Վիքիպեդիայից՝ ազատ հանրագիտարանից
Աղու[1] (այժմ կոչվում է՝ Մահմուդոբա ադրբ.՝ Mahmudoba), գյուղ ներկայիս Ադրբեջանի կազմում գտնվող Նախիջևանի Ինքնավար Հանրապետության Շահբուզի շրջանում։ Գյուղը տեղակայված է Նորս վտակի ափին, Նորս գյուղից 4 կմ ներքև[2]։
Ըստ Ստեփանոս Օրբելյանի հարկացուցակի՝ 13-րդ դարում Աղուն Տաթևի վանքին վճարել է 12 միավոր հարկ[2]։
Գյուղ մտնող ճանապարհին է գտնվում «Չեչի քար» սրբավայրը։ Նորս վտակի ձախ ափին է գտնվում հին գյուղի գերեզմանատունը, որն ունի տասնյակ տապանաքարեր[2]։
Գյուղի գերեզմանատան շրջակայքից 1970-ական թվականներին հայտնաբերվել են մ․թ․ա․ 1-ին հազարամյակի վերջերի հնագիտական իրեր[2]։
- ↑ Նախիջևանի ԻՍՍՀ բնակավայրերը
- ↑ 2,0 2,1 2,2 2,3 Ա․ Ա․ Այվազյան, ՆԱԽԻՋԵՎԱՆ․ պատկերազարդ բնաշխարհիկ հանրագիտակ, Երևան, «Հուշարձան», 1995, էջ 168 — 368 էջ. — 2700 հատ, ISBN 5-8079-0911-9։