Jump to content

Այսբերգ Սլիմ

Վիքիպեդիայից՝ ազատ հանրագիտարանից
Այսբերգ Սլիմ
Ծնվել էօգոստոսի 4, 1918(1918-08-04)[1][2]
ԾննդավայրՉիկագո, Իլինոյս, ԱՄՆ
Վախճանվել էապրիլի 28, 1992(1992-04-28)[2] (73 տարեկան)
Վախճանի վայրԼոս Անջելես, Կալիֆոռնիա, ԱՄՆ
ԳերեզմանՖորեսթ Լոուն հուշայգի
Մասնագիտությունվիպասան, գրող և Հանցագործության սուբյեկտ
Քաղաքացիություն ԱՄՆ
ԿրթությունԹասքիգիի համալսարան

Ռոբերտ Բեք (ծնված Ռոբերտ Լի Մոփին կամ Ռոբերտ Մոփին Կրտսեր[3]. օգոստոսի 4, 1918(1918-08-04)[1][2], Չիկագո, Իլինոյս, ԱՄՆ - ապրիլի 28, 1992(1992-04-28)[2], Լոս Անջելես, Կալիֆոռնիա, ԱՄՆ), առավել հայտնի է Այսբերգ Սլիմ գրական կեղծանունով. ամերիկացի կավատ, ով ավելի ուշ դարձել է գրող՝ նուար ժանրի վեպերի ու նորավեպերի հեղինակ: Նրա Կավատը. Իմ կյանքի պատմությունը խորագիրը կրող հուշագրությունը լայն տարածում է գտել հատկապես սևամորթների շրջանում. 1973 թվականի դրությամբ այդ երկը 19 վերահրատարակություն է ունեցել, վաճառվել մոտավորապես երկու միլիոն օրինակ, թարգմանվել ու հրատարակվել գերմաներեն, ֆրանսերեն, իտալերեն, պորտուգալերեն, իսպաներեն, հոլանդերեն, շվեդերեն, ֆիններեն, հունարեն:

XX դարի երկրորդ կեսին Այսբերգ Սլիմը ամենաազդեցիկ աֆրոամերիկացի գրողներից մեկն էր շնորհիվ 1967 թվականին լույս ընծայված այդ ինքնակենսագրական գրքի, որտեղ ցուցադրում է իր կյանքը որպես կավատ: Նրա կոպիտ և իրատեսական նկարագրությունները, դատողությունները այն պիղծ և շատ դաժան միջավայրի մասին, որտեղ ինքն ապրել է (նա ծեծել է «իր» մարմնավաճառներին երկաթե կախիչով, որը ոլորել էր), հետագայում մեծ ազդեցություն գործեցին աֆրոամերիկյան մշակույթի և հատկապես հիփ-հոփի վրա (օրինակ՝ Ice-T-ի կամ Ice Cube-ի նման ռեփերների վրա, որոնք նրան պարտական են նաև իրենց կեղծանունով[4]): Ամերիկացի գրող Սաֆիրը, ով առաջաբան է գրել «Կավատ» -ի ֆրանսիական հրատարակության համար, շեշտում է. « Անկախ նրանից, թե մենք հավանություն կտանք կամ չենք տա սևամորթների սոցիալական առաջընթացի հնարավորությունների վերաբերյալ նրա պարտվողական վերլուծությանը, մենք ստիպված ենք գիտակցել, որ այս մարդու պատմության մեջ ճշմարտություն կա, որը պետք է բարձրաձայնվի»[5]:

Կենսագրություն

[խմբագրել | խմբագրել կոդը]

Այսբերգ Սլիմը ծնվել է Չիկագոյում: Մանկության մեծ մասն անցկացրել է Վիսկոնսին նահանգի Միլուոկի քաղաքում և և Իլինոյս նահանգի Ռոքֆորդում, իսկ դեռահասության տարիներին վերադարձել է Չիկագո: Ամուսնու կողմից լքված նրա մայրը գեղեցկության սրահ է աշխատեցրել։ Տղան մոր նկատմամբ երկակի զգացում է ունեցել. մի կողմից երախտապարտ էր նրան, որ իրեն չի լքել, խնամել է, հոգ տարել. «Նա փորձեց պահպանել իմ մեջ որոշ սեր և հարգանք, որը ներշնչել էր ինձ Ռոքֆորդում: Բայց ես շատ բան էի տեսել, շատ էի տանջվել[6]։ Ջունգլիները սկսել էին իմ մեջ սերմանել իրենց դառնությունն ու կատաղությունը[7]»։ Ինքնակենսագրականում Սլիմը հիշատակում է բանտի հոգեբույժին, «ով, թերևս, ճիշտ էր, երբ ասաց ինձ, որ ես կավատ եմ դարձել անգիտակից ատելության պատճառով, որ ունեցել եմ իմ մոր հանդեպ՝ հորս վատ վերաբերմունքից հետո»[8] : Նա նաև պատմում է իր դայակի կողմից երեք տարեկան հասակում կատարված սեռական բռնության մասին (այդ ձեռգցոցի-հպումների մասին պատմելով է նա սկսում իր ինքնակենսագրությունը)[9] :

