Ակադեմիա Ամբրելլա (հեռուստասերիալ)
Ակադեմիա Ամբրելլա | |
|---|---|
.jpeg) | |
| Ժանր | էքշն սերիալ, հեռուստադրամա, superhero television program?, television adaptation? և alternate history television series? |
| Ստեղծող | Steve Blackman? |
| Երկիր |  ԱՄՆ[1] |
| Հիմք | Ամբրելլա ակադեմիա (կոմիքս) |
| Լեզու | անգլերեն |
| Գլխավոր դերերում | Էլիոթ Փեյջ, Թոմ Հոփեր, Դեյվիդ Կաստանեդա, Emmy Raver-Lampman?, Ռոբերտ Շիեն, Էյդան Գալահեր, Justin H. Min?, Մերի Ջեյ Բլայջ, Քեմերոն Բրիթոն, Ջոն Մագարո, Ադամ Գոդլի, Քոլմ Ֆիորի, Շեյլա ՄակՔարթի, Jordan Claire Robbins?, Քեյթ Ուոլշ, Էշլի Մադեկվե, Փիթեր Ութերբրիջ, Rainbow Sun Francks?, Sean Sullivan?, Յուսուֆ Գեյթվուդ, Մարին Արլենդ և Ռիտու Արիա |
| Պրոդյուսեր | Սնեհա Կուրս[2] և Ted R. Miller? |
| Գործադիր պրոդյուսեր | Ջերարդ Ուեյ, Gabriel Bá? և Mike Richardson? |
| Երաժշտություն | Ջեֆ Ռուսո |
| Պատմվածքի վայր | Դալաս |
| Նկարահանման վայր | Տորոնտո |
| Եթերաշրջանների քանակ | 3 |
| Սերիաների քանակ | 30 |
| Էկրաններին է | փետրվարի 15, 2019[1]-ից |
| Հեռուստաալիք | Նեթֆլիքս |
| Դիստրիբյուտոր | Նեթֆլիքս |
| Պաշտոնական կայքէջ | |
«Ակադեմիա Ամբրելլա» (անգլ.՝ The Umbrella Academy), 2019 թվականի ամերիկյան հեռուստասերիալ, մշակված Սթիվ Բլեքմենի կողմից՝ Նեթֆլիքսի համար։ Այն համարվում է Ջերարդ Ուեյի՝ «Ամբրելլա Ակադեմիա» կոմիքսների շարքի ադապտացիան, որը թողարկվում է «Dark Horse Comics» հրատարակչության կողմից։ Պրեմիերան տեղի է ունեցել Նեթֆլիքսում՝ 2019 թվականի փետրվարի 15-ին։
2019 թվականի մարտի վերջին հայտնի դարձավ, որ հեռուստասերիալը երկարացվել է երկրորդ եթերաշրջանով, որի նկարահանումները տեղի են ունեցել 2019 թվականի մայիսից մինչև սեպտեմբեր։ Պրեմիերան տեղի է ունեցել 2020 թվականի հուլիսի 31-ին։
Սյուժե[խմբագրել | խմբագրել կոդը]
1989 թվականի հոկտեմբերի 1-ին, աշխարհի տարբեր երկրներում լույս աշխարհ են գալիս 43 գերբնական կարողություններով երեխաներ, չնայած, մինչ ծննդաբերությունը, մայրերից ոչ մեկի մոտ հղիության նախանշաններ չեն եղել։ Նրանցից յոթին որդեգրում է էքսցենտրիկ միլիարդատեր սըր Ռեդժինալդ Հարգրիվզը և ստեղծում է «Ամբրելլա» ակադեմիան, որտեղ եզակի երեխաները զարգացնում են իրենց անսովոր տաղանդները և վերածվում սուպերհերոսների խմբի։ Հարգրիվզը երեխաներին թվերով է անվանում, սակայն նրանց հոգեմայր-ռոբոտ Գրեյսը նրանց անուններ է տալիս։
