Ամպամած օր (նկար, Նիկոլայ Էլլերտ)
 | |
|---|---|
 | |
| տեսակ | գեղանկար |
| նկարիչ | Նիկոլայ Էլլերտ |
| տարի | 1896 |
Ծանոթագրություններ | |
«Ամպամած օր» (ռուս.՝ Облачный день), ռուս դեկորատոր, նկարիչ, գրաֆիկ, բնանկարի և ժանրային գեղանկարչության վարպետ Նիկոլայ Էլլերտի նկարներից[1]։ Այս ստեղծագործությունը հեղինակը վրձնել է 1896 թվականին. համարվում է նկարչի վերջին գործերից[2]։ Յուղաներկով կտավի չափերն են 35 × 48 սմ։
Այսօր «Ամպամած օր» ստեղծագործությունը պահպանվում և ցուցադրվում է Կալուգայի կերպարվեստի թանգարանում (Կալուգա, Ռուսաստան)։
Պատմություն[խմբագրել | խմբագրել կոդը]
«Ամպամած օր» ստեղծագործությունը հեղինակը վրձնել է 1896 թվականին[3]։ Նկարելուց հետո կտավը ներկայացվել է ցուցադրության, որտեղից էլ այն գնել է կալուգացի մեկենաս Ն. Ի. Վասիլևը։ Հետագայում նա տունը և կտավների հավաքածուն հանձնել է քաղաքին[4]։
Այս պահին կտավը գտնվում է Կալուգայի կերպարվեստի թանգարանում[3]։ Ստեղծագործությունը թողարկվել է նաև նամականիշների վրա[5]։
Նկարագիր[խմբագրել | խմբագրել կոդը]
«Ամպամած օր» կտավը փոքր բնանկար է, որտեղ ներկայացված է ամառանոցային կյանքի մի տեսարան։ Կտավի կենտրոնում պատկերված է շավիղ՝ անտառի եզրին։ Մոտակայքում հատուկենտ երիտասարդ սոճիներ են աճում[6]։ Գյուղական ճանապարհին երևում է վարդագույն հանդերձանքով գյուղացի կինը[6], որը նայում է քիչ հեռու գտնվող հեծանվորդին[6]։ XIX դարավերջին գյուղական կյանքում հեծանիվը դեռևս համարվում էր արտառոց երևույթ։
Ժանրային տեսարանն այնքան է ձուլված բնանկարին, որ դիտելիս չի շեղում հայացքը բնությունից։ Հեղինակը մեծ ճշգրտությամբ դիտողին է փոխանցում ամառային արևոտ օրվա տպավորությունը և լողացող ամպերն ու դրանից առաջացած թեթև ստվերները։ Բնանկարն արված է կանաչի, ոսկեկանաչի ու ոսկեդեղինի երանգներով։
Ծանոթագրություններ[խմբագրել | խմբագրել կոդը]
- ↑ «Облачный день « Эллерт Николай Людвигович « Русская живопись « Музей « Воскресный день»։ vsdn.ru։ Վերցված է 2020-05-31
- ↑ «Выставка одного произведения. Н.Л. Эллерт. «Облачный день» | Калужский музей изобразительных искусств»։ artmuseum.kaluga.ru։ Վերցված է 2020-05-31
- ↑ 3,0 3,1 «Облачный день - Эллерт Н. Л. :: Артпоиск - русские художники»։ artpoisk.info։ Վերցված է 2020-05-31
- ↑ «Бывший дом Н.И.Васильева.»։ gorod.kaluga.ru։ Վերցված է 2020-05-31
- ↑ «Государственный каталог Музейного фонда Российской Федерации»։ goskatalog.ru։ Արխիվացված է օրիգինալից 2019-06-22-ին։ Վերցված է 2020-05-31
- ↑ 6,0 6,1 6,2 «Государственный каталог Музейного фонда Российской Федерации»։ goskatalog.ru։ Արխիվացված է օրիգինալից 2019-06-22-ին։ Վերցված է 2020-06-01
Արտաքին հղումներ[խմբագրել | խմբագրել կոդը]
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ամպամած օր (նկար, Նիկոլայ Էլլերտ) կատեգորիայում։ |