Ամալա Պոլ

Վիքիպեդիայից՝ ազատ հանրագիտարանից
Picto infobox masks.png
Ամալա Պոլ
անգլ.՝ Amala Paul
մալայալամ՝ അമല പോൾ
Amala Paul at 60th South Filmfare Awards 2013 (cropped).jpg
Ծնվել էհոկտեմբերի 26, 1991(1991-10-26)[1] (31 տարեկան)
ԾննդավայրԿոչի, Ernakulam district, Կերալա, Հնդկաստան
ՔաղաքացիությունFlag of India.svg Հնդկաստան
Մասնագիտությունդերասանուհի և մոդել
Ամուսին(ներ)A. L. Vijay?

Ամալա Պոլ (անգլ.՝ Amala Paul, մալայալամ՝ അമല പോൾ, հոկտեմբերի 26, 1991(1991-10-26)[1], Կոչի, Ernakulam district, Կերալա, Հնդկաստան), հնդիկ դերասանուհի, որը նկարահանվել է մալայալամ, տելեգու և թամիլերեն ֆիլմերում։ Առաջնաելույթ է ունեցել 2009 թվականին «Neelathamara» ֆիլմում։ Տարբեր շրջանային կինոմրցանակների դափնեկիր է լավագույն դերասանուհու դերի համար, այդ թվում՝ SIIMA Awards և Vijay Awards։

Կարիերա[խմբագրել | խմբագրել կոդը]

Տեսնելով նրա պորտֆելիոյի լուսանկարները՝ ռեժիսոր Լալ Ժոզեն Ամալային հրավիրել է մալայալամա «Neelathamara» ֆիլմի էպիզոդիկ դերում նկարահանվելու։ Ֆիլմը 1979 թվականի նույնանուն ֆիլմի ռեմեյքն էր[2]։ Ապա 2010 թվականին նա նկարահանվել է մի քանի երիտասարդական թամիլական ֆիլմերում։ Առաջին նախագիծը, որում նա սկսել է աշխատել, եղել է «Vikadakavi» կատակերգությունը, բայց նկարահանումները կանգ են առել այն բանից հետո, երբ նյութի 80 %-ը արդեն նկարահանված էր[3][4]։ Այդ պատճառով սկզբում էկրան է բարձրացել «Veerasekaran» ֆիլմը՝ ենթարկվելով խիստ քննադատության[5]։ Դրան հաջորդել է վիճահարույց «Sindhu Samaveli» ֆիլմը, որտեղ նա խաղացել է հարսնացուի դեր, որը գաղտնի հարաբերություններ ուներ իր սկեսրայրի հետ։ Ֆիլմը խառը արձագանքներ է ստացել և բողոքի ակցիաներ է առաջացրել Թամիլ Նադու նահանգում[6]։ Սակայն Ամալայի խաղը ստացել է դրական գնահատական[7][8]։ Դրան հաջորդած ռոմանտիկ «Մայնա» դրաման, որի ռեժիսորը Պրաբհու Սոլոմոնն էր, դարձել է նրա առաջին հաջողությունը։ Դերասանուհին արժանացել է քննադատների գովասանքին[9][10] և Filmfare Awards South-ի անվանակարգի լավագույն կանացի դերի համար[5][11]։

2011 թվականի սկզբին նա երկրորդ պլանի դերով հայտնվել է մալայալամերեն «Ithu Nammude Katha» ֆիլմում, իսկ գարնանը վերջապես սահմանափակ վարձույթի է դուրս եկել «Vikadakavi» ֆիլմը։ Նրա հաջորդ թողարկումը դարձել է ռեժիսոր Ա․Լ․ Վիջայի «Լուսնի զավակը» ֆիլմը՝ հիմնված ամերիկյան «Ես Սեմն եմ» ֆիլմի վրա[12]։ Ֆիլմի գլխավոր դերերը խաղացել են Վիխրամը և Անուշկա Շեթին։ Ամալան խաղացել է դպրոցական թղթակցի դեր՝ նվաճելով քննադատների ճանաչումը, որոնք գրել են, որ նրա «արտահայտիչ աչքերը օգնել են նրան հետք թողնել ոչ մեծ, բայց կարևոր դերում»[13] և որ նա «իրեն լավ է ներկայացրել»[14]։ «Լուսնի զավակը» դերասանուհուն բերել է Filmfare անվանակարգ՝ երկրորդ պլանի լավագույն կանացի դերի համար[15]։ Տարվա վերջում դերասանուհին առաջնաեույթ է ունեցել տելեգու կինոմատոգրաֆիայում Ռամ Գոպալ Վարմայի «Bejawada» ֆիլմում, որտեղ որպես հերոս խաղացել է Նագա Չայտանյան։ Ֆիլմը ստացել է բացասական արձագանքներ և ձախողվել է վարձույթում։

