Ալեքսանդր Սուվորովի հուշարձան (Սանկտ Պետերբուրգ)
Անվան այլ կիրառումների համար տե՛ս՝ Ալեքսանդր Սուվորովի հուշարձան (այլ կիրառումներ)
 | |
|---|---|
 Ալեքսանդր Սուվորովի հուշարձանը | |
 | |
 | |
| Տեսակ | հուշարձան |
| Քանդակագործ | Միխայիլ Կոզլովսկի |
| Ճարտարապետ | Անդրեյ Վորոնիխին |
| Երկիր |  Ռուսաստան[1] |
| Քաղաք | Suvorov Square (Saint Petersburg)? |
| Բնակավայր | Կենտրոնական շրջան |
| Շինության ձև | քանդակ |
| Նյութ | բրոնզ և գրանիտ |
| Ներկա վիճակ | Կանգուն |
 Monument to Suvorov (Saint Petersburg) Վիքիպահեստում | |
Ալեքսանդր Սուվորովի հուշարձան (ռուս.՝ Памятник Александру Суворову), հուշարձան Ռուսաստանի Սանկտ Պետերբուրգ քաղաքում, որը նվիրված է ռուս մեծանուն զորահրամանատար, գեներալիսիմուս Ալեքսանդր Վասիլևիչ Սուվորովին։
Գտնվում է Սուվորովի հրապարակում՝ Մարսի դաշտի և Տրոիցկի կամրջի դիմաց, Մարմարե պալատի և կոմս Սալտիկովի տան միջև։
Պատմություն
[խմբագրել | խմբագրել կոդը]Ալեքսանդր Սուվորովի հուշարձանը տեղադրվել է Պավել I կայսրի հրամանով, որի իշխանության օրոք զորահրամանատարը կազմակերպել է իր հայտնի արշավանքը Իտալիա, որի համար ստացել է «Իտալիայի իշխան» տիտղոսը։
Հուշարձանի գրանիտե կլոր պատվանդանի վրա արված է հետևյալ գրությունը. «Իտալիայի իշխան, կոմս Սուվորով-Ռիմնիկսկի։ 1801 թ.»։
Հուշարձանի հեղինակն է քանդակագործ Միխայիլ Կոզլովսկին, որը հուշարձանը կերտել է 1799-1801 թվականներին։ Պատվանդանին կանգնած ֆելդմարշալը Մարս աստծո այլաբանական կերպարով է. նրա աջ ձեռքին վեր բարձրացրած սուր է, իսկ ձախին՝ վահան, Սուվորովն անտիկ դարաշրջանի հագուստով է։ Ա. Վ. Սուվորովի պատկերաքանդակը պատրաստված է բրոնզից։ Ընդ որում՝ հաճախ նշվում է, որ հուշարձանը չունի ուղղակի դիմանկարային նմանություն ֆելդմարշալին, այլ ներկայացնում է մեծ զորահրամանատարի խորհրդանշական հերոսական-էպիկական պատկերը։ Հուշարձանի հանդիսավոր բացումը տեղի է ունեցել 1801 թվականի մայիսի 5 (17)-ին[2]։
Սուվորովի սանկտպետերբուրգյան հուշարձանը Ռուսաստանում չթագադրված անձի առաջին հուշարձանն է։ Դրանից առաջ Ռուսաստանում հուշարձաններ տեղադրվում էին միայն ցարերի և կայսրերի պատվին։
Սուվորովի հուշարձանի մոդելը պահվում է Մոսկվայի Տրետյակովյան պատկերասրահում։
Հուշարձանի գտնվելու վայրի պատմություն
[խմբագրել | խմբագրել կոդը]Սկզբնապես ֆելդմարշալի հուշարձանը տեղակայվում էր Մոյկա գետի մոտակայքում գտնվող Ցարիցին մարգագետնի (այժմ՝ Մարսի դաշտ) հակառակ կողմում։ 1818 թվականին, Ալեքսանդր I կայսրի թագավորելու ժամանակաշրջանում, Կ. Ի. Ռոսսիի առաջարկով, հուշարձանը տեղափոխվեց այժմյան վայր։ 1834 թվականին ճաքճքված մարմարե պատվանդանը փոխարինվեց նույն ձևի գրանիտե պատվանդանով[2]։
Պատկերասրահ
[խմբագրել | խմբագրել կոդը]-
Հուշարձանը 20-րդ դարի սկզբի բացիկին -
Հուշարձանը երեկոյան -
Ծանոթագրություններ
[խմբագրել | խմբագրել կոդը]- ↑ https://ru-monuments.toolforge.org/wikivoyage.php?id=7810661000
- ↑ 2,0 2,1 «В Санкт-Петербурге состоялось торжественное открытие памятника великому полководцу А. В. Суворову». Calend.ru. Վերցված է 2017 թ․ մայիսի 17-ին.
Գրականություն
[խմբագրել | խմբագրել կոդը]- Путеводитель по С.-Петербургу: Репринтное воспроизведение издания 1903 года. — Л.: СП «ИКАР», 1991. ISBN 5-85902-065-1
- Гусаров А.Ю. Памятники воинской славы Петербурга. — СПб, 2010. — ISBN 978-5-93437-363-5