Ախտական մակբայներ

Ախտական մակբայներ, գրաբարում մակբայերի շարքին դասված ձայնարկությունների խումբ, որոնք ստորաբաժանվում են հետևյալ ենթախմբերի՝ երանական (երանի, վաշ, վաշ վաշ), եղկական (վայ, աւաղ, եղուկ), հեշտական (վաշ, հայ), , ավաղական (ոհ, վախ), զարմացական (ո, եհ, բաբէ), հեգնական (իշ, վահ, ահ, եհ), սպառնական (իշտ, էհէ), մորմոքական (իշ, ուհ) և տրտմական (եհ, ըհ, ըհը, ի, հէ)։ «Ախտական մակբայներ» տերմինն առաջին անգամ կիրառել է Սիմեոն Ջուղայեցին։ Ավելի ուշ շրջանի քերականներից ոմանք ախտական մակբայները դիտարկել են որպես միջարկության՝ ձայնարկության տարատեսակ։