуш, 1951, Կերչ, Ղրիմի մարզ, ՌԽՖՍՀ, ԽՍՀՄ), ուկրաինացի կինոճարտարագետ, գործարար և գյուտարար։ 2005 թվականին ամերիկյան կինոակադեմիայի երկու «Օսկար» մրցանակի է արժանացել Գիտական և ճարտարագիտական մրցանակ (Scientific and Engineering Award) անվանակարգում։ Մրցանակներից մեկը շնորհվել է Russian Arm կոչվող գիրո-կայունացված կինոխցիկի ու օպերատորական կայունացված Flight Head համակարգի մշակման համար, երկրորդը՝ շարժանկարային խցիկների Cascade շարքի գաղափարը հղանալու և իրագործելու համար[1]։ Անվանի ճարտարագետ-գյուտարարը երկու անգամ արժանացել է նաև բավարական կինոակադեմիայի Cinec Award մրցանակի (2010 թ. և 2018 թ.), բացի այդ, խրախուսվել է Ուկրաինայի այն ժամանակվա առաջին տիկնոջ՝ Կատերինա Յուշչենկոյի կողմից՝ ուկրաինական և համաշխարհային կինոյի զարգացման ասպարեզում ներդրած նշանակալի ավանդի համար[2]։

Կոկուշը 1974 թվականին ավարտել է Լենինգրադի (ներկայիս Սանկտ Պետերբուրգի) կինոճարտարագետների ինստիտուտը, որպես ճարտարագետ-կոնստրուկտոր աշխատանքի անցել Կիևի Ալեքսանդր Դովժենկոյի անվան կինոստուդիայում[3]։ 1986 թվականին[4] նա Ուկրաինայի մայրաքաղաք Կիևում[5] հիմնել է իր սեփական ֆիրման՝ կինո-հեռուստատեսային «Ֆիլմոտեխնիկ» ընկերությունը[6], որը ժամանակի ընթացքում Cascade շարժական ամբարձիչներ, Flight Head համակարգեր և Russian arm կինոխցիկներ է ապահովել բազմաթիվ հանրահայտ ու բարձրեկամտաբեր ֆիլմերի համար[7]։ Դրանց թվում են հոլիվուդյան հանրահայտ Տիտանիկ, Աշխարհների պատերազմը, Կազանովա, Հերոսը]] կինոնկարները, ռուսական, ուկրաինական մի ամբողջ շարք բլոկբաստերներ[8]։

Հոլիվուդի ամերիկացի կինոգործիչների կողմից նախկինում կատակով "Russian Arm"[9][10] և "U-crane" անվանված[11] օպերատորական շարժական նկարահանող սարքերը ներկայումս կոչվում են Autorobot։

Ծանոթագրություններ[խմբագրել | խմբագրել կոդը]

  1. Academy Awards 2006 – IMDb
  2. Oscar-winning cinematographer revolutionizes film industry Article from Kyiv Post
  3. The International Kyiv Film Festival nominee page 2007 Արխիվացված 26 Հուլիս 2013 Wayback Machine (uk)
  4. «Filmotechnic's 'Russian Arm' Takes Its Name From History». SHOOTonline (անգլերեն). Վերցված է 2023 թ․ փետրվարի 2-ին.
  5. «U-CRANE». AIRWOLF FILMS (անգլերեն).
  6. «Ukrainian-made 'Russian Arm' camera system gets new name: 'U-Crane'». ABC7 Los Angeles (անգլերեն). 2022 թ․ մարտի 18. Վերցված է 2023 թ․ փետրվարի 2-ին.
  7. «List of credits on official website». Արխիվացված է օրիգինալից 2019 թ․ փետրվարի 15-ին. Վերցված է 2023 թ․ մարտի 19-ին.
  8. Ефект Кокуша ("The effect of Kokush") Արխիվացված 10 Մարտ 2007 Wayback Machine Ukrainian newspaper Day (uk)
  9. «RUSSIAN-ARM-6». Filmotechnic USA (անգլերեն). Վերցված է 2023 թ․ փետրվարի 2-ին.
  10. Paikova, Valeria (2021 թ․ ապրիլի 7). «How the 'Russian Arm' took the movie industry by storm». Russia Beyond. Վերցված է 2023 թ․ փետրվարի 1-ին.
  11. Maddaus, Gene (2022 թ․ մարտի 17). «The 'Russian Arm' — Made in Ukraine — Gets a Name Change». Variety. Վերցված է 2023 թ․ փետրվարի 2-ին.

Արտաքին հղումներ[խմբագրել | խմբագրել կոդը]