Ալֆրեդ Դոդս
| Ալֆրեդ Դոդս ֆր.՝ Alfred Dodds | |
|---|---|
 | |
| Ծնվել է | փետրվարի 6, 1842[1][2] |
| Ծննդավայր | Սեն Լուի, Ֆրանսիական Սենեգալ |
| Մահացել է | հուլիսի 17, 1922 (80 տարեկան) |
| Մահվան վայր | Փարիզ, Ֆրանսիա |
| Գերեզման | Պեր Լաշեզ |
| Քաղաքացիություն |  Ֆրանսիա |
| Կրթություն | Հատուկ Ռազմական Դպրոց Սեն Սիր |
| Մասնագիտություն | սպա և ռազմական գործիչ |
| Պարգևներ և մրցանակներ |  |
 Alfred Dodds Վիքիպահեստում | |
Ալֆրեդ Ամեդե Դոդս (ֆր.՝ Alfred Amédée Dodds, փետրվարի 6, 1842[1][2], Սեն Լուի, Ֆրանսիական Սենեգալ - հուլիսի 17, 1922, Փարիզ, Ֆրանսիա), ֆրանսիացի ռազմական գործիչ, դիվիզիայի գեներալ (այդ զինվորական կոչումը հավասար է գեներալ-մայոր կոչմանը)։ Առավել հայտնի է որպես Աֆրիկայում Ֆրանսիայի գաղութային գործողությունների մասնակից, որ եղել է Երկրորդ ֆրանս-դահոմեյական պատերազմի ֆրանսիական ստորաբաժանումների հրամանատարը։
Կենսագրություն
[խմբագրել | խմբագրել կոդը]Ծնվել է ֆրանսիացի վերաբնակների ընտանիքում ժամանակակից Սենեգալի տարածքում։ 1867 թվականին ստացել է ծովային հետևակի լեյտենանտի կոչում։ Առաջին անգամ առանձնահատուկ կարևոր դեր է կատարել Ռեյունյոնի անկարգությունների ճնշման գործողությունների ժամանակ։
1869 թվականի դեկտեմբերին ստացել է կապիտանի կոչում։ Մասնակցել է Պրուսիայի դեմ պատերազմին 1870-1871 թվականներին և գերազանց ծառայության համար ստացել է Պատվավոր լեգեոնի շքանշանի։ Նապոլեոն Երրորդի կապիտուլյացիայից հետո Սեդանի մոտ փախչել է մարտադաշտից և դրա հետևանքով տեղափոխվել է Շվեյցարիա։
1871 թվականից գտնվել է Սենեգալում, իսկ 1878 թվականից մինչև 1879 թվականը՝ Կոխինխինում։ 1883 թվականին մասնակցել է ֆրանս-չինական պատերազմին։ Պատերազմի ավարտից հետո վերադարձել է Սենեգալ, որտեղ պարբերաբար զբաղվել է ապստամբությունների և գաղութային իշխանությունների նկատմամբ դժգոհությունների ճնշմամբ։ 1887 թվականին ստացել է գնդապետի կոչում։
1892 թվականին ստացել է բրիգադային գեներալի կոչում՝ դառնալով ծովային հետևակի տեսուչ։ Դահոմեայի դեմ երկրորդ պատերազմում գլխավորել է ֆրանսիական զորքերը։ Ընդունել է Դահոմեայի թագավոր Բեհանզինի կապիտուլյացիան։
1895 թվականին դառնալով Պատվավոր լեգեոնի Մեծն սպա՝ ստացել է Հնդկաչինում ֆրանսիական զորքերի գլխավոր հրամանատարությունը։
1899 թվականին ստացել է դիվիզիայի գեներալի վերջին կոչումը։ 1903 թվականից մինչև 1907 թվականը եղել է Ֆրանսիայի ռազմածովային ուժերի ավագ հրամանատարը։
1935 թվականին Փարիզի 12-րդ շրջանի փողոցներից մեկը ստացել է Դոդսի անունը։
Ծանոթագրություններ
[խմբագրել | խմբագրել կոդը]- ↑ 1,0 1,1 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 Base Léonore (ֆր.) — ministère de la Culture.
Գրականություն
[խմբագրել | խմբագրել կոդը]- Pierre Gentil, Les Troupes du Sénégal, 1816—1890, tome 2 Les Troupes du Sénégal : du colonel Pinet-Laprade au colonel Dodds (1865—1890), Paris, université de Paris, 1978, 545 p. (thèse d'État)
- François Manchuelle, " Métis et colons : la famille Devès et l'émergence politique des Africains au Sénégal, 1881—1897. ", Cahiers d'études africaines, 1984, 24, n° 96, pp. 477–504.