Անահիտ Սահակյան
- Վիքիպեդիայում կան հոդվածներ Սահակյան ազգանունով այլ մարդկանց մասին։
| Անահիտ Սահակյան | |
|---|---|
| Ծնվել է | փետրվարի 8, 1963 (61 տարեկան) Հովիտ, Ախուրյանի շրջան, Հայկական ԽՍՀ, ԽՍՀՄ |
| Երկիր |  ԽՍՀՄ և  Հայաստան |
| Մասնագիտություն | երգչուհի |
| Գործիքներ | վոկալ |
| Կրթություն | Երևանի Կոմիտասի անվան պետական կոնսերվատորիա (1994) |
| Պարգևներ |  |
Անահիտ Արամայիսի Սահակյան (ծննդյան անունը՝ Հրածին Սահակյան, փետրվարի 8, 1963, Հովիտ, Ախուրյանի շրջան, Հայկական ԽՍՀ, ԽՍՀՄ), հայ երգչուհի։
Կենսագրություն[խմբագրել | խմբագրել կոդը]
Անահիտ Սահակյանը ծնվել է 1963 թվականի փետրվարի 8-ին, Ախուրյանի շրջանի Հովիտ գյուղում։ 1981 թվականին ավարտել է Ախուրյանի թիվ 1 միջնակարգ դպրոցը և երաժշտական դպրոցի դաշնամուրային բաժինը։ Գյումրիի Լ. Մադոյանի անվան ժողովրդական գործիքների անսամբլում եղել է երգչուհի։ 1981-1984 թվականներին սովորել է Գյումրիի Ք. Կարա-Մուրզայի անվան երաժշտական ուսումնարանի դաշնամուրային բաժնում, 1989-1994 թվականներին` Երևանի Կոմիտասի անվան պետական կոնսերվատորիայի ժողովրդական երգի բաժնում (Հովհաննես Բադալյանի դասարան)։ 2006 թվականին ավարտել է կոնսերվատորիայի ասպիրանտուրան` ժողովրդական երգեցողություն մասնագիտությամբ։ 1995-1996 թվականներին եղել է ՀՀ ազգային ռադիոյի Արամ Մերանգուլյանի անվան ժողովրդական գործիքների անսամբլի երգչուհի, 1996-1998 թվականներին՝ Կոմիտասի անվան կամերային երաժշտության տան մենակատար[1]։
1996 թվականին կոմպոզիտոր Գևորգ Մանասյանի հետ ստեղծել է «Վարպետներ» համույթը[2], որի շրջանակներում ժողովրդական և դասական գործիքների համադրությամբ և համերգային ծրագրերով հանդես է եկել բազմաթիվ բեմերում։ 2000 թվականին Կոմիտասի անվան կամերային երաժշտության տանը հանդես է եկել «Երգն է կյանքիս ուղեկիցը» մենահամերգով։ 2006 թվականին «Երգիս թևերով» համերգային ծրագիրը նվիրել է Գյումրի քաղաքի վերածննդին[1]։
2017 թվականին արժանացել է ՀՀ «Մովսես Խորենացի» մեդալի[3]։
Ձայնասկավառակներ[խմբագրել | խմբագրել կոդը]
- «Այս մեկն էլ ներիր»
- «Սիրված երգերի շարք»
- «Սրտիս ձայնը»
- «Սիրո մեղեդի»
Պարգևներ[խմբագրել | խմբագրել կոդը]
- «Գյումրվա վարպետ» ոսկե կրծքանշան
- Մովսես Խորենացու մեդալ, 2017[3]
Ծանոթագրություններ[խմբագրել | խմբագրել կոդը]
- ↑ 1,0 1,1 «Անահիտ Սահակյանի կենսագրությունը avproduction կայքում». Արխիվացված է օրիգինալից 2022 թ․ օգոստոսի 12-ին. Վերցված է 2020 թ․ մայիսի 14-ին.
- ↑ «Անահիտ Սահակյան և Վարպետներ Համույթ mp3 Download free, Play online». mp3bam365.online (անգլերեն). Վերցված է 2018 թ․ փետրվարի 8-ին.(չաշխատող հղում)
- ↑ 3,0 3,1 «ՀՀ Նախագահի հրամանագրերը - Փաստաթղթեր - Հայաստանի Հանրապետության Նախագահ». նախագահ.հայ. Վերցված է 2018 թ․ փետրվարի 8-ին.