1941-1945 թվականների Հայրենական մեծ պատերազմի ժամանակ եղել է կործանիչ ինքնաթիռների գնդի օղակի հրամանատար, գնդի հրամանատարի օգնական, գնդի շտուրման։ 1942 թվականի մարտին Մարեսևի ինքնաթիռը մարտում խփվել է։ Ծանր վիրավոր Մարեսևը հարկադրական վայրէջք է կատարել թշնամու տերիտորիայում և 18 օր սողալով՝ հասել ռազմաճակատի գծին։ Երկու սրունքների անդամահատումից հետո հարմարվելով պրոթեզներին՝ Մարեսևը իր իսկ խնդրանքով, 1943 թվականի մայիսին ուղարկվել է կործանիչ ավիացիայի 63-րդ գվարդիական գունդ։ Օդային մարտերում խփել է թշնամու 7 ինքնաթիռ։ Մարեսևի սխրանքը նկարագրված է Բորիս Պոլևոյի «Պատմություն իսկական մարդու մասին» գրքում։ 1952 թվականին ավարտել է կուսակցական բարձրագույն դպրոցը։ 1956 թվականի սեպտեմբերից պատերազմի վետերանների խորհրդային կոմիտեի պատասխանատու քարտուղարն է։ Պարգևատրվել է Լենինի, Հոկտեմբերյան հեղափոխության, Կարմիր դրոշի, Աշխատանքային կարմիր դրոշի, Կարմիր աստղի շքանշաններով։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 310)։
