Ամերիկյան կինոասոցիացիայի վարկանիշների համակարգ

Ամերիկյան կինոասոցիացիայի վարկանիշների համակարգ (անգլ.`Motion Picture Association of America's film-rating system), օգտագործվում է Միացյալ նահանգներում և նրա տարածքներում՝ նշելու տվյալ ֆիլմի թեմատիկան և հարմար լինելը հանդիսատեսի որոշակի խմբերի համար։ Այս համակարգն օգտագործվում է միայն կինոնկարների գնահատման համար։ Հեռուստահաղորդումները և համակարգչային խաղերը գնահատվում են այլ համակարգերով։ Այս գործընթացը կրում է կամավորական բնույթ և չի պարտադրվում օրենքով։ Վարկանիշների համակարգը կոչված է երեխաների համար պատշաճ ֆիլմ ընտրելու հարցում ծնողներին օգնելու։

Վարկանիշները[խմբագրել | խմբագրել կոդը]

1990 թ.-ից Ամերիկյան կինոասոցիացիայի վարկանիշների համակարգները հետևյալն են՝

Ռեյտինգի տարբերանշանը	նշանակումը^[1]
G rating symbol	*Բոլոր տարիքի հանդիսատեսների համար(General Audiences)* (1968 թ.–ից)
PG rating symbol	*Ծնողների ներկայության ցանկալիություն (Parental Guidance Suggested)* Որոշ նյութեր կարող են ոչ պատշաճ լինել 10 տարեկան և ցածր երեխաների համար (1972 թ.–ից)
PG-13 rating symbol	Խիստ զգուշացում ծնողներին Որոշ նյութեր կարող են ոչ պատշաճ լինել 13 տարեկան և ցածր երեխաների համար (1984 թ.-ից)
R rating symbol	*Սահմանափակված է (Restricted)* 16-ից ցածր անձանց համար պետք է հասուն մարդկանց ներկայություն (1968 թ.-ից)
NC-17 rating symbol	*Արգելվում է 17 տարեկան և ցածր անձանց համար (No One 17 and Under Admitted)* (1990 թ.-ից)