Ալյոնա Շկրում

Վիքիպեդիայից՝ ազատ հանրագիտարանից
Ալյոնա Շկրում
ուկրաիներեն՝ Альона Іванівна Шкрум
Դիմանկար
Ծնվել էհունվարի 2, 1988(1988-01-02) (36 տարեկան)
ԾննդավայրԿիև, Ուկրաինական ԽՍՀ, ԽՍՀՄ
Քաղաքացիություն Ուկրաինա
ԿրթությունԿիևի Տարաս Շևչենկոյի ազգային համալսարանի Միջազգային հարաբերությունների ինստիտուտ, Փարիզ 1 Պանթեոն-Սորբոն համալսարան (2011), Քեմբրիջի համալսարան (2012) և Թրինիթի Հոլ
Մասնագիտությունփաստաբան, քաղաքական գործիչ և հասարակական գործիչ
ԱմուսինԴմիտրի Նատալուխա
Զբաղեցրած պաշտոններՈւկրաինայի ժողովրդական պատգամավոր և Ուկրաինայի ժողովրդական պատգամավոր
ԿուսակցությունԲատկիվշչինա
ԱնդամությունՈւկրաինայի Գերագույն ռադա և Ուկրաինայի Գերագույն ռադա
 Alyona Shkrum Վիքիպահեստում

Ալյոնա Իվանովնա Շկրում (ուկրաիներեն՝ Альона Іванівна Шкрум, հունվարի 2, 1988(1988-01-02), Կիև, Ուկրաինական ԽՍՀ, ԽՍՀՄ), ուկրաինացի քաղաքական և հասարակական գործիչ, իրավաբան և իրավապաշտպան։ Գերագույն ռադայի VIII գումարման ժողովրդական պատգամավոր «Բատկիվշչինա» կուսակցությունից։

Կենսագրություն[խմբագրել | խմբագրել կոդը]

Ալյոնա Շկրումի հայրը զբաղվում է փաստաբանական գործունեությամբ, մայրը եղել է ասպիրանտ և Շևչենկոյի անվան համալսարանում դասավանդել է քաղաքացիական իրավունք, համարվում է գիտությունների թեկնածու[1]։

2004—2010 թվականներին Ալյոնա Շկրումը սովորել է Շևչենկոյի անվան միջազգային հարաբերությունների ինստիտուտի միջազգային մասնավոր իրավունքի ֆակուլտետում, ստացել է բակալավրի և մագիստրոսի աստիճան, իրավաբան-միջազգայնագետի մասնագիտություն, ֆրանսերեն լեզվի թարգմանիչ-ռեֆերենտ է[1][2]։ Եղել է շրջանավարտների «Արդեա Ալբա» ակումբի համահիմնադիր։

2008—2009 թվականներին աշխատել է որպես կրտսեր իրավաբան «Վոլկով, Կոզյակով և գործընկերներ» փաստաբանական միավորումում։ 2010—2011 թվականներին աշխատել է որպես իրավաբան Փարիզի «Chevalier Pericard Connesson» փաստաբանական ասոցիացիայում։ 2010—2011 թվականներին սովորել է Սորբոնի համալսարանում միջազգային տնտեսական իրավունքի մագիստրատուրայի ծրագրով «ԱՏՀ առևտրային և մրցակցային իրավունքի մասնագետ» մասնագիտությամբ։ Սորբոնի համալսարանի միջազգային իրավունքի ուսանողական Ասսոցիացիայի գաձապետն է[2]։

2011—2012 թվականներին սովորել է Քեմբրիջի համալսարանում, «Քեմբրիջյան կրթաթոշակ» 9 ամսյա ծրագրով, ստացել միջազգային իրավունքի մագիստրոսի դիպլոմ[1]։ Ալյոնա Շկրումի կրթաթոշակի 40 %-ը վճարել է Վիկտոր Պինչուկի «Всесвітні студії» հիմնադրամը, 60 %-ը համալսարանը[1]։ Նա աշխատել է նաև Մեծ Բրիտանիայի դատական համակարգում, կրթաթոշակով ստաժավորում էանցել որպես բարրիստերի օգնական միաժամանակ մասնակցել է Լոնդոնյան դատարանում քննվող Բերեզովսկին ընդդեմ Աբրամովիչի և Դերիպասկին ընդդեմ Սևի գործերի նախապատրաստմանը[2]։

