Ալինա Քուշկյան
 | |
|---|---|
| Ծնվել է | օգոստոսի 13, 1958 (65 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ և  Հայաստան |
| Կրթություն | Երևանի Մխիթար Հերացու անվան Պետական Բժշկական Համալսարան (1981) |
| Մասնագիտություն | բժիշկ |
| Գիտական աստիճան | բժշկական գիտությունների դոկտոր (2002) |
| Աշխատավայր | Երևանի հայ-ամերիկյան «Էրեբունի» պետական բժշկական քոլեջ |
| Կուսակցություն | Հայաստանի Հանրապետական կուսակցություն |
Ալինա Մաքսիմի Քուշկյան (օգոստոսի 13, 1958, Երևան, Հայկական ԽՍՀ, ԽՍՀՄ), հայ բժիշկ։ Բժշկական գիտությունների դոկտոր (2002)։ ՀՀ ԱՆ Երևանի հայ-ամերիկյան «Էրեբունի» պետական բժշկական քոլեջի[1] տնօրեն, Երևանի պետական բժշկական համալսարանի Քույրական գործի կազմակերպման ամբիոնի վարիչ։
Հարություն Քուշկյանի քույրը։
Կենսագրություն[խմբագրել | խմբագրել կոդը]
Ալինա Քուշկյանը ծնվել է 1958 թվականին, Երևանում։ 1981 թվականին ավարտել է Երևանի պետական բժշկական ինստիտուտի «Բուժական գործ» ֆակուլտետը։ 1982-1993 թվականներին` աշխատել է ՀՀ առողջապահության նախարարության Գլխավոր վարչության պոլիկլինիկայում որպես տեղամասային բժիշկ, 1993 թվականից՝ Երևանի հայ-ամերիկյան «Էրեբունի» պետական բժշկական քոլեջի տնօրեն, 1997- 1999 թվականներին, միաժամանակ` ՀՀ ԱՆ Առողջապահության ազգային ինստիտուտի միջին բուժանձնակազմի մասնագիտացման և կատարելագործման ֆակուլտետի դեկան, 1999 - 2011 թվականներին` ՀՀ ԱՆ Առողջապահության ազգային ինստիտուտի Քույրական գործի կազմակերպման ամբիոնի վարիչ համատեղության կարգով, 1999 թվականից` ՀՀ առողջապահության նախարարության Քույրական գործի գլխավոր մասնագետ, 2011 թվականից` Երևանի պետական բժշկական համալսարանի Քույրական գործի կազմակերպման ամբիոնի վարիչ համատեղության կարգով։
2017 թվականի մայիսի 14-ին Հայաստանի Հանրապետական կուսակցության համամասնական ցուցակով ընտրվել է Երևանի ավագանու անդամ[2]։
Աշխատանքները վերաբերում են բուժքույրական գործի բարեփոխումների և կրթական համակարգերի զարգացման ծրագրի մշակմանը։ Հեղինակ է ուսումնամեթոդական ձեռնարկների[3]։
Անդամակցություն[խմբագրել | խմբագրել կոդը]
- Sigma Theta Tau միջազգային բուժքույրական պատվավոր միության անդամ, 1999
- ԱՀԿ Եվրոպական տարածաշրջանային գրասենյակի փորձագիտական խմբի անդամ, 2002 -2005
- Sigma Theta Tau միջազգային բուժքույրական պատվավոր կազմակերպության տնօրենների խորհրդի անդամ, 2009-2013
- ՀՀ ԱՆ ԱԱԻ գիտական և ուսումնա- մեթոդական խորհուրդների անդամ, 1998
- «Բուժքույրական լրատու Էրեբունի» գիտագործնական հանդեսի գլխավոր խմբագիր, 2006
- Քույրական գործի կազմակերպիչների ասոցիացիայի հիմնադիր նախագահ, 2010
- Հայաստանի I, II և III Միջազգային Բուժքույրական կոնգրեսի կազմակերպչական և գիտական խորհուրդների նախագահ, 2010, 2013, 2015
- ՀՀ ԱՆ ԱԱԻ գիտական խորհրդի անդամ, 2011
- Երևանի Մխիթար Հերացու անվան պետական բժշկական համալսարանի գիտական խորհրդի անդամ, 2011
- Երևանի Մխիթար Հերացու անվան պետական բժշկական համալսարանի ԺԴ.00.17 «Հանրային առողջություն և առողջապահության կազմակերպում» մասնագիտական խորհրդի անդամ, 2012
Կուսակցություն[խմբագրել | խմբագրել կոդը]
ՀՀԿ անդամ, ՀՀԿ կանանց խորհրդի սոցիալական հանձնախմբի ղեկավարն է[4]։
Ծանոթագրություններ[խմբագրել | խմբագրել կոդը]
- ↑ «Երևանի հայ-ամերիկյան «Էրեբունի» պետական բժշկական քոլեջ` տասնամյակներով կատարելագործվող փորձ՝ հանուն մասնագիտական կրթության». Արխիվացված է օրիգինալից 2018 թ․ օգոստոսի 11-ին. Վերցված է 2018 թ․ օգոստոսի 12-ին.
- ↑ «yerevan.am | Պաշտոնական կայք | Խմբակցություններ». www.yerevan.am. Վերցված է 2018 թ․ հունվարի 23-ին.
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007
- ↑ Քուշկյան Ալինա Մաքսիմի
