Ալիսա Ադամյան

Վիքիպեդիայից՝ ազատ հանրագիտարանից
Jump to navigation Jump to search
Ալիսա Ադամյան
Alisa Adamyan (2).jpg
Ծնվել էհունիսի 28, 1943(1943-06-28) (76 տարեկան)
ԾննդավայրԵրևան, Հայկական ԽՍՀ, ԽՍՀՄ
ՔաղաքացիությունFlag of the Soviet Union.svg ԽՍՀՄ
Flag of Armenia.svg Հայաստան
Ազգությունհայ
ԿրթությունԵրևանի Կոմիտասի անվան պետական կոնսերվատորիա
Մասնագիտությունջութակահարուհի, մանկավարժ, հասարակական գործիչ և պետական գործիչ
ԱմուսինԲենիկ Պետրոսյան
Պարգևներ և
մրցանակներ
Մովսես Խորենացու մեդալ
ԵրեխաներՎահագն Հայրապետյան, Արև Պետրոսյան և Արեգ Պետրոսյան

Ալիսա Ադամյան (հունիսի 28, 1943(1943-06-28), Երևան, Հայկական ԽՍՀ, ԽՍՀՄ), հայ ջութակահար, մանկավարժ, պետական, հասարակական, մշակութային գործիչ:

Կենսագրություն[խմբագրել | խմբագրել կոդը]

Ալիսա Ադամյանը ծնվել է 1943 թվականին Երևանում՝ մտավորականի ընտանիքում: Ավարտել է Երևանի Կոմիտասի անվան պետական կոնսերվատորիայի ջութակի բաժինը: Կոնսերվատորիայում ուսանելու առաջին տարիներից դասավանդել է, միաժամանակ աշխատել Ռադիոյի և հեռուստատեսության պետական կոմիտեի սիմֆոնիկ նվագախմբում՝ դիրիժոր Օհան Դուրյանի ղեկավարությամբ:

Գործունեություն[խմբագրել | խմբագրել կոդը]

1965 թվականին ակտիվ մասնակցություն է ունեցել հայրենասիրական զարթոնքի և առաջադեմ ուսանողության շարքերում մասնակցել է Հայոց մեծ եղեռնի 50-ամյակին նվիրված առաջին երթին Հայաստանում: 1991 թվականից Ալիսա Ադամյանը հասարակական և պետական գործունեության ընթացքում իրականացրել է բազմաթիվ գիտամշակութային, խաղաղասիրական, բարեգործական նախաձեռնություններ Հայաստանում և արտասահմանյան երկրներում՝ նպաստելով մշակույթի զարգացմանն ու հանրահռչակման խնդիրներին, զգալի օգնություն է հասցրել փախստականներին, Սպիտակի երկրաշարժից տուժածներին, վիրավոր ազատամարտիկներին, զոհված հերոսամարտիկների ընտանիքներին և այլն։

2000-2012 թթ. եղել է ՀՀ մշակույթի նախարարի տեղակալ, ՀՀ վարչապետի խորհրդական[1], «ԳԻՐՔ» հիմնադրամի նախագահ, 1991 թ.-ից՝ «Հայ մտավորական կին» գիտամշակութային ՀԿ հիմնադիր-նախագահն է, 1997 թվականից՝ «Բենիկ Պետրոսյան» մշակութային կենտրոն» ՀԿ հիմնադիր-նախագահ[2]:

Երեք տարի անընդմեջ կազմակերպել է «ПАЧЕС» /Սևծովյան տնտեսական համագործակցության պառլամենտական ասամբլեայի մանկական փառատոնը (2001-2003 թթ.), Դելֆյան խաղերը (2001-2005 թթ.), Արտեկի մանկական փառատոնը (2001-2005 թթ.):

