Անավիլհանաս ազգային պարկ

Վիքիպեդիայից՝ ազատ հանրագիտարանից
Jump to navigation Jump to search
Picto infobox plant.png
Անավիլհանաս ազգային պարկ
Parque Nacional de Anavilhanas
Anavilhanas2.jpg
Տեսակազգային պարկ
Մասն էCentral Amazon Conservation Complex?
ԵրկիրFlag of Brazil.svg Բրազիլիա
ՎարչատարածքԱմազոնաս
Հիմնվել է1981
Մակերես3505 կմ² և 350 018 հեկտար
ԲԾՄ100 մետր
Կոորդինատներ: 2°23′40.999992099999″ հվ. լ. 60°55′14.000016099989″ ամ. ե. / 2.39472222002777757° հս․. լ. 60.92055556002777195° ավ. ե. / 2.39472222002777757; 60.92055556002777195
Անավիլհանաս ազգային պարկը գտնվում է Բրազիլիաում
Անավիլհանաս ազգային պարկ

Անավիլհանաս ազգային պարկ (պորտ.՝ Parque Nacional de Anavilhanas), ազգային պարկ, որն ընդգրկում է հսկայական արշիպելագ Ռիո Նեգրոյում։ Գտնվում է Բրազիլիայի Ամազոնաս նահանգում։ Համաշխարհային ժառանգության մաս է կազմում։

Տեղագրություն[խմբագրել | խմբագրել կոդը]

Պարկը գտնվում է Մանաուս և Նովու Այրան մունիցիպալիտետներում[1]։ Այն կառավարվում է Չիկո Մենդեսի Կենսաբազմազանության պահպանության ինստիտուտի կողմից[2]։ Ազգային պարկի գետային հատվածը, որը կազմում է ընդհանուրի 60%-ը, ունի ավելի քան 400 կղզի։ Երկարությունը 130 կմ է, լայնությունը՝ 20 կմ, իսկ ընդհանուր տարածքը՝ 350470 հա[1]։ Պարկին հյուսիսից և արևելքից սահմանակից է Ռիո Նեգրո Ձախ Ափի պահպանվող տարածքը, որն ունի 611008 հա տարածք[3]։

Ազգային պարկը ծովի մակարդակից գտնվում է 50-150 մետր բարձրության վրա։ Տարեկան տեղումների միջին քանակը 2100 մմ է։ Ջերմաստիճանը տատանվում է 23-ից մինչև 34 °C[4]։ Նրա բաղկացուցիչ մաս են կազմում տարբեր անտառային տիպերը, գետային ու լճային էկոհամակարգերը[1]։

Պահպանություն[խմբագրել | խմբագրել կոդը]

Պարկը ստեղծվել է 1981 թվականի փետրվարի 6-ին՝ որպես ամբողջական պահպանության ենթակա միավոր` 350018 հա տարածքով[5]։ Այն ազգային պարկի կարգավիճակ է ստացել 2008 թվականի հոկտեմբերի 29-ին թիվ 11.799 օրենքով[4]։

Պարկը պաշտպանում է Անավիլհանասի գետի արշիպելագի շրջակա միջավայրը, որն աշխարհում խոշորագույններից մեկն է, ինչպես նաև անտառները։ Այն աջակցում է գիտական հետազոտություններին և բարելավում է Ամազոն բիոմի պահպանությունը բնապահպանական կրթության ու կայուն զբոսաշրջության միջոցով[1]։ Պարկը բաց է ամբողջ տարին[1]։ Կենդանիների պաշտպանված տեսակներն են՝ երկարապոչ կատուն, յագուարը, հսկա մրջնակերը, ջրասամույրը, Ամազոն գետի դելֆինը և այլն[2]։

Ժաու ազգային պարկը ՅՈւՆԵՍԿՕ-ի Համաշխարհային ժառանգության օբյեկտների ցանկում ներառվել է 2000 թվականին[6]։ Այն Կենտրոնական Ամազոն էկոլոգիական միջանցքի մի մասն է, որը հիմնվել է 2002 թվականին[7]։ 2003 թվականին նրա կազմում տեղ են գտել Անավիլհանաս ազգային պարկը, Ամանյա և Մամիրաուա արգելոցները, որոնցից էլ ձևավորվել է Կենտրոնական Ամազոնի պահպանման համալիրը[6]։ Այն նաև Ռիո Նեգրո Մոզայիկի մի ման է, ինչն էլ ստեղծվել է 2010 թվականին[8]։ Պահպանությունն իրականացվում է «Ամազոնի շրջանի պահպանվող տարածքներ» ծրագրի աջակցությամբ[9]։

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Աղբյուրներ[խմբագրել | խմբագրել կոդը]