Ալեքսեյ Վորոբյով

Վիքիպեդիայից՝ ազատ հանրագիտարանից
Ալեքսեյ Վորոբյով
Алексей Воробьёв
Alex Sparrow 04-11 RN MOW.jpg
Ծնվել է հունվարի 19, 1988({{padleft:1988|4|0}}-{{padleft:1|2|0}}-{{padleft:19|2|0}}) (29 տարեկան)
Ծննդավայր Տուլա, ՌԽՖՍՀ, ԽՍՀՄ
Քաղաքացիություն Flag of Russia.svg Ռուսաստան
Մասնագիտություն երգիչ, դերասան, կոմպոզիտոր, երաժիշտ, կինոռեժիսոր, ռեժիսոր և պրոդյուսեր
Կայք alekseyvorobyov.ru
Alexey Vorobyov (musician) Վիքիպահեստում

Ալեքսեյ Վլադիմիրովիչ Վորոբյովը (ռուս.՝ Алексей Владимирович Воробьёв, հունվարի 19, 1988({{padleft:1988|4|0}}-{{padleft:1|2|0}}-{{padleft:19|2|0}}), Տուլա, ՌԽՖՍՀ, ԽՍՀՄ), ռուս երգիչ, երգահան և դերասան[1]։ Նա ներկայացրել է Ռուսաստանը Եվրատեսիլ 2011 երգի մրցույթում՝ գրավելով 16-րդ հորիզոնականը։

Կենսագրություն[խմբագրել | խմբագրել կոդը]

Վաղ տարիներ[խմբագրել | խմբագրել կոդը]

Ալեքսեյ Վորոբյովը ծնվել է 1988 թվականի հունվարի 19-ին Ռուսաստանի Տուլա քաղաքում, Վլադիմիր Վիկտորովիչ և Նադեժդա Նիկոլաևնա Վորոբյովների ընտանիքում[2]: Ունի ավագ եղբայր՝ Սերգեյը, և կրտսեր քույր՝ Գալինան[3]: Սերգեյը երաժշտական դպրոցում սովորել է նվագել ակորդեոն, իսկ Գալինան՝ դաշնամուր[4]: Ալեքսեյ Վորոբյովը մանկության տարիներին զբաղվել է ֆուտբոլով, խաղացել է Տուլայի պատանեկան թիմի կազմում:

Երաժշտական կարիերա[խմբագրել | խմբագրել կոդը]

Սովորելով երաժշտական դպրոցի ակորդեոնի դասարանում՝ Ալեքսեյ Վորոբյովը մասնակցել է տարբեր մրցույթների: Եղել է Տուլայի «Услада» ժողովրդական անսամբլի մենակատար[5]: 2005 թվականին հաղթել է Ռուսաստանի IV Դելֆիական խաղերում՝ «Ժողովրդական երգեցողություն» անվանակարգում և ստացել ոսկե մեդալ սոլո կատարման համար[6]: Նույն թվականին նա մասնակցել է «Հաջողության գաղտնիքը» հեռուստանախագծին՝ զբաղեցնելով երրորդ տեղը[7]: Ապա տեղափոխվել է Մոսկվա և ընդունվել Էստրադային-ջազային արվեստի երաժշտական ուսումնարան: 2006 թվականին պայմանագիր է կնքել Universal Music Russia-ի հետ[8]: 2006 թվականի հուլիսին, երբ Սանկտ Պետերբուրգում անցկացվում էր «Մեծ ութնյակի» գագաթնաժողովը, Ալեքսեյ Վորոբյովը եղել է «Պատանեկան ութնյակ» նախագծի հիմնը կատարողներից մեկը[9], ինչպես նաև ելույթ է ունեցել փակման արարողության ժամանակ[10]:

2007 թվականին՝ MTV Russia Music Awards չորրորդ մրցանակաբաշխության ժամանակ, Ալեքսեյ Վորոբյովն արժանացել է «MTV հայտնություն» մրցանակի[11]:

