Ալչինա (իտալ.՝ Alcina), գերմանացի երգահան Գեորգ Ֆրիդրիխ Հենդելի իտալերեն օպերա երեք գործողությամբ։ Սյուժեն հիմնված է Լուդովիկո Արիոստոյի «Օրլանդոն խելագարված» պոեմի VI և VII երգերի վրա։ Օպերան ստեղծվել է L’isola di Alcina օպերայի լիբրետտոյի հիման վրա, որը 1728 թվականին Հռոմում բեմադրել է կոմպոզիտոր Ռիկարդո Բրոսկին։ Հենդելը լիբրետտոն ձեռք է բերել դրանից մեկ տարի առաջ, երբ ճանապարհորդում էր Իտալիայում[2][3]։
Օպերայի առաջնախաղը կայացել է 1735 թվականի ապրիլի 16-ին Լոնդոնի «Կովենտ Գարդեն» թատրոնում։ Գլխավոր դերերգերը կատարել են ժամանակի առաջնակարգ երգիչներ՝ Մարիա Ստրադա դել Պոն (Ալչինա) և Կարեստինին (Ռուջերո)։ Օպերան պատկանում է Հենդելի լավագույն ստեղծագործությունների թվին և այսօր էլ երբեմն բեմադրվում և ձայնագրվում է։