Աղասի Մարտիրոսյան

Աղասի Մարտիրոսյան;
Ծնվել է	1877
Ծննդավայր	Ըրկենանց, Զանգեզուրի գավառ, Ելիզավետպոլի նահանգ, Կովկասի փոխարքայություն, Ռուսական կայսրություն
Մահացել է	նոյեմբերի 23, 1960
Մահվան վայր	Կապան, Հայկական ԽՍՀ, ԽՍՀՄ
Քաղաքացիություն	Ռուսական կայսրություն և ԽՍՀՄ
Մասնագիտություն	հեղափոխական
Կուսակցություն	ԽՄԿԿ
Պարգևներ և ; մրցանակներ

Վիքիպեդիայում կան հոդվածներ Մարտիրոսյան ազգանունով այլ մարդկանց մասին։

Աղասի Մկրտչի Մարտիրոսյան (1877^[1], Ըրկենանց, Զանգեզուրի գավառ, Ելիզավետպոլի նահանգ, Կովկասի փոխարքայություն, Ռուսական կայսրություն^[1] - նոյեմբերի 23, 1960(1960-11-23)^[1], Կապան, Հայկական ԽՍՀ, ԽՍՀՄ^[1]), Հյուսիսային Կովկասում և Հայաստանում սովետական իշխանության հաստատման համար պայքարի մասնակից։ ԽՄԿԿ անդամ (1904)։

Հեղափոխական գործունեության մեջ ընդգրկվել է 1900-ական թվականների սկզբներից։ Պրոպագանդիստական աշխատանք է տարել Բաքվի բանվորների շրջանում։ Ընտրվել է ՌՍԴԲԿ Բաքվի կոմիտեի անդամ։ Մի քանի անգամ (1903, 1905, 1908, 1910) ձերբակալվել և արտաքսվել է։ 1907 թվականին ՌՍԴԲԿ Բաքվի կոմիտեի երկու այլ անդամների հետ կազմակերպել է Ղափանի հանքափորների գործադուլը։ Գործուն մասնակցություն է ունեցել 1918 թվականին Հյուսիսային Կովկասում մղված քաղաքացիական կռիվներին։ Բաքվի կոմունայի շրջանում ընտրվել է Բաքվի սովետի անդամ։ 1919 թվականին, որպես Աստրախանի արտակարգ հանձնաժողովի աշխատակից, պայքարել է հակաբոլշևիկյան ընդդիմության դեմ։ 1919-1920 թվականներին կուսակցական աշխատանք է տարել Չեռնոյարում, Սարատովում և Պյատիգորսկում։ 1921 թվականին Ալեքսանդր Մյասնիկյանի առաջարկով տեղափոխվել է Հայաստան։ Եղել է Ղափանի տեղամասային հեղկոմի (1921-1922), Դսեղի տեղամասային գործկոմի (1922), Ղափանի տեղամասային գործկոմի (1923) նախագահ և այլն։ Պարգևատրվել է Լենինի շքանշանով։

Ծանոթագրություններ[խմբագրել | խմբագրել կոդը]

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 Հայկական սովետական հանրագիտարան (հայ.) — Երևան: 1981. — հատոր 7. — էջ 347.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 347)։

[_79927efcc36e5e29-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 Հայկական սովետական հանրագիտարան (հայ.) — Երևան: 1981. — հատոր 7. — էջ 347.

[1]