Ալֆա շրջան

Վիքիպեդիայից՝ ազատ հանրագիտարանից
Ալֆա շրջանի մի մասը պատկերված է այս եռաչափ պատկերի վրա

Ալֆա շրջան, Վեներա մոլորակի վրա գտնվող շրջան է, որն ունի մոտ 1500 կիլոմետր չափեր: Այս շրջանի կենտրոնը գտնվում է 22° հվ. լ. 5° ավ. ե. / 22° հվ. լ. 5° աե. ե. կոորդինատներում:

Շրջանը հայտնաբերվել է և անվանվել Դիկ Գոլդշտեյնի կողմից 1964 թվականին[1]: Անունը հաստատվել է Միջազգային աստղագիտական միության Մոլորակների անվանումների աշխատանքային խմբի կողմից (IAU/WGPSN) 1976-ից 1979 թվականներին[2]: Մաքսվելի լեռները, Ալֆա և Բետա շրջանները միակ երեք բացառություններն են Վեներայի մակերևույթի անվանումների կանոնից, ըստ որի տեղանուններին տրվում են միայն կանացի անուններ:

Ալֆա շրջանի մակերևույթի ռելիեֆը չափազանց դեֆորմացված է, այսպիսի տարածքները անվանում են Տեսերաներ, այստեղ դեֆորմացիաները ունեն տարբեր ուղղություններ և իրաի մոտ են տեղակայված: Տեսերա անվանումը ծագել է հունարեն «սալիկավոր» բառից (Սովետական գիտնականները վերլուծելով Վեներա-15 և Վեներա-16 կայաններից ստացված լուսանկարները նմանեցրել էին այս տեղանքը սալիկավոր հատակի): Ինչպես և բոլոր մյուս տեսերա տեսակի շրջանները, Ալֆա շրջանը բարձր է շրջապատող տեղանքից 1-2 կիլոմետրով:

Venus Express ուղեծրակայանի կատարած լուսանկարների վրա Ալֆա շրջանի ժայռերը ավելի բաց գույն ունեն և ավելի հին ծագում ունեն քան մոլորակի մեծ մասը: Երկրի վրա, այսպիսի բաց գույն ունեցող ապարները սովորաբար գրանիտներն են, որոնք ձևավորում են մայրցամաքները[3]:

Տես նաև[խմբագրել]


Ծանոթագրություններ[խմբագրել]

  1. Էնդրյու Ջ. Բուտրիկա, SP-4218 Տեսնելով չտեսնվածը, Գլուխ 5. Նորմալ գիտություն, ՆԱՍԱ, 1996
  2. Էնդրյու Ջ. Բուտրիկա, SP-4218 Տեսնելով չտեսնվածը, Գլուխ 6: Հայտնաբերելով Մարսը ու Վեներան, ՆԱՍԱ, 1996
  3. Նոր քարտեզը խոսում է Վեներայի հրաբխային անցյալի մասին | Միջազգային տիեզերական ընկերակցություն