Ամե և Յուկի․ Գայլի զավակները
Ամե և Յուկի․ Գայլի զավակները (ճապ.` おおかみこどもの雨と雪 Օօկամի Կոդոմո նօ Ամե տո Յուկի) - Մամորու Խոսոդայի լիամետրաժ անիմացիոն ֆիլմերից, որը հեռարձակվել է 2012թվականին Studio Chizu-ի կողմից։ Ստուդիան բացվել էր հատուկ այս ֆիլմի ստեղծման նպատակով[9]։ Պրեմիերան տեղի է ունեցել Ֆրանսիայի UGG Cine Cite Les Halles-ում։ Ռուսաստանում ֆիլմն առաջին անգամ ցուցադրվել է 2012 թվականի նոյեմբերին[10]։
Սյուժե[խմբագրել | խմբագրել կոդը]
19-ամյա ուսանողուհի Հանան հանդիպում է գայլ-պատանու։ Նրանց սիրո պտուղներն են դառնում փոքրի աղջնակ Յուկին և նրա փոքր եղբայրը՝ Ամեն։ Սիրեցյալի մահից հետո Հանան ստիպված է լինում միայնակ մեծացնել երեխաներին։ Նրանց ծագումը թաքցնելու անհրաժեշտությունից ելնելով՝ Հանան չի ցանկանում ռիսկի դիմել և երեխաներին տանել բժշկի, ինչը հասարակության շրջանում կասկածներ է առաջացնում։ Իսկ երեխաների արձակած կանոնանվոր ձայները ստիպում են հարևաններին մտածել, իբր Հաննան շուն է պահում՝ խախտելով տան վարձույթի պայմանագրի կետերը։ Նման ծայրահեղ իրավիճակում Հաննան որոշում է անհապաղ տեղափոխվել գյուղ՝ հեռու օտար աչքերից։
Նոր վայրում Հանան համառորեն աշխատում է, որպեսզի հին վարձակալած տունը դարձնի ապրելու համար պիտանի և հնարավորություն տա զավակներին մեծանալ և զարգացնել երկու բնությունները՝ մարդկային և գայլային՝ չվախենալով շրջապատի ուշադրությունից։ Սակայն ամեն ինչ չէ ըստ պլանավորածի գնում։ Շուտով հարևաններն սկսում են ավելի հաճախ այցելել երիտասարդ մայրիկին, քանի որ, տեսնելով նրա ձգտումը և գյուղական կյանքի դժվարություններից չկոտրվելու ցանկությունը, հարգանքով են լցվում նրա հանդեպ և իրենց օգնությունն են առաջարկում ամենօրյա աշխատանքներում։ Բարեբախտաբար նրանցից և ոչ ոք չի կասկածում, որ Ամեն և Յուկին սովորական երեխաներ են։ Այդ փոքրիկ, բայց համերաշխ ընտանիքի գաղտնիքը պահպանվում է։
Մինչ այդ ընթացքում երեխաները մեծանում են, նրանց միջև տարբերությունը դառնում է ավելի ակնհայտ։ Պայծառ և չարաճճի Յուկին ճանաչում է իր շրջապատի աշխարհը և թվում է, թե ավելի մեծ ձգտում ունի դեպի գայլային կյանքը։ Սակայն ժամանակի ընթացքում սկսում է հետաքրքրություն ցուցաբերել այլ երեխաների հետ շփմանը և արդյունքում որոշում է այլևս չփոխակերպվել գայլի։ Լուռ և ինքնամփոփ Ամեն իր անվստահ քայլերն է անում դեպի հասուն կյանք, բայց ավելի ուշ կտրուկ փոխվում է՝ դառնալով ավելի ուժեղ, անվախ և լուրջ։ Նա մտերմանում է անտառի պահապան ծեր աղվեսի հետ ու սովորում է բնության կյանքի իմաստուն խորհուրդները։ Երբ աղվեսը վնասում է թաթը և ակնհայտ է դառնում, որ շուտով կմահանա, Ամեն գնում է անտառ և զբաղեցնում իր ուսուցչի տեղը։
