Աղքատության վերացման համար պայքարի միջազգային օր

Աղքատության վերացման համար պայքարի միջազգային օր (ՄԱԿ-ի լեզուներով. անգլ.՝ International Day for the Eradication of Povertyարաբ․՝ , اليوم الدولي للقضاء على الفقر‎‎, իսպ.՝ Día International para la erradicación de la Pobreza, չինարեն՝ 消除贫穷国际日, ֆր.՝ la Journée internationale pour l'élimination de la pauvreté), նշվում է 1993 թվականից սկսած ամեն տարի հոկտեմբերի 17-ին^[1]։ Այն հռչակվել է ՄԱԿ-ի Գլխավոր ասամբլեայի կողմից (թիվ թիվ A/RES/47/196 բանաձևը) 1992 թվականին։

Իր բանաձևում Գլխավոր ասամբլեան, ողջունելով այն փաստը, որ այս օրը միջկառավարական կազմակերպություններից մեկի նախաձեռնությամբ նշվել է որպես «Ծայրահեղ աղքատությունը հաղթահարելու պայքարի օր», կոչ է արել բոլոր պետություններին այս օրը իրականացնել միջոցառումների քարոզարշավ աղքատության և չքավորության դեմ պայքարի համար։

Միջազգային օրվա պատմություն

1987 թվականի հոկտեմբերի 17-ին տարբեր երկրներից տարբեր դասերի շուրջ 100 հազար մարդ հավաքվել էին Փարիզում, Մարդու իրավունքների հրապարակում՝ Տրոկադերոյում (ֆր.՝ place du Trocadéro): Նրանք արտահայտեցին իրենց մերժումը աղքատությանը։ Պահանջելով հարգել մարդու իրավունքները, իրավապաշտպանները աջակցեցին ATD չորրորդ աշխարհի հիմնադիր, հայր Ջոզեֆ Վրեսինսկու (ֆր. Joseph Wresinski, լեհ. Józef Wrzesiński) կարգախոսին. Այնտեղ, որտեղ մարդը ստիպված է ապրել աղքատության մեջ, խախտվում են մարդու իրավունքները։ Այս իրավունքների պաշտպանության համար պայքարում միավորվելը բոլորի սրբազան պարտքն է։

Այդ օրը Տրոկադերոյի հրապարակում հուշաքար է դրվել։

Այնուհետև, աղքատ բնակչությանը օժանդակելու համաշխարհային միջազգային շարժման՝ ATD Չորրորդ աշխարհի նախաձեռնությամբ, ծայրահեղ աղքատության հաղթահարման դեմ պայքարի օրը նշվում էր ամեն տարի հասարակական կազմակերպությունների կողմից՝ ընդհուպ մինչև ՄԱԿ-ի Գլխավոր ասամբլեայի կողմից բանաձևի ընդունումը։

Վիճակագրական տվյալներ

2005 թվականին աղքատությունից ամեն օր մահանում էր 30,000 երեխա։
2005 թվականին 2,5 միլիարդ մարդ ապրում էր օրական 2 դոլարից ցածր մակարդակի վրա։
2005 թվականին 2,6 միլիարդ մարդ հնարավորություն չի ունեցել օգտվել կոյուղուց։

Միջազգային օրվա թեմաներ

2005 — «Հազարամյակի հռչակագրում սահմանված զարգացման նպատակների իրականացում.բնակչության աղքատ շերտերի հնարավորությունների ընդլայնում»
2006 — «Միասին ջանքերով վերջ տանք աղքատությանը»
2007 — «Աղքատության մեջ գտնվող մարդիկ, որպես փոփոխության շարժիչ ուժ. աղքատության վերացման համար պայքարի միջազգային օրվա 20-րդ տարեդարձը»
2008 — «Մարդու իրավունքները և աղքատության մեջ ապրող մարդկանց արժանապատվությունը»
2009 — «Երեխաներն ու ընտանիքները հանդես են գալիս աղքատության դեմ»
2010 — «Աղքատությունից մինչև արժանապատիվ աշխատանք. Բացը վերացնելը»։
2017 — «Պատասխանելով հոկտեմբերի 17-ին աղքատության հաղթահարմանն ուղղված գործողությունների կոչին. դեպի խաղաղ և ներառական համայնքներ»[1]

Ծանոթագրություններ

↑ «International Day for the Eradication of Poverty, 17 October». www.un.org (անգլերեն). Վերցված է 2016 թ․ հոկտեմբերի 22-ին.

Արտաքին հղումներ

[1] «International Day for the Eradication of Poverty, 17 October». www.un.org (անգլերեն). Վերցված է 2016 թ․ հոկտեմբերի 22-ին.

[1]