Ամատունի Բարսեղյան
- Վիքիպեդիայում կան հոդվածներ Բարսեղյան ազգանունով այլ մարդկանց մասին։
Ամատունի Բարսեղյան | |
|---|---|
| Ծնվել է | փետրվարի 11, 1904 |
| Ծննդավայր | Ախալցխա |
| Վախճանվել է | հոկտեմբեր 1987 (83 տարեկան) |
| Վախճանի վայր | Երևան, Հայկական ԽՍՀ, ԽՍՀՄ |
| Մասնագիտություն | լրագրող |
| Քաղաքացիություն |  ԽՍՀՄ |
| Կրթություն | Ռոստովի պետական համալսարան |
| Ամատունի Բարսեղյան Վիքիդարանում | |
Ամատունի Հակոբի Բարսեղյան (փետրվարի 11, 1904, Ախալցխա - հոկտեմբեր 1987, Երևան, Հայկական ԽՍՀ, ԽՍՀՄ), հայ լրագրող, մշակութային գործիչ[1]։
Կենսագրություն[խմբագրել | խմբագրել կոդը]
Ավարտել է Ռոստովի համալսարանի մանկավարժական ֆակուլտետը։ Գրական գործունեությունը սկսել է 1924 թվականին՝ աշխատակցելով Հյուսիսային Կովկասի պարբերականներին։ Նույն թվականից աշխատել է «Մուրճ-մանգաղի» խմբագրությունում, իսկ հետագայում՝ «Մարտակոչ», «Պրոլետար» և Հյուսիսային Կովկասի մի շարք ռուսերեն պարբերականների խմբագրություններում։ Թատերական, երաժշտական, գրական հարցերի մասին բազմաթիվ հոդվածներ է տպագրել հայ և ռուսական մամուլում։
1926 թվականին ռուսերենով Վլադիկավկազում լույս է տեսել նրա «Ժամանակակից Հայաստանը» գիրքը։ Ռոստովում հրատարակել է «Լեռնային էսքիզներ» ակնարկների ժողովածուն[2]։
Օգտագործել է Ա., Ա. Բ., Բ. Ա-ի, Ա-տունի, Ալ’ֆա, Ամատունի, Ա. Արարատյան, Բ., Բ. Ամատունի, Բանթղթակից, Ֆլորա, А-туни, Аматуни, А. Араратян, Б. Аматуни, Н. Паронян, Ю. Тунян, B. Amatuni ծածկանունները[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 Բախտիար Հովակիմյան, Հայոց ծածկանունների բառարան, Ե., ԵՊՀ հրատ., 2005, էջ 574։
- ↑ Գառնիկ Ստեփանյան, Կենսագրական բառարան, հ. Ա, Ե., «Հայաստան», 1973, էջ 189-190։