Ալոիզ Գրադնիկ

Ալոիզ Գրադնիկ սլովեն.՝ Alojz Gradnik
Ծնվել է	օգոստոսի 3, 1882(1882-08-03)
Ծննդավայր	Մեդանա, Municipality of Brda, Սլովենիա
Վախճանվել է	հուլիսի 14, 1967(1967-07-14) (84 տարեկան)
Վախճանի վայր	Լյուբլյանա, Սլովենիայի Սոցիալիստական Հանրապետություն, ՀՍՖՀ
Մասնագիտություն	լեզվաբան, բանաստեղծ, գրող, փաստաբան, դատավոր և թարգմանիչ
Քաղաքացիություն	ՀՍՖՀ,  Իտալիայի թագավորություն և  Ավստրո-Հունգարիա
Կրթություն	Վիեննայի համալսարան
Անդամակցություն	Սլովենական գիտությունների և արվեստների ակադեմիա
Alojz Gradnik Վիքիպահեստում

Ալոիզ Գրադնիկ (սլովեն.՝ Alojz Gradnik, 3 օգոստոսի, 1882, Մեդանա, Ավստրո-Հունգարիա (ներկայում՝ Գորիշկա շրջան, Սլովենիա) – 14 հուլիսի, 1967, Լյուբլյանա, Սլովենիա), սլովենացի գրող, թարգմանիչ, Սլովենիայի Գիտությունների ու արվեստների ակադեմիայի անդամ։

Կենսագրություն

Ալոիզ Գրադնիկը ծնվել է 1882 թվականի օգոստոսի 3-ին Մեդանայում։ Հայրը սլովենացի էր Տրիեստից, մայրը Գորիցա ու Գրադիշկա կոմսությունից էր։ Ալոիզ Գրադնիկն ավարտել է գիմնազիա Գորիցիայում, ավելի ուշ իրավունք է ուսումնասիրել Վիեննայում։ 1907 թվականից Պուլայում ու Ավստրիայի այլ բնակավայրերում աշխատել է որպես դատավոր։ 1920 թվականին՝ այն բանից հետո, երբ Իտալիան գրավեց Վենետիկ-Ջուլիան, տեղափոխվել է Հարավսլավիայի Թագավորություն, որտեղ նույնպես աշխատել է որպես դատավոր։ Զագրեբում մտերմացել է Վլադիմիր Նազորի շրջապատի հետ։ 1941 թվականին նացիստական Գերմանիայի ներխուժումից հետո վերադարձել է Լյուբլյանա։ 1942-1943 թվականներին եղել է Հոնարս կենտրոնացման ճամբարի կալանավոր. այդ տարիների ապրածն ու զգացածը հետագայում իրենց արտացոլումն են գտել գրողի ստեղծագործություններում։ Պատերազմից հետո ապրել է Լյուբլյանայում, բայց հաճախ այցելել է հարազատ վայրեր։

Մատենագրություն

• Padajoče zvezde (1916, 1923)
• Begunci (1917)
• Pot bolesti (1922)
• Pisma (1924)
• De Profundis (1926)
• Svetle samote (1932)
• Večni studenci (1938)
• Zlate lestve (1940)
• Bog in umetnik (1943)
• Pojoča kri (1944)
• Pesmi o Maji (1944)
• Primorski soneti (1952)
• Narobe svet in druge pesmi za mladino (1953)
• Harfa v vetru (1954)
• Eros-Tanatos (1962, 1972)

Թարգմանչական գործունեություն

Ալոիզ Գրադնիկը եղել է պոլիգլոտ. եվրոպական ժամանակակից հիմնական լեզուներից բացի տիրապետել է նաև լատիներենին ու հունարենին, ուսումնասիրել է սանսկրիտ, պարսկերեն, բենգալերեն, հյուսիսային չինարեն։ Թարգմանել է Դանթեի, Պետրարկայի, Լեոպարդիի, Կարդուչիի, Ֆոսկոլոյի, Ժորժ Ռոդենբախի, Ռոմեն Ռոլանի, Անտոն Չեխովի, Մաքսիմ Գորկու, Խուան Ռամոն Խիմենեսի, Ֆեդերիկո Գարսիա Լորկայի, Շանդոր Պետեֆիի, Էնդրի Ադիի, սերբ բանաստեղծների և այլոց ստեղծագործությունները։

Աղբյուրներ

• Taras Kermauner, Gradnikova pot k Bogu (Nova Gorica։ Zveza kulturnih organizacij, 1997).
• Fedora Ferluga Petronio, "Alojz Gradnik - Pesnik goriških Brd: mednarodni simpozij ob 125. obletnici pesnikovega rojstva", Primorski dnevnik, yr. 69, n. 113 (May 13, 2007).
• Danila Zuljan Kumar, "Z referati osvetlili njegovo poezijo։ Gradnikov simpozij na Univerzi v Vidmu, Briški časnik, y. 11, n. 47 (2007).

Վիքիպահեստն ունի նյութեր, որոնք վերաբերում են «Ալոիզ Գրադնիկ» հոդվածին։