2012 թվականը սկսվել է Նարաին Լինգուսամիի «Հանուն եղբոր» մարտաֆիլմով՝ գլխավոր դերերում Արիա և Մախդավան։ Ֆիլմը ստացել է քննադատների բարձր գնահատականը և հաջողակ է եղել վարձույթում։ Ամալիի խաղի մասին արձագանքները եղել են տարբեր, այն դեպքում, երբ The Times of India–ից Վենկատեսվրանը նշել է, որ նա լավ աշխատանք է արել[16], Rediff.com–ից Պավիտրա Սրինիվասանը գրել է, որ նա «քայլում է ամբարտավան տեսքով, ուռեցնում է շրթունքները և ամբողջությամբ գերխաղում է»[17]։ Մեկ ամիս անց՝ Սուրբ Վալենտինի օրվանից հետո, վարձույթ է դուրս եկել միանգամից նրա մի քանի ֆիլմ։ Դրանցից մեկը Աթարվայի հետ նկարահանված ռոմանտիկ «Muppozhudhum Un Karpanaigal» թրիլլերն էր, որտեղ Ամալան խաղացել է իր երևակայական ընկերուհուն և նրա իրական նախատիպը։ The Times of India–ի գրախոսականում ասված է, որ նա «վերջապես ստացել է որոշ բովանդակությամբ դեր՝ մի քանի թեթև և շուտ մոռացվող ֆիլմերից հետո»[18], իսկ Նյու Դելիի Հեռուստատեսությունից քննադատը ավելացրել է, որ նա իր կերպարին հարգանքի տուրք է մատուցում և լավ է ցույց տալիս զգացմունքները[19]։ Այդ օրվա մեկ այլ գրախոսական է դարձել Սիդհարթի հետ երկլեզու դրամատիկական կատակերգությունը, որը թողարկվել է տելեգու «Love Failure» և թամիլերենում «Kadhalil Sodhappuvadhu Yeppadi» վերնագրերով։ Գրախոսականներում նշված է, որ Ամալան և Սիդհարտը իդեալական զույգ են կազմել[20][21]։ Ֆիլմի թամիլերեն տարբերակը դերասանուհուն անվանակարգ է բերել Filmfare–ում[22] և SIIMA Awards–ում[23]։ Ապա՝ հունիսին, Շանհայի կինոփառատոնում կայացել է նրա առաջին արտ հաուս «Akasathinte Niram» ֆիլմի առաջնաելույթը, որտեղ Ամալան խաղացել է խուլ և համր աղջկա[24]։ Պատկերը մտել է Օսկար մրցանակաբաշխության լավագույն արտասահմանյան ֆիլմ անվանակարգի թեկնածուների ցանկ Հնդկաստանի կողմից[25]։ 2012 թվականին Ամալիի վերջին աշխատանքը դարձել է «Փախի՛ր, փոքրիկ, փախի՛ր» ֆիլմը Մոհանլալի հետ, որը դարձել է տարվա մալայալամ ամենադրամարկղային ֆիլմը[26]։ Դերասանուհու մասին արձագանքները ընդհանուր առմամբ դրական էին, Rediff.com–ից Փարեշ Փալիչան նշել է, որ չնայած «Ամալա Պոլը Մոհանլալի հետ ձեռք առնելու մեջ լավ է, սակայն նա գրեթե ոչինչ չունի ինքնուրույն անելու»[27]։ Ֆիլմը բերել է նրան SIIMA մրցանակ՝ լավագույն կանացի դերի համար[28]։

