Ալֆրեդ Օսթին
Ալֆրեդ Օսթին անգլ.՝ Alfred Austin | |
---|---|
Ծնվել է | մայիսի 30, 1835[1][2][3] Լիդս, Արևմտյան Յորքշիր, Միացյալ Թագավորություն |
Մահացել է | հունիսի 2, 1913[1][2][3] (78 տարեկան) Էշֆորդ, Քենթ, Քենթ, Անգլիա, Մեծ Բրիտանիայի և Իռլանդիայի միացյալ թագավորություն |
Քաղաքացիություն | Մեծ Բրիտանիայի և Իռլանդիայի միացյալ թագավորություն |
Մասնագիտություն | բանաստեղծ, վիպասան, գրող, լրագրող և բարիսթեր |
Գործունեության ոլորտ | գրականություն[4] |
Պաշտոն(ներ) | Բանաստեղծ–դափնեկիր |
Ալմա մատեր | Լոնդոնի համալսարան |
Տիրապետում է լեզուներին | անգլերեն[5][4] |
Alfred Austin Վիքիպահեստում |
Ալֆրեդ Օսթին[6] (անգլ.՝ Alfred Austin, մայիսի 30, 1835[1][2][3], Լիդս, Արևմտյան Յորքշիր, Միացյալ Թագավորություն - հունիսի 2, 1913[1][2][3], Էշֆորդ, Քենթ, Քենթ, Անգլիա, Մեծ Բրիտանիայի և Իռլանդիայի միացյալ թագավորություն), անգլիացի լրագրող, բանաստեղծ։
Օսթինը ծնվել է Լիդս քաղաքի Հեդինգլի արվարձանում։ Հայրը՝ Ջոզեֆ Օսթինը, Լիդսի վաճառականներից էր, մայրը Հոնիտոն քաղաքի պարլամենտի անդամ, ինժեներ Ջոզեֆ Լոքի քույրն էր։ Սովորել է Սթոունիհերսթ և Օսքոթի քոլեջներում, 1853 թվականին ավարտել է Լոնդոնի համալսարանը։ Չորս տարի անց զբաղեցրել է փաստաբանի պաշտոն, աշխատել մինչև 1861 թվականը, այնուհետև իրեն նվիրել է գրականությանը։ Այդ թվականին լույս է տեսել նրա առաջին կատակերգությունը՝ «The Season». 1870 թվականին հրատարակվել է քննադատական հոդվածների ժողովածուն՝«The Poetry of the Period», որի սատիրան ուղղված է ընդդեմ Ալֆրեդ Թեննիսոնի, Ռոբերտ Բրաունինգի, Մեթյու Առնոլդի և Ալջերնոն Չարլզ Սուինբերնի։ Գիրքը բազում քննադատությունների տեղիք տվեց։ 1881 թվականին Օսթինը նորից սկսել է բանաստեղծություններ գրել՝ ստեղծելով «Savonarola» («Սավոնարոլա») ողբերգությունը, ավելի ուշ գրել է «Soliloquies» («Մենախոսություններ», 1882 թվական), «Prince Lucifer» («Լյուցիֆեր արքան», 1887թվական), «England's Darling» (1896 թվական), «The Conversion of Winckelmann» («Վինկելմանի վերափոխումը», 1897 թվական) և այլն։
Քաղաքականության մեջ հավատարիմ մնալով պահպանողական հայացքներին՝ մի քանի տարի եղել է «The National Review» ամսագրի խմբագիր, գրախոսականներ է գրել «The Standard»[7] ամսագրի համար։ Թեննիսոնի մահից հետո՝ 1892 թվականին, ժամանակակից բանաստեղծներից և ոչ մեկը չէր կարող հավակնել բանաստեղծ-դափնեկիր (պալատական բանաստեղծ) պատվավոր կոչմանը, բացի Սուինբերնից և Ուիլյամ Մորիսից, որոնք չեն դիտարկվել տարբել պատճառներով։ Մի քանի տարի բանաստեղծ-դափնեկիր չի ընտրվել։ Այդ կոչմանը հավակնում էին մի քանի բանաստեղծներ, բայց արդյունքում 1896 թվականին այն տրվել է Օսթինին Մորիսի հրաժարականից հետո։ Որպես բանաստեղծ- դափնեկիր՝ նրա ստեղծագործությունները, որոնք նվիրված էին նշանավոր իրադարձություններին, անբարյացակամ քննադատության են ենթարկվել, ինչպես, օրինակ, 1896 թվականին գրված երկը Ջեյմսոն Ռեյդի փառաբանության մասին։
Օսթինի պոեզիան և լավագույն արձակ գործերը առանձնացել են բնության հանդեպ ունեցած անկեղծ ու նվիրական սիրով, օրինակ, «The Garden that I love» («Պարտեզ, որը ես սիրել եմ») և «In Veronica's Garden» («Վերոնիկայի պարտեզում») հովվերգությունները։ 1903 թվականին Օսթինի «Flodden Field» («Ֆլոդդենի ճակատամարտը») դրաման ներկայացվել է Լոնդոնի արքունական թատրոնում:
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Encyclopædia Britannica
- ↑ 2,0 2,1 2,2 2,3 2,4 Discogs — 2000.
- ↑ 3,0 3,1 3,2 3,3 3,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 4,0 4,1 Չեխիայի ազգային գրադարանի կատալոգ
- ↑ Identifiants et Référentiels (ֆր.) — ABES, 2011.
- ↑ Ермолович Д. И. Англо-русский словарь персоналий. — М.: Рус. яз., 1993. — 336 с. — С. 40
- ↑ «Аустин Альфред». Բրոքհաուզի և Եֆրոնի հանրագիտական բառարան: 86 հատոր (82 հատոր և 4 լրացուցիչ հատորներ). Սանկտ Պետերբուրգ. 1890–1907.
{{cite book}}
: CS1 սպաս․ location missing publisher (link)
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ալֆրեդ Օսթին կատեգորիայում։ |
|
- Մայիսի 30 ծնունդներ
- 1835 ծնունդներ
- Մեծ Բրիտանիայում ծնվածներ
- Հունիսի 2 մահեր
- 1913 մահեր
- Անգլիայում մահացածներ
- Լոնդոնի համալսարանի շրջանավարտներ
- Գիտնականներ այբբենական կարգով
- Անձինք այբբենական կարգով
- 19-րդ դարի անգլիացի գրողներ
- Անգլիացի բանաստեղծներ
- Անգլիացի վիպասաններ
- Անգլիացի լրագրողներ
- Բանաստեղծներ այբբենական կարգով