Այրված գյուղերի հուշարձան

Վիքիպեդիայից՝ ազատ հանրագիտարանից
Այրված գյուղերի հուշարձան
Քարտեզ
Քարտեզ
Տեսակհուշարձան
Երկիր Ուկրաինա
ԲնակավայրՍլովեչնո
 Monument to villages burned by Nazis, Slovechne Վիքիպահեստում

Այրված գյուղերի հուշարձան, հուշարձան Ուկրաինայի Ժիտոմիրի մարզի Օվրուչի շրջանի Սլովեչնո գյուղի մուտքի մոտ։ Նվիրված է գյուղի այն բնակիչների հիշատակին, որոնք 1942-1943 թվականներին սպանվել են ֆաշիստների կողմից[1][2][3]։

Սլովեչնոյի շրջանը եղել է պարտիզանական Պոլեսիեի կենտրոններից մեկը։ Այնտեղի անանցանելի անտառներում գործել են պարտիզանական ջոկատներ (Օ․ Սաբուրովի, Տ․ Գրիշանի և այլն) և ընդհատակյա կազմակերպություններ։ 1942 թվականի դեկտեմբերի 4-ին ժողովրդական վրիժառուները ոչնչացրել են Սլովեչնոյի ֆաշիստական կայազորը, գրավել մեծաքանակ զենք ու զինամթերք, պարտիզանական բազաներ տարել հաց, խոշոր եղջերավոր անասուններ, որ նախապատրաստվել էին Գերմանիա ուղարկելու համար։ Ի պատասխան պարտիզանների գործողությունների՝ ֆաշիստները 13 գյուղ մոխրի են վերածել, որոնց՝ անտառ փախչել չհասցրած բնակիչները կենդանի այրվել են։

Հուշարձանը տեղադրվել է 1980 թվականին, նրա հեղինակներն են քանդակագործ Ի․ Տաբաչնիկն ու ճարտարապետ Պ․ Բիրյուկը։

Հուշարձանը պատրաստված է վարդագույն գրանիտից։ Այն ներկայացնում է մոր, որը պահել է ուժասպառ որդուն։ Հուշարձանը պատկերում է կյանքի ու մահվան միջև ընկած պահը, մարդկային ողբերգությունը, անուղղելի աղետը, որ վրա է հասել այդ բազմաչարչար հողին։

Գրությունը կրող պատվանդանը պատրաստվել է վեր ձգվող կրակի բոցի տեսքով[4][5][6][7][8][9][10]։

Ծանոթագրություններ[խմբագրել | խմբագրել կոդը]