Անահիտ Հակոբյան

Անահիտ Հակոբյան
Հիմնական տվյալներ
Ծնվել է	հուլիսի 17, 1997 (27 տարեկան); Թալին, Արագածոտնի մարզ, Հայաստան
Երկիր	Հայաստան
Ժանրեր	ժամանակակից ժողովրդական երաժշտություն
Մասնագիտություն	երգչուհի

Անահիտ Հակոբյան (հուլիսի 17, 1997(1997-07-17), Թալին, Արագածոտնի մարզ, Հայաստան), հայ երգչուհի։ 2024 թվականին ներկայացրել է Հայաստանը «Նոր ալիք 2024» միջազգային մրցույթում և դարձել հաղթող։

Կենսագրություն

2005 թվականին Անահիտ Հակոբյանը ընդունվել է Երևանի Ալեքսանդր Աճեմյանի անվան երաժշտական դպրոց, սովորել է ժողովրդական երգեցողություն, որտեղ հանդես է եկել որպես մեներգչուհի։ Բարձրագույն կրթությունը ստացել է Երևանի պետական համալսարանի պատմության ֆակուլտետի կովկասագիտության բաժնում^[1]։

Գործունեություն

2010 թվականին Անահիտ Հակոբյանը մասնակցել է Շանթ հեռուստաընկերության «Աստղիկներ 2» նախագծին և անցել եզրափակիչ փուլ։ Նույն թվականին ռուսական «Երգը բարեկամության կամուրջ է» երգի հանրապետական փառատոնում արժանացել է դափնեկրի կոչման։

2011 թվականին Հակոբյանը հաղթել է «Golden Voice» հանրապետական մրցույթ-փառատոնում։ Նույն թվականին Հայաստանի Հանրապետության 20-ամյակին նվիրված «Վերածնունդ» 3-րդ միջազգային մրցույթ-փառատոնում արժանացել է 1-ին կարգի դափնեկրի կոչման և ոսկե մեդալի։

2012 թվականին Հակոբյանը ելույթ է ունեցել ՀՀ պաշտպանության նախարարության կողմից կազմակերպված մի քանի համերգային ծրագրերում և իր ելույթների համար արժանացել բազմաթիվ մրցանակների։ Ինչպես նաև, Անահիտ Հակոբյանը ԵՊՀ ուսանողների հետ միասին համերգային ծրագրերով հանդես է եկել ՀՀ մի շարք և Արցախի գրեթե բոլոր զորամասերում։

Երգչուհին շարունակեց մասնակցել մրցութային երաժշտական ծրագրերի՝ 2014 թվականին հասնելով հայկական «X Factor»-ի աղջիկների թիմի լավագույն եռյակ։

Հակոբյանի միջազգային ճանաչումը մեծացել է, երբ 2018 թվականին հաղթել է Գերմանիայում կայացած «Berliner Perle» միջազգային մրցույթում^[2]։

2024 թվականին Հակոբյանը թողարկել է իր առաջին երգն ու տեսահոլովակը «Ուրիշ աշխարհ» վերնագրով։

Նույն տարի ներկայացրել է Հայաստանը Սոչիում կայացած «Նոր ալիք 2024» երգի միջազգային մրցույթում, որտեղ արժանացել է ժյուրիի անդամների ամենաբարձր գնահատականին և դարձել հաղթող^[3]^[4]^[5]^[6]^[7]։

Նոր ալիք 2024

Այս երեք երգերով Անահիտը մասնակցել է «Նոր ալիք 2024» մրցույթին՝ հավաքելով ընդհանուր 222 միավոր և դառնալով հաղթող^[8]^[9]^[10]^[11]։

Երգ	Ֆիլիպ Կիրկորով	Աննա Աստի	Իգոր Մատվիենկո	Անի Լորակ	Սերգեյ Լազարև	Օլեգ Գազմանով	Լարիսա Դոլինա	Իգոր Կրուտոյ	Նիկոլայ Բասկով	Ընդհանուր
«Ջան Ջան»	8	8	9	10	8	9	9	8	-	69
«Հայի երկինքը»	10	10	10	10	-	10	10	10	10	80
«Իմ ճանապարհը»	8	10	8	9	10	8	10	10	-	73

Ծանոթագրություններ

[1] «Анаит Акобян». 24SMI (ռուսերեն). Վերցված է 2024-09-11-ին.

[2] «Euro Pop Contest - Winners 2018».

[3] «Հայաստանը նվաճել է «Նոր ալիք 2024-ը»».

[4] ««Նոր ալիքը» նոր ալիք բերեց իր կյանք․».

[5] «Армянская певица Анаит Акопян удостоилась самой высокой оценки на международном конкурсе «Новая волна 2024»».

[6] ««Я поклялась»: ставшая победительницей «Новой волны-2024» Анаит Акопян рассказала со сцены о смерти отца».

[7] «ԿԳՄՍ փոխնախարարը հանդիպել է «Նոր ալիք 2024» մրցույթում հաղթած երգչուհի Անահիտ Հակոբյանի հետ».

[8] «Армянская Бейонсе: главный приз «Новой волны-2024» достался Анаит Акопян из Армении».

[9] «Анаит Акопян стала победительницей международного конкурса «Новая волна»».

[10] «Հայաստանը ներկայացնող Անահիտ Հակոբյանը «Նոր Ալիք 2024»-ում հաղթանակը նվիրեց հոր հիշատակին».

[11] ««Ինձ համար ամենակարեւորը բարձր մակարդակով Հայաստանը ներկայացնելն է». Անահիտ Հակոբյանը պատրաստվում է «Նոր Ալիք 2024»-ին».

[1]

[2]

[3]

[4]

[5]

[6]

[7]

[8]

[9]

[10]

[11]