Կերպարներ[խմբագրել | խմբագրել կոդը]
Հանա (ճապ.`花 Հանա) - 19-ամյա աղջիկ, ով կորցրել էր հորը դեռև դպրոցական տարիներին։ Պատմության սկզբում նա սովորում էր Տոկիոյի Ազգային համալսարանի սոցիոլոգիայի ֆակուլտետում։ Այնտեղ էլ առաջին անգամ հանդիպել է իր գայլ-ամուսնուն։ Վերջինիս մահից հետո ծայրահեղ դժվարությամբ էր հասցնում իր պարտականությունները։ Երբ տեղափոխվեց, տեղի բնակիչները սկսեցին օգնել նրան կարտոֆիլ աճեցնել,, անգամ սառնարան են նվիրում։ Իմանալով, որ Ամեն ցանկանում է գայլի կյանքով ապրել, նա սկզբում շատ է տխրում, բայց հետագայում բաց է թողնում որդուն։ Ծննդյան օրը նրան կնքել են Հանա անունով, քանի որ այդ ժամանակ այգում վայրի վարդեր էին աճում։
Դերակատար՝ Աոյի Միյաձակի։
Գայլ (ճապ․՝ おおかみおとこ Օօկամի-օտոկո) - նրա իսկական անունը ոչ ոք չգիտեի։ Նա դասերի էր հաճախում այն նույն համալսարանում, որտեղ սովորում էր Հանան, բայց ուսանող չէր։ Սկզբնական շրջանում շատ սառն էր նկատմամբ և խուսափում էր։ Ավելի ուշ աղջկա ուշադրությունն ու անշահախնդրությունը ստիպում են Հանային այլ աչքերով նայել։ Բացելով նրան իր գաղտնիքը՝ նա աղջկա հայացքում գտնում է ընկերոջ և սիրահարվում է նրան։ Տեղափոխվելով նրա մոտ՝ ճաշակում է խաղաղ ընտանեկան կյանքի ուրախությունները։ Երեխայի պես ուրախանում է, երբ իմանում է սիրեցյալի հղիության մասին և ջանք չի խնայում նրան երջանիկ դարձնելու համար։ Մահանում է թռչնորսի ժամանակ, որը, ամենայն հավանականությամբ, ցանկանում էր տուն բերել որդու տարեդարձի առթիվ։ Հաճախակի է հայտնվում Հանայի երազներում։
Դերակատար՝ Տակաո Օօսավա։
Յուկի (ճապ․՝ 雪 Յուկի) - Հանայի դուստրը և Ամեի ավագ քույրը։ Քանի որ ծնվել է ձմռանը, նրան անվանել են Յուկի, որը թարգմանաբար նշանակում է «ձյուն»։ Նա շատ նման է Հանային։ Սկզբում վախեցնում էր համադասարանցիներին իր «կենդանական» պահվածքով, սակայն հետագայում սարդեն ձգտու մէր նմանվել մյուսներին։ 11 տարեկանում արդեն սկսեց հետ վանել գայլային բնությունը և վերջնական որոշում ընդունեց՝ հավեր մարդ մնալ։
Դերակատար՝ Խարու Կուրոկի։
Ամե (ճապ․՝ 雨 Ամե) - Հանայի որդին և Յուկիի կրտսեր եղբայրը։ Նրան անվանել են Ամե, քանի որ ծնվել է անձրևային եղանակին (Ամե թրագմանաբար նշանակում է «անձրև»)։ Շատ նման էր իր հորը։ Ի տարբերություն քրոջ՝ շատ հանգիստ էր ու ինքնամփոփ։ Անտառում ծանոթանում է ծեր աղվեսի հետ, որը սովորեցնում է նրան որս անել և ապրել վայրի պայմաններում, ինչի պատճառով էլ Ամեն սկսեց ավելի հաճախ բաց թողնել դասերը և ժամանակն անց կացնել կենդանական կերպարում։ Պատմության վերջում նա հեռանում է անտառ։