2012 թվականին եղել է «Inner Temple» փաստաբանական միավորման փաստաբանի և Լոնդոնյան դատարանի դատավորի օգնական։

VII գումարման Գերագույն Ռադայում վճարովի հիմունքներով աշխատել է «ՈՒԿԿ»-ից ընտրված պատգամավոր Իգոր Ալեքսեևի օգնական[3], միաժամանակ եղել է «ՈՒԴԱՌ»-ի պատգամավոր Իրինա Գերաշչենկոյի օգնականը իրավաբանական հարցերով։ Այդ նույն ժամանակահատվածում նա եղել է Ենթակառուցվածքների նախարարության փորձագիտական խմբում[1]։

2013 թվականին ստաժավորում է անցել կանադական խորհրդարանի Համայնքների պալատի պատգամավոր` կանադա-ուկրաինական խորհրդարանական ծրագրի (CUPP) համակարգող Պիտեր Ջուլիանի գրասենյակում։

2014 թվականին եղել է «Պաշտպանության իրավունք» կազմակերպության փաստաբանական փորձագետը, որը համարվում էր ՄԱԿ-ի փախստականների գծով Գլխավոր հանձնակատարի գրասենյակի գործընկերը[2]։ Եղել է «Ուկրաինա 2020» վերլուծական կենտրոնի տնօրենը։

Քաղաքական կարիերա[խմբագրել | խմբագրել կոդը]

2014 թվականի խորհրդարանական ընտրություններում եղել է Ուկրաինայի ժողովրդական պատգամավորության թեկնածու «Բատկովշչինա» կուսակցության ցուցակով (№ 5)` լինելով ցուցակի անցողիկ մասում, բաց մրցույթում տարած հաղթանակի շնորհիվ ներկայացնում է «Մասնագիտական կառավարություն[1]» նախաձեռնությունը։

VIII գումարման Գերագույն ռադայում նա եղել է պետական շինարարության, տարածքային քաղաքականության և տեղական ինքնակառավարման հանձնաժողովի տեղական ինքնակառավարման մարմիններում պետական ծառայության և սպասարկման ենթահանձնաժողովի նախագահ։ Նա նաև ասոցիացիայի հանձնաժողովի ուկրաինական մասի անդամի տեղակալ է, Միացյալ Թագավորության, Լեհաստանի, ԱՄՆ-ի, Թուրքիայի, Ֆրանսիայի, Գերմանիայի և Շվեդիայի հետ միջխորհրդարանական կապերի խմբի համանախագահը[4]։ 2018 թվականի դեկտեմբերի 25-ից ընդգրկվել է այն անձանց ցանկում, որոնց նկատմամբ Ռուսաստանը պատժամիջոցներ է կիրառել[5]։

Ընտանիք[խմբագրել | խմբագրել կոդը]

2015 թվականի սեպտեմբերի 6-ին Ալյոնա Շկրումն ամուսնացել է Դմիտրի Նատալուհայի հետ, որի հետ սովորել էր Քեմբրիջում։ Նատալուհայը սեպտեմբերի 10-ին նշանակվել է Օդեսայի մարզի Կոմինտերնի շրջանի պետական վարչակազմի ղեկավար[6]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 1,5 Депутат — это не работа мечты, это ужасная работа Արխիվացված 2015-12-08 Wayback Machine «112 Украина», 19.12.2014
  2. 2,0 2,1 2,2 2,3 Катерина Пешко. Молодые и дерзкие. Самые юные депутаты нового парламента Արխիվացված 2016-03-05 Wayback Machine «Главком». 05.11.2014
  3. Более 70 депутатов ВР были помощниками депутатов предыдущего созыва «Украинская Правда», 15.09.2015
  4. «А. И. Шкрум на сайте Верховной Рады VIII созыва». Արխիվացված է օրիգինալից 2019 թ․ դեկտեմբերի 8-ին. Վերցված է 2019 թ․ դեկտեմբերի 8-ին.
  5. «В санкционный список РФ добавлены украинские оборонные и энергетические компании». ТАСС (ուկրաիներեն). 2018 թ․ դեկտեմբերի 25. Վերցված է 2018 թ․ դեկտեմբերի 26-ին.
  6. Нардеп вышла замуж за главу района: опубликованы фото «Апостроф», 30.09.2015