2013 թվականի տելեգու լեզվով առաջին ֆիլմերն են դարձել «Կալկաթայի հերոսը» և «Երկու աղջիկների հետ», որտեղ նա համագործակցել է առաջատար ռեժիսորներ Վինա Վինայակի և Պուրի Ջագանաթհի նաև դերասաններ Ռամ Չարան Տեջայի և Ալլու Արջունի հետ։ «Կալկաթայի հերոսը» դարձել է Թոլիվուդում տարվա ամենահաջողված ֆիլմերից մեկը, սակայն Ամալայի դերը փոքր էր։ «Երկու աղջիկների հետ»–ը ևս իրեն լավ է դրսևորել հնդկական և արտասահմանյան դրամարկղերում՝ չնայած քննադատների խառը արձագանքներին։ Հետո դերասանուհին կրկին նկարահանվել է Վիջայի հետ, որի հետ այդ պահին արդեն նշանադրված էր։ «Ուսուցիչը» ֆիլմում նա խաղացել է կին–ոստիկանի, որը պարտքի զգացողության և հանցագործի հանդեպ համակրանքի միջև կտոր–կտոր է լինում․ ֆիլմում հանցագործի դերը խաղացել է թամիլական կինոյի աստղ Վիջայը։ «Ուսուցիչը» ստացել է հակասական արձագանքներ, սակայն Ամալան արժանացել է գովասանքի[29][30]։ Իսկ դեկտեմբերին նա էկրաններին հայտնվել է Սատյանա Անտիկատայի մալայամալեզու «Oru Indian Pranayakadha» կատակերգությամբ։ Այս դերը ևս դրական է գնահատվել[31][32] և նրան բերել է մի շարք կինոմրցանակներ՝ ներառյալ SIIMA Awards–ը[33]։

Ամալան նաև մասնակցել է ռեժիսոր Սամուտիրականի երկլեզու նախագծին, որի թամիլերեն տարբերակն ուներ «Nimirndhu Nil» անվանումը, (գլխավոր դերում Ջայամ Ռավին) թողարկվել է 2014 թվականի մարտին։ Տելեգուում «Janda Pai Kapiraju» անվանումն ունեցող ֆիլմը պետք է թողարկվեր մի քիչ ավելի ուշ, սակայն ֆինանսական խնդիրների պատճառով հետաձգվել է գրեթե մեկ տարով[34]։ «Nimirndhu Nil»-ը վարձույթում ունեցել է միջին հավաքներ, «Velaiilla Pattadhari» Ջանուշի հետ հավաքել է 50 կրոր (500 մլն ռուփի)՝ 5 միլիոն բյուջեի դեպքում[35]։ 2014 թվականի ևս երկու ֆիլմերում՝ թամիլերեն «Kathai Thiraikathai Vasanam Iyakkam» և մալայալամ «Iyobinte Pusthakam», նա նկարահանվել է որպես կամեո[36][37]։

2015 թվականի սկզբին նա հայտնվել է մալայամալեզու «Mili» ֆիլմում՝ ցածր ինքնագնահատական ունեցող աղջկա մասին, որը որոշում է իր կյանքը դեպի լավը փոխել։ The Times of India-ից Դիպա Սոմանը գրում է, որ դերասանուհին իր հերոսուհուն անհրաժեշտ քանակությամբ խոցելիություն, չարաճճիություն, զսպվածություն և անօգնականություն է հաղորդել և ընդգրկել է բնավորության բոլոր նրբությունները[38]։ Ապա վերջապես էկրան է բարձրացել «Janda Pai Kapiraju» ֆիլմը, որը ստացել է դրական արձագանքներ, որոնք նշում էին, որ նա հաջողությամբ հաղթահարել է դերը[39][40]։ Դեկտեմբերին նա ոչ մեծ դերով նկարահանվել է «Pasanga 2» ֆիլմում՝ արժանանալով դրական գնահատականի և դրական արձագանքների[41][42]։ Նա նաև որպես երկրորդ պլանի դերասանուհի Վիշնու Մանչուի հետ հրավիրվել է նոր ֆիլմում խաղալու[43]։