Բենիկ Պետրոսյանի 70-ամյակին նվիրված ցուցահանդես Հայաստանի նկարիչների միությունում[3], 2010
  • 1998-2000 թթ.՝ «Խաղաղություն Հարավային Կովկասում» տարածաշրջանային համագործակցության ծրագրի մասնակից (Հայաստան, Վրաստան, Ադրբեջան)
  • 1998, 1999, 2000 թթ.՝ "South women’s leadership" AED/USAID Հայաստան, Վրաստան, Ադրբեջան
  • HABITAT-II համաշխարհային գագաթնաժողով (Ստամբուլ-1996 թ.)
  • UNESCO-ի կենտրոնակայանում կազմակերպել է «Հայ տաղանդավոր երեխաները աշխարհին» աննախադեպ նախագիծը, որը շրջեց Ֆրանսիայի տարբեր քաղաքներով և ապա արտասահմանյան այլ երկրներով (1993թ.)։
  • 1988 թվականին՝ AED/USAID «Կանանց առաջնորդություն» ծրագրերի մասնակից ԱՄՆ (Ատլանտա, Վաշինգտոն, Բոստոն) “Women Leadership”
  • 2002 թ.՝ ԱՄՆ դրամաշնորհային ծրագրի շրջանավարտ (International Visitor Program “Cultural preservation”)
  • 2011, 2016 թթ.՝ ՀՀ-ում ԱՄՆ դեսպանատան Կանանց մենթորական ծրագրի մենթոր

Մասնակցել է բազմաթիվ ազգային, համաշխարհային, միջազգային, տարածաշրջանային կոնֆերենսների, գագաթնաժողովների, նստաշրջանների աշխատանքներին, այդ թվում՝ «Պեկինի կանանց 4-րդ համաշխարհային համաժողով»-ին, «Պեկինյան ճեփընթաց» UNDP-հատուկ ծրագրին (1995 թ.), Թայլանդում կայացած «Բարձրաստիճան պաշտոնյա կանանց համաժողովի» աշխատանքներին (2001 թ.)։

2004, 2005 թվականներին ՄԱԿ-ի Գլխավոր Ասամբլեայի 48,49 նստաշրջաններում ներկայացրել է Հայաստանի Հանրապետության Ազգային զեկույցները կանանց կարգավիճակի վերաբերյալ:

Հիմնադիրն է մի շարք մրցույթների, մարզային միջոցառումների, կանանց արվեստի փառատոների, «կանայք հանուն խաղաղության» տարածաշրջանային համագործակցության։

  • Չորս տարի անընդմեջ կազմակերպել է Համազգային ուխտագնացություն՝ «ԱՂՁՔ Հայոց Արշակունի արքաների դամբարան»:
  • ԱՄՆ-ում Հայաստանի «ԷՔՍՊՕ -2002» ցուցահանդեսի համակազմակերպիչն է (ԱՄՆ):
  • Համագործակցել է ՀՀ-ում գործող միջազգային կառույցների հետ, մասնակցել է սեմինարների, ուսուցողական, վերապատրաստման, դրամաշնորհային ծրագրերի տարբեր երկրներում` Կանանց առաջնորդություն (Բրյուսել), Հայաստանի կառավարման բարեփոխումների (DFID-London 2002), Հայաստանում քաղացիական հասարակության կազմակերպությունների հզորացման ծրագիր (EU STRONG CSOs for Stronger Armenia 2017)։
  • Մշակույթի պահպանություն և կառավարում ԱՄՆ դրամաշնորհային ծրագրի շրջանավարտ (2002 թ. 6 նահանգների 12 քաղաքների այցելություն):
  • Մասնակցել է մի շարք միջմշակութային միջոցառումների Բելգիայում, Անգլիայում, Իտալիայում, Շվեյցարիայում, Եվրոպական, Ասիական և Միջինարևելյան երկրներում, ինչպես նաև Ռուսաստանի մի շարք քաղաքներում և ԱՄՆ-ում, թե՛ որպես հասարակական գործիչ, թե՛ որպես պետական բարձրաստիճան պաշտոնյա։

Անդամակցություն[խմբագրել | խմբագրել կոդը]

  • 1991 թվականից՝ AIWA Հայաստան կազմակերպության անդամ
  • 2000-2007 թթ.՝ ՀՀ վարչապետին կից կանանց խորհրդի անդամ
  • 2016, 2017 թթ.՝ ՀՀ մշակույթի նախարարին կից հասարարական խորհրդի անդամ

Պարգևներ[խմբագրել | խմբագրել կոդը]

Ընտանիք[խմբագրել | խմբագրել կոդը]

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Նոր նշանակումներ
  2. «Նոր ժամանակ» (Մշակույթ), հունիս 24, 1995
  3. Mediamax։ «Բենիկ Պետրոսյան»։ Bravo.am (ամհարերեն)։ Վերցված է 2018-01-25 

Արտաքին հղումներ[խմբագրել | խմբագրել կոդը]