Անապատային մորահավ

Վիքիպեդիայից՝ ազատ հանրագիտարանից
Անապատային մորահավ
Անապատային մորահավ
Անապատային մորահավը
Գիտական դասակարգում
Թագավորություն Կենդանիներ
Տիպ Քորդավորներ
Դաս Թռչուններ
Կարգ Ճնճղուկանմաններ
Ընտանիք Շահրիկներ
Ցեղ Մորահավ
Տեսակ Անապատային մորահավ
Լատիներեն անվանում
Hippolais languida
(Hemprich & Ehrenberg, 1833)
Հատուկ պահպանություն

Անապատային մորահավ (լատ.՝ Hippolais languida), շահրիկների ընտանիքի թռչուն։ Բնադրող-չվող է, Հայաստանում տարածված։

Արտաքին կառուցվածք[խմբագրել | խմբագրել կոդը]

Մարմնի երկարությունը 14 սմ է, թևերի բացվածքը՝ 20-23 սմ, կենդանի զանգվածը՝ 12-13 գ։ Կտուցը երկար է, ճակատը՝ տափակ։ Հոնքը և ակնօղակը բաց գույնի են։ Մարմինը վերևից դարչնավուն-մոխրագույն է, ներքևից՝ սպիտակ։ Թևերը երկար են, մուգ՝ սպիտակավուն հատվածով, պոչը՝ երկար, սևավուն՝ սպիտակ եզրերով, թռիչքի պահին՝ ցայտուն դարչնագույն երանգով։

Սննդառություն[խմբագրել | խմբագրել կոդը]

Սնվելու պահին պոչը տարուբերում է։ Բնակվում է թփուտային կիսաանապատներում, չոր լեռնատափաստաններում։ Սնվում է անողնաշարավորներով։

Բազմացում և զարգացում[խմբագրել | խմբագրել կոդը]

Գարնանային վերադարձը՝ մայիսի առաջին կեսից հունիսի կեսին։ Այդ ընթացքում զուգահեռաբար ձևավորվում են հարսանեկան զույգերը, և սկսվում է բների կառուցումը։ Առաջին կիսակառույց բները գրանցվում են հունիսի 1-ին կեսին։ Բույնը գավաթաձև է՝ ցողուններից, կառուցում է էգը։ Բնադրում է ցածր թփուտներում։ Ձվերի լրիվ քանակը բներում հայտնվում են հունիսի վերջին։ Դնում է 19 մմ տրամագծով, բաց վարդագույն՝ մուգ պտերով 4-5 ձու։ Թխսակալում է էգը։ Թռիչքին լիարժեք տիրապետող ձագերի ընտանիքները և ինքնուրույն երիտասարդ անհատները գրանցվում են հուլիսին, կրկնակի բնադրման դեպքում՝ նաև օգոստոսի ընթացքում։

Այս հոդվածի կամ նրա բաժնի որոշակի հատվածի սկզբանական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png