Ծանոթագրություններ[խմբագրել | խմբագրել կոդը]

  1. ↑ 1,0 1,1 https://globalzonetoday.com/amala-paul/
  2. ↑ «Actress Amala Paul turns 21 today» (անգլերեն)։ CNN-IBN։ 2012-10-26 
  3. ↑ Venkatesh & Hemananth։ «The love between me and Arya is not openly disclosed» (անգլերեն)։ Behindwoods.com 
  4. ↑ Malathi Rangarajan (2011-05-23)։ «Funny, to an extent»։ The Hindu (անգլերեն)։ Արխիվացված է օրիգինալից 2014-03-16-ին 
  5. ↑ 5,0 5,1 Vivek Bhatia (2012-08-08)։ «Amla Paul: “I’m crazy when in love"»։ Filmfare (անգլերեն) 
  6. ↑ Unni R. Nair (2010-10-01)։ «Sindhu Samaveli faces public ire»։ The Indian Express (անգլերեն) 
  7. ↑ Pavithra Srinivasan (2010-09-06)։ «Sindhu Samaveli goes for the jugular» (անգլերեն)։ Rediff.com 
  8. ↑ Malini Mannath (2010-09-07)։ «Sindhu Samaveli»։ The New Indian Express (անգլերեն) 
  9. ↑ Pavithra Srinivasan (2010-11-04)։ «Mynaa: A breath of fresh air» (անգլերեն)։ Rediff.com 
  10. ↑ Malathi Rangarajan (2010-11-06)։ «Mynaa - Treatment holds the key»։ The Hindu (անգլերեն) 
  11. ↑ «Nominees of Idea Filmfare Awards South» (անգլերեն)։ IndiaGlitz։ 2011-06-01։ Արխիվացված է օրիգինալից 2015-08-06-ին 
  12. ↑ Shankaran Malini (2011-07-12)։ «Director AL Vijay about 'Deiva Thirumagal'»։ The New Indian Express (անգլերեն) 
  13. ↑ IANS (2011-07-15)։ «Tamil Review: 'Deivathirumagal' wins for emotions» (անգլերեն)։ CNN-IBN (չաշխատող հղում)
  14. ↑ Malathi Rangarajan (2011-07-15)։ «Deiva Thirumagal: a sensitive poem on celluloid»։ The Hindu (անգլերեն) 
  15. ↑ «59th Filmfare Awards South 2012 - Nominees Full List, Tickets» (անգլերեն)։ KollyInsider։ 2012-06-27։ Արխիվացված է օրիգինալից 2012-11-13-ին 
  16. ↑ Venkateswaran Narayanan (2012-01-15)։ «Vettai Movie Review»։ The Times of India (անգլերեն) 
  17. ↑ Pavithra Srinivasan (2012-01-14)։ «Vettai is no classic, but it is good fun» (անգլերեն)։ Rediff.com 
  18. ↑ N. Venkateswaran (2012-02-19)։ «Muppozhudhum Un Karpanaigal Movie Review»։ The Times of India (անգլերեն) 
  19. ↑ «Review: Muppozhudhum Un Karpanaigal» (անգլերեն)։ NDTV։ 2012-02-21 
  20. ↑ Karthik Pasuplate (2012-02-18)։ «Love Failure Movie Review»։ The Times of India (անգլերեն) 
  21. ↑ Pavithra Srinivasan (2012-02-20)։ «Review: Love Failure is refreshing» (անգլերեն)։ Rediff.com 
  22. ↑ «60th Idea Filmfare Awards 2013 (South) Nominations»։ Filmfare (անգլերեն)։ 2013-07-04։ Արխիվացված է օրիգինալից 2015-06-26-ին 
  23. ↑ «2nd SIIMA Awards (nominees)» (անգլերեն)։ SIIMA Awards։ Արխիվացված է օրիգինալից 2013-08-26-ին 
  24. ↑ Kavya Christopher (2012-05-25)։ «Shanghai honour for Aakashathinte Niram»։ The Times of India (անգլերեն) 