Ռեդժինալդը կարծում է, որ երեխաների ընդունակությունները թույլ կտան ապագայում փրկել մոլորակի կյանքը։ Մի քանի տարի անց, Ակադեմիան դադարում է գործառույթը, իսկ նրա անդամները թափառում են ամբողջ աշխարհով և գերադասում են այլևս չշփվել միմյանց հետ։ Լյութերը տիեզերագնաց է դառնում, Էլլիսոնը՝ հայտնի դերասանուհի, Վանյան՝ ջութակահարուհի, Քլաուսը՝ զվարճասեր թմրամոլ, Բենը, մահվանից հետո, վերածվում է ուրվականի՝ կարողանալով շփվել միայն Քլաուսի հետ, իսկ Դիեգոն պայքարում է հանցագործության դեմ։ Երբ Հարգրիվզը մահանում է, Ակադեմիայի շրջանավարտները գալիս են իրենց խորթ հոր հուղարկավորությանը։ Համար Հինգը վերադառնում է ապագայից և հաղորդում է, որ ութ օր անց ապոկալիպսիս է տեղի ունենալու։ Ակադեմիայի շրջանավարտները որոշում են միավորել իրենց ջանքերը, որպեսզի հետաքննեն իրենց հոր մահը և պաշտպանեն մարդկությունը, սակայն մշտապես ընդհարվում են՝ բնավորությունների և ընդունակությունների տարբերության պատճառով[3]։
Դերերում[խմբագրել | խմբագրել կոդը]
Գլխավոր դերասաններ[խմբագրել | խմբագրել կոդը]
- Թոմ Հուպեր՝ Լյութեր Հարգրիվզ / Համար Մեկ / Կոսմոբոյ։ «Ամբրելլա» ակադեմիայի շրջանավարտների առաջնորդը։ Ունի անհավանական ուժ և տոկունություն։ Մարսում, առաքելություն կատարելու ընթացքում, ստանում է լուրջ վնասվածքներ, և որդուն փրկելու համար Ռեդժինալդը նրան շիճուկ է ներարկում, որի արդյունքում Լյութերի մկանային համակարգը, մեջքը և ձեռքերը նմանվում են գորիլայի[4]։ Ակադեմիան ավարտելուց հետո, հոր հանձնարարությամբ, չորս տարի ապրում է Լուսնի վրա։
- Դեյվիդ Կաստանեդա՝ Դիեգո Հարգրիվզ / Համար Երկու / Սարսափ։ Անընդհատ անհանգստացնում և Լյութերի հետ պայքարում է ակադեմիան առաջնորդելու համար։ Կարողանում է դանակով դիպուկ հարվածել[5]։ Հեռացվել է ոստիկանական ակադեմիայից, որից հետո սկսել է հանցագործության դեմ պայքարել։
- Էմմի Ռեյվեր-Լամփման՝ Էլլիսոն Հարգրիվզ / Համար Երեք / Բամբասանք։ Հայտնի դերասանուհի է, կարողանում է ստի միջոցով փոխել իրականությունը։ Մնում է միայն ցանկացած հայտարարությունից առաջ ասել ՝ «Ինձ լուրեր են հասել, որ...» արտահայտությունը, որպեսզի ամբողջ ասվածը կատարվի[4][6]։
- Ռոբերտ Շիեն՝ Քլաուս Հարգրիվզ / Համար Չորս / Սեանս։ Տարօրինակ թմրամոլ, կարողանում է շփվել ուրվականների հետ[4]։
- Էյդան Գալահեր՝ Համար Հինգ / Տղա։ Ժամանակի և տարածության մեջ տեղաշարժվելու ունակություն ունեցող պատանի։ Ժամանակի միջով ճամփորդելուց հետո, նա տեղափոխվում է հետապոկալիպսական աշխարհ, որտեղ մնում է 45 տարի։ Մի օր նրան գտնում է մի կին, ով նեկայանում է որպես հսկիչ և Համար Հինգին հավաքագրում է Հանձնաժողովում ՝ կազմակերպություն, որը պաշտպանում է ժամանակի գիծը։ Ի վերջո նա դավաճանելով իր գործատուին ՝ վերադառնում է ներկա, որից հետո Հանձնաժողովը սկսում է հետապնդել նրան[4]։
- Ջասթին Հ. Մին՝ Բեն Հարգրիվզ / Համար Վեց / Կրակեն։ Տղա, ով կարողանում է զուգահեռ իրականությունից կանչել և կառավարել հսկա շոշափուկի։ Բենը մահացել է, սակայն պարբերաբար Քլաուսի մոտ է հայտնվում և երբեմն օգնում է նրան։