Դերակատար՝ Յուկիտո Նիսիի։
Խոսոկավա (ճապ․՝ 細川 Խոսոկավա) - ագարակատեր, որն ապրում է Հանայի և նրա զավակների տնից քիչ հեռու։
Դերակատար՝ Տադասի Նակամուրա։
Նիրասակի (ճապ․՝ 韮崎 Նիրասակի) - տարեց ագարակատեր Նանասուի շրջանից։ Շատ մռայլ անձնավորություն էր, սակայն, չնայած դրան սովորեցնում էր Հանային սերմերը ճիշտ ցանել և անգամ սառնարան է նվիրում։
Դերակատար՝ Բունտա Սուգավարա։
Նիրասակիի դուստրը (ճապ․՝ 韮崎のおばさん Նիրասակի նո օբա-սան) - միջին տարիքի կին։ Ի տարբերություն հոր՝ ուրախ և բարեհամբույր է։
Դերակատար՝ Տոմիո Կատաոկա։
Տանաբե-սենսեյ (ճապ․՝ 田辺先生 Տանաբե-Սենսեյ) - Յուկիի դասղեկը։
Դերակատար՝ Սյոտա Սոմետանի։
Սոխեյ (ճապ․՝ 草平 Սոխեյ) - Յուկիի դասընկերը, երազում է փախչել տնից և բռնցքամարտիկ դառնալ։ Երկար ժամանակ հետևում էր Յուկիին, ինչի պատճառով վերջինս բարկացած վիճակում վնասում է նրա ականջը։ Այդ դեպքը Յուկիի մոտ դեպրեսի ա առաջացնում։ Նա սկսում է ատելի իր գայլային բնությունը։ Չնայած այդ ամենին՝ Սոխեյը չի չարանում և միշտ պատրաստ էր նրա ընկերը դառնալ։ Երբ Յուկին բաց էր թողնում դասերը, նա փոքր նվերներ էր բերում՝ ի նշան մտերմության։ փոթորկի ժամանակ Սոխեյը և Յուկին մնում են դպրոցում և ստիպված են լինում այնտեղ մնալ ողջ գիշեր, քանի որ ոչ ոք չի գալիս նրանց հետևից։ Այդ ժամանակ էլ Յուկին խոստովանում է իր գայլային բնության մասին։ Սակայն Սոխեյն ասում է, որ դա վաղուց գիտեր և աղջկան ընդունում է այնպիսին, ինչպիսին կա։
Դերակատար՝ Տակումա Խիրաոկա։
Սոխեյի մայրը (ճապ․՝ 草平の母 Սոխեյ նո Խախա)
Դերակատար՝ Մեգումի Խայասիբարա։
Քննադատություն[խմբագրել | խմբագրել կոդը]
Կինոքննադատների կողմից ֆիլմը մեծ մասամբ դրական կարծիքների է արժանացել։ Մարկ Շիլլինգը՝ The Japan Times-ի (անգլ․) ներկայացուցիչը, «Ամե և Յուկի․ Գայլի զավակները» ֆիլմի ռեժիսոր Մամորու Խոսոդային համեմատել է հանրաճանաչ ռեժիսոր Հայաո Միյաձակիի հետ՝ հավելելով, որ Խոսոդային ածխատանքներում նկատելի է Միայաձակիի արվեստի ազդեցությունը։ մասնավորապես՝ նուրբ ռեալիզմի համադրումը սոցիալական խնդիրների ու մռայլ էմոցիաների հետ[11]։ Բացի այդ՝ նա նշեց, որ ռեժիսորը շատ հաջող կերպով համատեղել է ֆանտաստիկ տարրերը առօրյա կյանքի հետ[11], թեև սյուժեն ինքնին շատ կանխատեսելի էր։ Ընդհանուր առմամբ Շիլլինգը գնահատել է 5-ից 3[11]։
Ֆրանսիական Le Monde ամսագրի ներկայացուցիչները ֆիլմը հիանալի են համարել՝ գնահատելով 5-ից 5[12]։ Սինգապուրի Mypaper թերթը նույնպես բարձր է գնահատել ֆիլմը՝ շեշտելով ստեղծողների ուշադրությունը մանրուքների նկատմամբ և բնության հիանալի պատկերումը[13]։
Սաունդթրեք[խմբագրել | խմբագրել կոդը]