2008 թվականին Ալեքսեյ Վորոբյովն իր «Новая русская Калинка» երգով «Եվրատեսիլ» մրցույթի նախընտրական փուլում զբաղեցրել է հինգերորդ տեղը: Ըստ որոշ փորձագետների՝ այդ երգը խախտում էր մրցույթի կանոնները, քանի որ չի կարելի ուղղակիորեն օգտագործել ժողովրդական երգի բառեր[12], այսինքն՝ առաջին տեղը գրավելու դեպքում Ալեքսեյ Վորոբյովը չէր կարող ներկայացնել Ռուսաստանը հիմնական մրցույթում:

2009 թվականին Ալեքսեյ Վորոբյովն իր «Ангелом быть» երգով կրկին անցել է «Եվրատեսիլ» մրցույթի ազգային փուլի եզրափակիչ, սակայն ստիպված է եղել հանել իր թեկնածությունը այլ նախագծում զբաղված լինելու պատճառով[13]:

2011 թվականին Ալեքսեյ Վորոբյովը պայմանագիր է կնքել երաժշտական պրոդյուսեր RedOne-ի հետ, ով հայտնի էԼեդի Գագայի, Էնրիկե Իգլեսիասի, Աշերի ու այլոց հետ իր աշխատանքներով: Պայմանագրի համաձայն՝ Ալեքսեյ Վորոբյովը հանդես է եկել Ալեքս Սպարոու(Alex Sparrow) կեղծանունով, ինչը նրա ազգանվան բառացի թարգմանությունն է:

Սկավառակագրություն[խմբագրել | խմբագրել կոդը]

Ալբոմներ[խմբագրել | խմբագրել կոդը]

  • Վորոբյովի ստի դետեկտորը (2011)

Սինգլներ[խմբագրել | խմբագրել կոդը]

  • 2006  - Ամառ
  • 2006  - Ռուսները մոռացել են
  • 2007  - Ալիսա
  • 2007  - Աղջնակ
  • 2007  - Հիմա կամ երբեք
  • 2008  - Desire
  • 2008  - Նոր ռուսական կալինկա
  • 2008  - Ձանձրույթ
  • 2008  - Դու և ես
  • 2008  - Մոռացիր ինձ
  • 2009  - Ակկորդեոն
  • 2009  - Իրականություն
  • 2010  - Shout It Out
  • 2010  - Բամ Բամ
  • 2011  - Get You
  • 2012  - Ավելին քան սեր
  • 2013  - Խելագարվել առանց քեզ

Տեսահոլովակներ[խմբագրել | խմբագրել կոդը]

  • 2006  - Ամառ
  • 2006  - Ռուսները մոռացել են
  • 2007  - Ալիսա
  • 2007  - Հիմա կամ երբեք
  • 2008  - Նոր ռուսական կալինկա
  • 2008  - Մոռացիր ինձ
  • 2010  - Shout It Out
  • 2010  - Բամ Բամ

Ծանոթագրություններ[խմբագրել | խմբագրել կոդը]

  1. Фото, биография Алексея Воробьёва // Знаменитости и К
  2. Фото, биография Алексея Воробьёва // Знаменитости и К
  3. Певец Алексей Воробьев привез к родителям украинскую подругу, с которой познакомился на «Евровидении» // KP.UA<
  4. Алексей Воробьёв и его семья
  5. История тульского фольклорного ансамбля «Услада»(ռուս.)
  6. Победители и призёры Четвёртых молодёжных Дельфийских игр России(ռուս.)
  7. Статья об Алексее Воробьёве на сайте газеты «Комсомольская правда»(ռուս.)
  8. Краткая биография Алексея Воробьёва на сайте «Universal Music Russia»(ռուս.)
  9. «„Восьмёрка“ собралась в полном составе» — Встреча «Юношеской восьмёрки — 2006»(ռուս.)
  10. Церемония закрытия форума «Юношеской Восьмерки»(ռուս.)
  11. Список победителей MTV Russia Music Awards в 2007 году(ռուս.)
  12. Россия на конкурсе песни Евровидение 2008: новости национального отбора(ռուս.)
  13. Претендентов на участие в конкурсе песни Евровидение 2009 от России стало на одного меньше(ռուս.)

Արտաքին հղումներ[խմբագրել | խմբագրել կոդը]