- Էլեն Փեյջ՝ Վանյա Հարգրիվզ / Համար Յոթ / Սպիտակ ջութակ։ Համոզված է, որ չունի գերբնական կարողություններ, բացի ջութակ նվագելու տաղանդից։ Իրականում, նա ամենահզոր և վտանգավորն է իր եղբայրներից և քրոջից, և կարողանում է ձայնային ալիքները վերածել ավերիչ ուժի, սակայն հայրը նրան ստիպել է մոռանալ իր սուպերուժի մասին։
- Կոլմ Ֆիոր՝ սըր Ռեդժինալդ Հարգրիվզ / Մոնոկլ։ «Ամբրելլա» ակադեմիայի հիմնադիր։ Տարօրինակ, մենակյաց միլիարդատեր[7]։
- Ադամ Գոդլի՝ Փոգո, շիմպանզե։ Ռեդժինալդ Հարգրիվզի անձնական օգնականը[7]։
Երկրորդ պլանի դերասաններ[խմբագրել | խմբագրել կոդը]
- Շեյլա Մաքքարթի՝ Ագնես։ «Պոնչիկներ Գրիդիի մոտ» սրճարանի սեփականատերը և մատուցողուհին։
- Ջորդան Քլեր Ռոբբինս՝ Գրեյս Հարգրիվզ / Մայրիկ։ «Ամբրելլա» ակադեմիայի սաների հոգեմայրը։ Ռոբոտ ՝ ստեղծված Ռեդժինալդի կողմից[8]։
- Ջոն Մագարո՝ Լեոնարդ Փիբոդի / Հարոլդ Ջենքինս։ Վանյայի սիրելին։ Մանուկ հասակում երկրպագում էր «Ամբրելլա» ակադեմիային և ցանկություն էր հայտնում միանալ նրանց, քանի-որ ակադեմիայի անդամների հետ նույն օրում էր ծնվել` սովորական հղիության միջոցով, սակայն նվաստանում է Ռեդժինալդի կողմից։ Հետագայում գտնում է Ռեդժինալդի օրագիրը, որի միջոցով իմանում է Վանիայի կարողությունների մասին և սկսում է նրան մանիպուլացիայի ենթարկել։
- Էշլի Մադեկվե՝ դետեկտիվ Էյդորա Փետչ։ Դիեգոյի նախկին ընկերուհին։
- Մերի Ջ. Բլայդժ՝ Չա-Չա։ Հանձնաժողովի գործակալ և անգութ մարդասպան, ով համագործակցում է Հեյզելի հետ[9]։
- Քեմերոն Բրիթոն՝ Հեյզել։ Չա-Չայի գործընկերը[7]։
- Քեյթ Վալշ՝ Հսկիչ։ Հանձնաժողով գործակալության պարագլուխը և Համար Հինգի նախկին գործատուն[10]։
Եթերաշրջաններ[խմբագրել | խմբագրել կոդը]
| Եթերաշրջան | Սերիա | Թողարկման պաշտոնական ամսաթիվ | ||
|---|---|---|---|---|
| Եթերաշրջանի պրեմիերա | Եթերաշրջանի ավարտ | |||
| 1 | 10 | փետրվարի 15, 2019 | փետրվարի 15, 2019 | |
Սերիաներ[խմբագրել | խմբագրել կոդը]
| № | Անվանում | Ռեժիսոր | Սցենարի հեղինակ | Պրեմիերայի ամսաթիվ |
|---|---|---|---|---|
| 1 | «Մենք տեսնվում ենք միայն հարսանիքների և թաղումների ժամանակ»
«We Only See Each Other at Weddings and Funerals» |
Փիթեր Հոար | Ջերամի Սլեյթեր | 2019 թվականի փետրվարի 15 |
| 1989 թվականին միաժամանակ ծննդաբերում են 43 կանայք, որոնց մոտ նախկինում հղիության նախանշաններ չեն եղել։ Այդպիսի յոթ երեխաներին գտնում և որդեգրում է էքսցենտրիկ միլիարդատեր Ռեդժինալդ Հարգրիվզը, որը նրանց վերածում է սուպերհերոսների խմբի։ Շատ տարիներ անց, նրա որդեգրած երեխաները դժկամորեն հավաքվում են «Ամբրելլա» ակադեմիայում, որպեսզի թաղեն իրենց հորը։ Լյութերը կասկածում է, որ Հարգրիվզը սպանվել է, քանի որ կորել է մոնոկլը, որի հետ նա երբեք չէր բաժանվում։ Հանկարծ, կապույտ էներգետիկ գնդից հայտնվում է Համար Հինգը, որը կորել էր 15 տարի առաջ։ Նա պդնում է, որ վերադարձել է ապագայից, որտեղ մնացել է 45 տարի, և հիմա նրա գիտակցությունը 58 