Այբուբենի աշտարակ

Վիքիպեդիայից՝ ազատ հանրագիտարանից
Այբուբենի աշտարակ
«Այբուբենի աշտարակ» (Բաթում)
Քարտեզ
Քարտեզ
Տեսակաշտարակ
Բարձրություն130 մետր
Երկիր Վրաստան
ԲնակավայրԲաթում
Ներկա վիճակԿանգուն
 Alphabetic Tower Վիքիպահեստում

Այբուբենի աշտարակ (վրաց.՝ ანბანის კოშკი), 130 մետր բարձրությամբ կառույց Վրաստանի Բաթում քաղաքում։ Աշտարակը խորհրդանշում է վրացական այբուբենի և ժողովրդի յուրօրինակությունը։

Պատմություն[խմբագրել | խմբագրել կոդը]

Կառույցը ստեղծված է ԴՆԹ դիզայնով՝ կրկնակի պարուրանման ոճով։ Վրացական այբուբենի 33 տառերով հանդերձ աշտարակից վեր է հառնում խխունջանման պարույրը, որի 4 մետրը կառուցված է ալյումինից։

Կառույցի մեջտեղի հատվածում կա վերելակ, որը հասնում է մինչև շինության վերևի հարկ՝ կառույցի թագը, որտեղ գտնվում է վիթխարի, արծաթե գունդը։

Այբուբենի աշտարակը կառուցել է իսպանական CMD Ingeniero կազմակերպությունը։ Շինարարական աշխատանքները սկսվել են 2010 թվականի հոկտեմբերի 10-ին, կառույցի արտաքին տեսքը պատրաստ է եղել 2011 թվականի դեկտեմբերին։ Կառուցման համար ծախսվել է 65 միլիոն դոլար[1]։

Կառույցը[խմբագրել | խմբագրել կոդը]

Աշտարակը բաղկացած է հեծանի ձողաձողի պողպատե խողովակների 11 մոդուլներից, որոնք ստեղծում են երկու կառույց՝ շենքի ներսակողը՝ դիտարժան վերելակը և աստիճաները և արտաքին դիզայնը՝ ի լրումն ամբողջական կառույցի։ Յուրաքանչյուր 10,8 մետր բարձրությամբ երկու կողմերը միացված են աստղանման միջնորմներով։ Վերևի հատվածում ապակե հարթակն է՝ կառուցված եռանկյուն տարրերից և խոռոչանման հատվածներից։ Հարթակի տրաբեր հարկերում կան սենյակներ։

Առաջին հարկը կոչվում է տեղափոխման հարկ, որտեղ կարելի է հասնել 2 տեսարժան վերելակներով։ Այստեղից մյուս վերելակներով կարելի է հասնել այլ հարկեր։

Երկրորդ հարկում տեղակայված է հեռուստատեսային ստուդիա, երրորդ հարկում՝ խոհանոց, ռեստորան, որն ունի պտտվող մատանու տեսք, որտեղից այցելուները կարող են հիանալ քաղաքի արտաքին տեսքով և Սև ծովով՝ միաժամանակ վայելելով իրենց կերակուրը։ Չորրորդ հարկը համարվում է աստղադիտարան տախտակամած, որտեղից բացվում է եզակի տեսարան։ Հինգերորդ հարկը ստեղծված է այցելուներին ցույց տալու համար թե ինչքան լարված է աշխատում զանգվածային կափույրը, որը 50 տոննա զանգվածքով սարք է՝ տեղադրված շինության ներսում մեխանիկական տատանումները նվազեցնելու համար։

Ներկա պայմաններ[խմբագրել | խմբագրել կոդը]

Կառուցման օրից շինությունը լքված է, քանի որ 2014 թվականին պարզվեց, որ վերելակը անսարք է, հարկերում կարելի էր հանդիպել հարյուրավոր սատկած թռչուններ, չնայած որ շինությունը լուսավորված է և բոլորովին նոր տեսք ունի[2]։ 2015 թվականին Բաթումի քաղաքապետարանը որոշել է 130 մետր բարձրությամբ աշտարակը վարձակալությամբ հանձնել անհայտ իսպանական ընկերությանը՝ 20 տարի ժամկետով։ Բաթումի քաղաքապետարանը տարեկան 700000 լարի էր ծախսում շինության պահպանման համար։

Հեղինակ[խմբագրել | խմբագրել կոդը]

Ճարտարապետ՝ Ալբերտո Դոմինգո Կաբո

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]