  25. ↑ Lakshmi Chaudhry (2012-09-24)։ «Three reasons why Barfi! is a bad Oscar choice» (անգլերեն)։ Firstpost։ Վերցված է 2015-10-11 
  26. ↑ «Meet the top five show stealers of 2012»։ The Times of India (անգլերեն)։ 2012-12-14 
  27. ↑ Paresh C Palicha (2012-08-30)։ «Review: Run Baby Run depends on Mohanlal» (անգլերեն)։ Rediff.com 
  28. ↑ «SIIMA 2012 Winners List» (անգլերեն)։ South Indian International Movie Awards։ Արխիվացված է օրիգինալից 2015-09-30-ին։ Վերցված է 2015-08-14 
  29. ↑ S Saraswathi (2013-08-21)։ «Review: Thalaivaa is Vijay's show all the way» (անգլերեն)։ Rediff.com 
  30. ↑ Chakpak (2013-08-26)։ «Review: Vijay's ‘Thalaivaa’»։ Deccan Chronicle (անգլերեն)։ Արխիվացված է օրիգինալից 2014-02-20-ին 
  31. ↑ Aswin J Kumar (2013-12-22)։ «Oru Indian Pranayakatha Movie Review»։ The Times of India (անգլերեն) 
  32. ↑ Paresh C Palicha (2013-12-23)։ «Review: Oru Indian Pranayakatha is disappointing» (անգլերեն)։ Rediff.com 
  33. ↑ Nicy V.P (2014-09-15)։ «SIIMA 2014 Malayalam: 'Drishyam' Gets Best Film Award; Dileep Bags Best Actor Award [Winners' List]»։ International Business Times (անգլերեն)։ Արխիվացված է օրիգինալից 2014-09-18-ին 
  34. ↑ Shekhar H Hooli (2015-03-17)։ «It's Nani Vs Nani: 'Yevade Subramanyam' and 'Janda Pai Kapiraju' Set to Release on Ugadi»։ International Business Times (անգլերեն)։ Վերցված է 2015-08-06 
  35. ↑ «Dhanush's 'Velai Illa Pattathari' makes 50 crores!»։ The Times of India (անգլերեն)։ 2014-08-15 
  36. ↑ V Lakshmi (2014-03-28)։ «Amala Paul turns it on in a veshti»։ The Times of India (անգլերեն) 
  37. ↑ Shruti Karthikeyan (2014-11-10)։ «Amala Paul surprise fans with her dance!»։ The Times of India (անգլերեն) 
  38. ↑ Deepa Soman (2015-01-25)։ «Mili Movie Review»։ The Times of India (անգլերեն)։ Վերցված է 2015-10-11 
  39. ↑ Ch Sushil Rao (2015-03-21)։ «Jenda Pai Kapiraju Movie Review»։ The Times of India (անգլերեն)։ Վերցված է 2015-10-11 
  40. ↑ Ranjani Rajendra (2015-03-23)։ «Jenda Pai Kapiraju: Can be a drag»։ The Hindu (անգլերեն)։ Վերցված է 2015-10-11 
  41. ↑ S Saraswathi (2015-12-24)։ «Review: Pasanga 2 is a must-watch» (անգլերեն)։ Rediff.com։ Վերցված է 2015-12-25 
  42. ↑ «Pasanga-2 (aka) Haiku review» (անգլերեն)։ Behind Woods։ 2015-12-24։ Վերցված է 2015-12-25 
  43. ↑ «Amala Paul approached for Vishnu Manchu's next film»։ The Indian Express (անգլերեն)։ 2015-09-16։ Վերցված է 2015-10-11 
Ֆոտո, վիդեո և աուդիո
Թեմատիկ կայքեր
Չափորոշչային վերահսկողություն
Ստացված է «https://hy.wikipedia.org/w/index.php?title=Ամալա_Պոլ&oldid=7947152» էջից