տարեկան է, իսկ մարմինը՝ 13 տարեկանի։ Եղբայրներն ու քույրերը վիճում են, և Դիեգոն Լյութերի հետ կռիվ է սկսում, որի ժամանակ կոտրվում է իրենց մահացած եղբայր Բենի արձանը։ Ավելի ուշ, Համար Հինգը այցելում է «Պոնչիկներ Գրիդիի մոտ» սրճարան, երբ այնտեղ են հայտնվում մի-քանի զինված մարդիկ և կրակ են բացում նրա վրա։ Նրանց սպանելուց հետո, նա իր ձեռքի միջից գլոբալ տեղորոշման համակարգ է հանում։ Բացի այդ, պարզվում է, որ հոր մոնոկլը գտնվում է Դիեգոյի մոտ, իսկ Քլաուսը կարողանում է Բենի ուրվականի հետ շփվել։ Համար Հինգը Վանյային պատմում է, որ ութ օր անց ապոկալիպսիս է տեղի ունենալու, և ամբողջ մարդկությունը ոչնչանալու է։ | ||||
| 2 | «Վազի՛ր, տղա՛, վազի՛ր»
«Run Boy Run» |
Էնդրյու Բերնստեյն | Սթիվ Բլեքմեն | 2019 թվականի փետրվարի 15 |
| 3 | «Շատ սովորական»
«Extra Ordinary» |
Էնդրյու Բերնստեյն | Բեն Նեդիվի և Մետ Վուլփերտ | 2019 թվականի փետրվարի 15 |
| 4 | «Մարդը Լուսնի վրա»
«Man on the Moon» |
Էլլեն Կուրաս | Լորեն Շմիդտ Հիսրիչ | 2019 թվականի փետրվարի 15 |
| 5 | «Համար Հինգ»
«Number Five» |
Էլլեն Կուրաս | Բոբ դե Լաուրենտիս | 2019 թվականի փետրվարի 15 |
| 6 | «Օր, որը չի եղել»
«The Day That Wasn't» |
Սթիվեն Սուրժիկ | Սնեհա Քորս | 2019 թվականի փետրվարի 15 |
| 7 | «Օր, որը եղել է»
«The Day That Was» |
Սթիվեն Սուրժիկ | Բեն Նեդիվի և Մետ Վուլփերտ | 2019 թվականի փետրվարի 15 |
| 8 | «Ես բամբասանք եմ լսել»
«I Heard a Rumor» |
Ջերեմի Ուեբբ | Լորեն Շմիդտ Հիսրիչ և Սնեհա Քորս | 2019 թվականի փետրվարի 15 |
| 9 | «Փոփոխություններ»
«Changes» |
Ջերեմի Ուեբբ | Բոբ դե Լաուրենտիս և Էրիկ Վ․ Ֆիլիպս | 2019 թվականի փետրվարի 15 |
| 10 | «Սպիտակ ջութակ»
«The White Violin» |
Փիթեր Հոար | Սթիվ Բլեքմեն | 2019 թվականի փետրվարի 15 |
Արտադրություն[խմբագրել | խմբագրել կոդը]
Զարգացում[խմբագրել | խմբագրել կոդը]
2015 թվականի հուլիսի 7-ին հայտարարվեց, որ «Ակադեմիա Ամբրելլա» կոմիքսների շարքի հիման վրա նկարահանվելու է հեռուստասերիալ, այլ ոչ թե բնօրինակ ֆիլմ ՝ Universal Cable Productions ընկերության կողմից[11]։ 2017 թվականի հուլիսի 11-ին պաշտոնապես հայտարարվեց, որ Նեթֆլիքս ընկերությունը իր համաձայնությունն է տվել 2018 թվականին «Ակադեմիա Ամբրելլա»-ն ադապտացնելու համար։ Ջերարդ Ուեյը ներկայացել է որպես գործադիր պրոդյուսեր[12][13]։ Ջերամի Սլեյթերը փորձնական սցենար է գրել, իսկ Սթիվ Բլեքմենը ներկայացել է որպես շոուրաներ (անգլ.՝ Showrunner):
Նկարահանումներ[խմբագրել | խմբագրել կոդը]
Առաջին եթերաշրջանի նկարահանումները սկսվել են 2018 թվականի հունվարի 15-ին և ավարտվել են 2018 թվականի հուլիսի 2018-ին՝ Տորոնտոյում[14]։ Լրացուցիչ նկարահանումները տեղի են ունեցել Համլիտոնում[15]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 Fernsehserien.de (գերմ.)
