Ամադու Սուլլի
| Ամադու Սուլլի | |
|---|---|
| Մահացել է | մարտի 1, 2025 |
| Կրթություն | Accra Academy? |
Ամադու Սուլլի (- մարտի 1, 2025), եղել է Գանայի պետական ծառայող, ժամանակին զբաղեցրել է Գանայի ընտրական հանձնաժողովի փոխնախագահի պաշտոնը[1]։
Վաղ կյանք և կրթություն
[խմբագրել | խմբագրել կոդը]Ամադու Սուլլին իր տարրական կրթությունը ստացել է Գանայի ազգային դպրոցում (ներկայում՝ Ռիչարդ Աքվեիի հիշատակի դպրոց)՝ Ակրայում։ Նա սովորել է նաև Ակրայի Ակադեմիայում և Օպոկու Վարե դպրոցում ՝ համապատասխանաբար միջնակարգ կրթության Ordinary Level և Advanced Level վկայականների համար։
Հետագայում նա շարունակել է ուսումը Գանայի համալսարանում և ստացել վիճակագրության դիպլոմ՝ 1985 թվականին։ Նա նաև ստացել է հետբուհական վկայական և դիպլոմ հանրային կառավարման ոլորտում՝ Գանայի կառավարման և հանրային վարչարարության ինստիտուտում՝ համապատասխանաբար 1993 և 1995 թվականներին։ Նրա նախագծային աշխատանքը վերաբերում էր Գանայի ընտրական համակարգին[2]։
Կյանք և կարիերա
[խմբագրել | խմբագրել կոդը]Սուլլին 2012 թվականին նշանակվել է Գանայի ընտրական հանձնաժողովի փոխնախագահ՝ այն ժամանակվա նախագահ Ջոն Էվանս Աթա-Միլսի կողմից[3]։ Մինչ այդ նա նույն հանձնաժողովում զբաղեցրել է հետազոտությունների, մոնիթորինգի և գնահատման տնօրենի պաշտոնը՝ նախքան փոխնախագահի աստիճանի բարձրացումը։
Սուլլիի նշանակումը փոխնախագահի պաշտոնում առաջին դեպքն էր, երբ երկարամյա ընտրական համակարգի մասնագետը նշանակվում էր այդպիսի բարձր պաշտոնի[4]։ Նա ծառայել է որպես Գանայի ընտրական հանձնաժողովի գործողությունների համար պատասխանատու փոխնախագահ մինչև 2018 թվականի հունիսին իր պաշտոնանկությունը՝ 2016 թվականի Գանայի համընդհանուր ընտրությունների ընթացքում ենթադրյալ անօրինական ձայների փոխանցման պատճառով[5][6]։ Սուլլին մահացել է 2025 թվականի մարտի 1-ին[7]։
Ծանոթագրություններ
[խմբագրել | խմբագրել կոդը]- ↑ «Amadu Sulley lobbying for EC Chairman». GhanaWeb (անգլերեն). Վերցված է 2018 թ․ հուլիսի 1-ին.
- ↑ Elections 2016. Friedrich Ebert Stiftung. 2017. էջ 10. ISBN 9789988572198.
- ↑ «NDC's Amadu Sulley now EC boss». Modern Ghana (բրիտանական անգլերեն). 2012 թ․ մայիսի 4. Վերցված է 2018 թ․ օգոստոսի 13-ին.
- ↑ «Amadu Sulley sworn in as Deputy Electoral Commissioner». GhanaWeb. (անգլերեն). Վերցված է 2018 թ․ հուլիսի 1-ին.
- ↑ «Amadu Sulley ordered to refund EC's 'missing' GHC320, 822». GhanaWeb (անգլերեն). Վերցված է 2018 թ․ հուլիսի 1-ին.
- ↑ «'Chop Chop', Illegal Vote Transfers; Why Amadu Sulley Was Sacked». Modern Ghana (անգլերեն). 2018 թ․ հունիսի 30. Վերցված է 2018 թ․ օգոստոսի 13-ին.
- ↑ «Former Electoral Commission Deputy Chairman Amadu Sulley is dead». GhanaWeb. 2025 թ․ մարտի 2. Վերցված է 2025 թ․ մարտի 10-ին.