Ֆիլմի երաժշտության հեղինակը կոմպոզիտոր Տակագի Մասակացուն է։ Երգը կատարում է ճապոնացի երգչուհի Էնն Սելլին է։
Պարգևատրումներ[խմբագրել | խմբագրել կոդը]
- Մայնիթիի պարգևատրում (անգլ․)[14]
- Japan Media Arts Festival Awards[15]
- Լավագույն անիմացիոն ֆիլմ Սիտխեսի կինոփառատոնում (անգլ․)[16]
- Տարվա ֆիլմ ըստ Newtype-ի (անգլ․)[17]
- Երկու մրցանակ Նորվեգիայում Films from the South կինոփառատոնի ժամանակ՝ «Արծաթե հայելի» գլխավոր մրցանակ և հանդիսատեսի համակրանք մրցանակ[18]
- Japan Academy Prize[19]
Ծանոթագրություն[խմբագրել | խմբագրել կոդը]
- ↑ Coming of age — 2002.
- ↑ Contemporary fantasy — 2002.
- ↑ https://itunes.apple.com/au/movie/wolf-children/id745001578
- ↑ 映画アニメ おおかみこどもの雨と雪 (2012) (яп.) — 2003.
- ↑ Les Enfants Loups, Ame & Yuki (ֆր.) — Allociné.
- ↑ Wolf Children (movie) — 1998.
- ↑ 7,0 7,1 Release info — 1990.
- ↑ 8,0 8,1 Wolf Children — 1999.
- ↑ «Summer Wars' Mamoru Hosoda Creates Anime Film for July». Anime News Network (անգլերեն). Վերցված է 2020 թ․ ապրիլի 19-ին.
- ↑ «Новости — Реанимедиа». reanimedia.ru. Վերցված է 2020 թ․ ապրիլի 23-ին.
- ↑ 11,0 11,1 11,2 Mark Schilling, Ookami Kodomo no Ame to Yuki (Wolf Children) Արխիվացված 2012-11-05 Wayback Machine, (անգլ․) Japan Times
- ↑ Thomas Sotinel Les Enfants-Loups Ame et Yuki (Ֆր.),Լը Մոնդ
- ↑ Chua, Dave Movie review: Wolf Children(չաշխատող հղում), Mypaper. AsiaOne (անգլ․)
- ↑ Wolf Children, 'Combustible' Win at 67th Mainichi Film Awards - News - Anime News Network, (անգլ․) Anime News Network
- ↑ Otomo's 'Combustible' Anime Short Wins Media Arts Award - News - Anime News Network,(անգլ․), Anime News Network
- ↑ Wolf Children Wins Best Animated Film Award at Sitges - News - Anime News Networ,(անգլ․), Anime News Network
- ↑ Fate/Zero, K-ON Win Top Prizes in Newtype Anime Awards (Updated) - News - Anime News Network, (անգլ․), Anime News Network
- ↑ Prize winners - Films from the South 2012 - Films from the South Արխիվացված 2013-03-07 Wayback Machine, (անգլ․)
- ↑ Wolf Children Wins Japan Academy Prize - News - Anime News Network, (անգլ․), Anime News Network
Հղումներ[խմբագրել | խմբագրել կոդը]
Պաշտոնական
- Անիմեի պաշտոնական կայքէջ (ճապ․)
- Ռանոբե "Գայլի զավակները" Kadokawa կայքում (ճապ․)
Տվյալների բազայում
- Անիմե "Wolf Children"(անգլ․) Anime News Network կայքի հանրագիտարանում
- Անիմե "Wolf Children" (անգլ․) AniDB-ի տվյալների բազայում
- Մանգա "Wolf Children" (անգլ․) Anime News Network կայքի հանրագիտարանում