1930-ականների կեսերին Սլիմը մոր ջանացավության, հոգատար վերաբերմունքի շնորհիվ մի կարճ ժամանակ հաճախել է Թուսքեգի ինստիտուտ, որը սևամորթներին բարձրագույն կրթության տվող առաջին հաստատություններից մեկն էր, բայց հեռացվել է այդ բուհից՝ փողոցում ինքնաթոր ալկոհոլ վաճառելիս բռնվելու և բանտ ընկնելու պատճառով: Տասնութ տարեկանում նա ընդունել է իր «Iceberg Slim» կեղծանունը և մինչև քառասուներկու տարեկանը կավատությամբ զբաղվել Չիկագոյի տարածքում: Նա մի քանի անգամ բանտարկվել է և տասը ամիս Քուք շրջանի ուղղիչ տանը մենակ մնալուց հետո՝ 1960 թվականից որոշել է նվիրվել գրական գործունեությանը:

Որոշ ժամանակ անց տեղափոխվել է Կալիֆոռնիա՝ «նորմալ կյանք վարելու համար»: Այստեղ ընդունել է Ռոբերտ Բեք անունը՝ օգտագործելով մոր ամուսնու ազգանունը։

Mama Black Widow- ում նա նկարագրում է սևամորթ տրանսվեստիտի կյանքը:

Երկեր

[խմբագրել | խմբագրել կոդը]

Ստորև նշված են Այսբերգ Սլիմի հեղինակած ինչպես գեղարվեստական, այնպես էլ ինքնակենսագրական և այլ երկերը[10][11]:

  • Pimp: The Story of My Life (1967, Holloway House), հուշագրություն
  • Trick Baby: The Biography of a Con Man (1967, Holloway House), վեպ
  • Mama Black Widow: A Story of the South's Black Underworld (1969, Holloway House), վեպ
  • The Naked Soul of Iceberg Slim: Robert Beck's Real Story (1971, Holloway House), ինքնակենսագրություն
  • Long White Con: The Biggest Score of His Life (1977, Holloway House), վեպ
  • Death Wish: A Story of the Mafia (1977, Holloway House), վեպ
  • Airtight Willie & Me (1985, Holloway House), պատմվածքների ժողովածու
  • Doom Fox (գրվել է 1978 թվականին, հրատարակվել հետմահու՝ 1998 թվականին), վեպ
  • Shetani's Sister (հրատարակվել է հետմահու՝ 2015 թվականին), վեպ
  • Night Train to Sugar Hill (Contra Mundum Press, 2019), Սլիմի վերջին վեպը

Ծանոթագրություններ

[խմբագրել | խմբագրել կոդը]
  1. 1 2 Bibliothèque nationale de France data.bnf.fr (ֆր.): տվյալների բաց շտեմարան — 2011.
  2. 1 2 3 4 Babelio (ֆր.) — 2007.
  3. ↑ Kelley, Robin D. G. (2015 թ․ օգոստոսի 19). «The Fires That Forged Iceberg Slim». The New Yorker.
  4. ↑ Émission Le Ring, sur France Ô, diffusée le 29 juin 2014.
  5. ↑ Iceberg Slim, Pimp, Éditions de l'Olivier / Le Seuil, 1998, P..
  6. ↑ Iceberg Slim, Pimp, Éditions de l'Olivier / Le Seuil, 1998, p.36.
  7. ↑ La cruauté de son père envers lui-même et envers sa mère est décrite par lui comme insupportable dans son autobiographie. Voir Pimp : The story of my life.
  8. ↑ Iceberg Slim, Pimp, Éditions de l'Olivier / Le Seuil, 1998, P..
  9. ↑ Cf. Iceberg Slim, Pimp, Éditions de l'Olivier / Le Seuil, 1998, P.. Sur les comportements sexuels des nourrices déterminant la misogynie de certains hommes adultes, voir également Anonyme, Ma vie secrète (5 volumes : 978-2234025097 - 978-2842713232 - 978-2842713263 - 978-2842711559 - 978-2234054172), Stock. L'auteur y raconte les multiples relations sexuelles - dont certaines s'apparentent à des viols caractérisés - qu'il a eu au long de sa vie; son premier tome commence avec l'énonciation des attouchements sexuels que lui a fait subir sa nourrice alors qu'il était tout jeune enfant. Cfr. note de bas de page de l'article Wikipédia Misandrie
  10. ↑ «Author Page: Iceberg Slim». Goodreads.
  11. ↑ «Author Page: Iceberg Slim». Amazon.com.

Գրականություն

[խմբագրել | խմբագրել կոդը]
  • Nishikawa, Kinohi. "The Player: Iceberg Slim and the Allure of the Street." In Sticking it to the Man: Revolution and Counterculture in Pulp and Popular Fiction, 1950-1980. Andrew Nette and Iain McIntyre, editors. Oakland, California: PM Press, 2020. 9781629635248. pages 85–93.

Արտաքին հղումներ

[խմբագրել | խմբագրել կոդը]
Ստացված է «https://hy.wikipedia.org/w/index.php?title=Այսբերգ_Սլիմ&oldid=10498930» էջից