Ալիկուդի

Ալիկուդի
Տեսակ	frazione? և կղզի
Երկիր	Իտալիա
Վարչատարածքային միավոր	Լիպարի
Մասն է	Լիպարյան կղզիներ
Երկարություն	2,9 կմ
Լայնություն	2,3 կմ
Մակերես	5,2 կմ²
Բնակչություն	105 մարդ

Ալիկուդի, Լիպարյան ի ութ կղզիներից ամենաարևմտյանը։ Կղզին տեղակայված է Լիպարիից մոտավորապես 40 կմ դեպի արևմուտք, ունի 5,2 քառ․ կմ տարածք։ Բնակչությունը կազմում է 105 մարդ (2001)։ Վարչականորեն պատկանում է Մեսսինա պրովինցիայի Լիպարի կոմունային։

Պատմություն

Կղզին ձևավորվել է Մոնտագնոլա հրաբխից մոտավորապես 150000 տարի առաջ։ Վերջին ժայթքումը տեղի է ունեցել 27000 տարի առաջ։

Կղզու ներկայիս Ալիկուդի անունը նրա հին հունարեն Ἐρείκουσα Ereikousa անվան աղավաղված ձևն է, որ ծագել է էրիկա բույսի անունից, որը հայտնի է որպես հավամրգի և ներկայում էլ աճում է կղզու լանջերին։ Դարեր շարունակ Ալիկուդին եղել է ծովահենների հարձակումների հիմնական թիրախը։ Այդ պատճառով էլ կղզու բնակչությունը ստիպված էր կառուցել փոքր տներ բարձր սանդղավանդերի վրա։ Կղզու մշտական բնակիչները հայտնվել են այստեղ 18-րդ դարում, սակայն այստեղ հայտնաբերված բնակության հետքերը վերաբերում են դեռ մ․թ․ա 1700-1800 թվականներին։

Այսօր կղզում կան շուրջ 120 բնակիչներ, ովքեր հիմնականում զբաղվում են ձկնորսությամբ, ինչպես նաև աճեցնում են դեղձ և ագավա։ Վերջինս կղզի է բերվել Ամերիկայից։ Կա միայն մեկ ռեստորան, որի ճաշացանկում մեծ մասամբ ձկան տեսակներ են։

Պատկերասրահ

• 
• 
• 

Արտաքին հղումներ

• About Alicudi (իտալ.)
• Aeolian Island tourism website Archived 2005-04-03 at the Wayback Machine. (իտալ.)
• Topographic Map of the Island
• Alicudi web (իտալ.)

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ալիկուդի կատեգորիայում։