Ալվանք

Գյուղ
Երկիր	Հայաստան
Մարզ	Սյունիքի մարզՍյունիքի մարզ
Շրջան	Մեղրու
Գյուղապետ	Ալիկ Թումանյան
Այլ անվանումներ	Ալդարա, Ալիդարա, Ալիդարի, Ալիդիրա
Մակերես	62,90 կմ²
ԲԾՄ	600 մետր
Պաշտոնական լեզու	հայերեն
Բնակչություն	▼352 մարդ (2011)
Ազգային կազմ	Հայեր,
Կրոնական կազմ	Հայ Առաքելական եկեղեցի
Տեղաբնականուն	ալվանքցի
Ժամային գոտի	UTC+4
Ալվանք Վիքիպահեստում

Ալվանք (նախկին անվանումը` Ալդարա կամ Ալիդարա) , գյուղ Հայաստանի Հանրապետության Սյունիքի մարզի Մեղրու տարածաշրջանում, Մեղրի քաղաքից մոտ 11 կմ հյուսիս-արևելք, Մալև գետի հովտում, Արաքսից մոտ 2 կմ հեռավորության վրա, ծովի մակարդակից 600-660 մ բարձրության վրա։

Նախկինում Ալիդարա անվան տակ ընդգրկված է եղել Ցարական Ռուսաստանի Ելիզավետպոլի նահանգի Զանգեզուրի գավառում։ Խորհրդային տարիներին մասն է կազմել Հայկական ԽՍՀ Մեղրու գավառի, իսկ 1930 թվականից` Մեղրու շրջանի։ 1995 թվականից մտնում է ՀՀ Սյունիքի մարզի մեջ։ Վերանվանվել է Ալվանք 2006 թ. հուլիսի 4-ին։

Բնակչություն

Ըստ ՀՀ 2011 թ. մարդահամարի արդյունքների` Ալվանքի մշտական բնակչությունը կազմել է 352, առկա բնակչությունը` 259 մարդ։ Գյուղը նախկինում բնակեցված է եղել ադրբեջանցիներով, որոնք լքել են գյուղը 1988 թ. նոյեմբերին։ Ալվանքի բնակչության փոփոխությունը ժամանակի ընթացքում` ստորև.

Տարի	1831	1873	1897	1926	1959	1970	1979	1989	2001	2011
Բնակիչ	131	911	1094	414	601	831	784	323	382	352

Տես նաև

• Ալդարայի պատմության և մշակույթի անշարժ հուշարձանների ցանկ (Սյունիքի մարզ)

Արտաքին հղումներ

• Էջը Սյունիքի մարզպետարանի կայքում Archived 2012-04-06 at the Wayback Machine.
• Համայնքի ղեկավարի Էջը Սյունիքի մարզպետարանի կայքում Archived 2014-01-29 at the Wayback Machine.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 150)։