Ալեք Աղայան

Վիքիպեդիայից՝ ազատ հանրագիտարանից
Ալեք Աղայան
Ծնվել է 1886
Ծննդավայր Ղազվին, Իրան
Մահացել է 1963
Մահվան վայր Թեհրան, Central District, Tehran County, Թեհրան, Իրան
Ազգություն հայ
Մասնագիտություն իրավաբան և քաղաքագետ

Ալեք Աղայան (պարս․՝ آلکساندر آقایان, 1886, Ղազվին, Իրան - 1963, Թեհրան, Central District, Tehran County, Թեհրան, Իրան), իրանահայ իրավաբան, Իրանի Խորհրդարանի պատգամավոր: Իրանի առաջին բեռնափոխադրման ընկերության հիմնադիր[1]:

Կենսագրություն[խմբագրել | խմբագրել կոդը]

Ալեք Աղայանը ծնվել է 1886 թվականին Ղազվին քաղաքում: Նախնական կրթություն ստացել է Ռեշտ և Թավրիզ քաղաքներում, այնուհետև` Ժնևի համալսարանի հումանիտար ֆակուլտետում: Վերադառնալով Թեհրան` միացել է Եփրեմ խանի խմբին, 1909 թվականին, Սահմանադրական շարժման խմբերի հետ համագործակցելով, մասնակցել է Թեհրանի գրավմանը: 1910 թվականին մեկնել է Ժնև, այնուհետև` Բրյուսել, ուսումը շարունակել իրավաբանական ֆակուլտետում: Ավարտելուց հետո վերդարձել է Թեհրան և դասավանդել տեղի համալսարանի իրավաբանական ֆակուլտետում: Իրանի ազգային խորհրդարանի 5-րդ նստաշրջանում Ահմադ շահ Ղաջարի գահընկեցության որոշման ընդունման ժամանակ եղել է հարավային իրանահայության պատգամավոր[1]:

Երկրորդ համաշխարհային պատերազմի ընթացքում` 1944-1946 թթ., Իրանի ազգային խորհրդարանի 14-րդ նստաշրջանում ընտրվել է հարավային իրանահայության պատգամավոր[1]:

Մահացել է 1963 թվականին Թեհրանում:

Ծանոթագրություններ[խմբագրել | խմբագրել կոդը]

  1. 1,0 1,1 1,2 Իրանահայոց հանրագիտարան: Կազմող` Ժանետ Տ. Լազարյան: Երևան, «ՎՄՎ-Պրինտ, 2012

Արտաքին հղումներ[խմբագրել | խմբագրել կոդը]