- ↑ Internet Movie Database — 1990.
- ↑ Pedersen, Erik; Pedersen, Erik (2018 թ․ հոկտեմբերի 6). «'The Umbrella Academy': Premiere Date, Character Posters & First-Look Photos For Netflix Superhero Series». Deadline (անգլերեն). Վերցված է 2019 թ․ մարտի 18-ին.
- ↑ 4,0 4,1 4,2 4,3 Otterson, Joe; Otterson, Joe (2017 թ․ նոյեմբերի 30). «'Umbrella Academy' Netflix Series Rounds Out Cast With 'Game of Thrones' Alum, 'Hamilton' Star». Variety (անգլերեն). Վերցված է 2019 թ․ մարտի 18-ին.
- ↑ Dwilson, Stephanie Dube (2019 թ․ փետրվարի 19). «Number 2 on 'The Umbrella Academy': What Is Diego's Power?». Heavy.com (անգլերեն). Վերցված է 2019 թ․ մարտի 18-ին.
- ↑ Gelt, Jessica. «From chorus girl to leading lady: Emmy Raver-Lampman, the Cinderella of 'Hamilton'». latimes.com. Վերցված է 2019 թ․ մարտի 18-ին.
- ↑ 7,0 7,1 7,2 Petski, Nellie Andreeva,Denise; Andreeva, Nellie; Petski, Denise (2018 թ․ փետրվարի 16). «'The Umbrella Academy': Cameron Britton, Colm Feore, Adam Godley & Ashley Madekwe Join Netflix Series». Deadline (անգլերեն). Վերցված է 2019 թ․ մարտի 18-ին.
{{cite web}}: CS1 սպաս․ բազմաթիվ անուններ: authors list (link) - ↑ «The Umbrella Academy Character & Cast Guide». CBR (ամերիկյան անգլերեն). 2019 թ․ փետրվարի 13. Վերցված է 2019 թ․ մարտի 18-ին.
- ↑ Andreeva, Nellie; Andreeva, Nellie (2018 թ․ փետրվարի 12). «Mary J. Blige To Co-Star In 'The Umbrella Academy' TV Series For Netflix». Deadline (անգլերեն). Վերցված է 2019 թ․ մարտի 18-ին.
- ↑ Petski, Denise; Petski, Denise (2018 թ․ մայիսի 9). «'The Umbrella Academy': Kate Walsh Set To Recur In Netflix Series». Deadline (անգլերեն). Վերցված է 2019 թ․ մարտի 18-ին.
- ↑ «Deal puts 'Umbrella Academy' on TV track». USA TODAY (անգլերեն). Վերցված է 2019 թ․ մարտի 18-ին.
- ↑ Wagmeister, Elizabeth; Wagmeister, Elizabeth (2017 թ․ հուլիսի 11). «'Umbrella Academy' Series Based on Comic Books Headed to Netflix». Variety (անգլերեն). Վերցված է 2019 թ․ մարտի 18-ին.
- ↑ «Netflix to adapt Gerard Way's 'Umbrella Academy' comic book into live-action series». USA TODAY (անգլերեն). Վերցված է 2019 թ․ մարտի 18-ին.
- ↑ «Recently Wrapped: Toronto and Ontario». What's Filming? (ամերիկյան անգլերեն). Վերցված է 2019 թ․ մարտի 23-ին.
- ↑ «The Umbrella Academy Filming Locations: The house and the city where the Netflix series is filmed». Atlas of Wonders. Վերցված է 2019 թ․ մարտի 23-ին.
Արտաքին հղումներ[խմբագրել | խմբագրել կոդը]
| ||||||||||
