Ալեքսանդր Պուշկինի հուշարձան (Կիսլովոդսկ)
Անվան այլ կիրառումների համար տե՛ս՝ Ալեքսանդր Պուշկինի հուշարձան (այլ կիրառումներ)
 | |
|---|---|
.JPG) Ալեքսանդր Պուշկինի հուշարձանը | |
 | |
 | |
| Տեսակ | հուշարձան |
| Ստեղծում | 1999 |
| Երկիր |  Ռուսաստան |
| Բնակավայր | Կիսլովոդսկ |
| Շինության ձև | Քանդակ |
| Ներկա վիճակ | Կանգուն |
Ալեքսանդր Պուշկինի հուշարձան (ռուս.՝ Памятник Александру Пушкину), հուշարձան Ռուսաստանի Ստավրոպոլի երկրամասի Կիսլովոդսկ քաղաքում։ Գտնվում է առողջարանային քաղաքի զբոսայգում։ Հեղինակն է հայ քանդակագործ Գուրգեն Կյուրեղյանը։ Արձանը տեղադրվել է 1999 թվականին։
Պատմություն[խմբագրել | խմբագրել կոդը]
Ռուս մեծանուն բանաստեղծ Ալեքսանդր Սերգեևիչ Պուշկինը Կիսլովոդսկում եղել է երկու անգամ իր Հարավային ճամփորդության ընթացքում՝ 1820 և 1829 թվականներին։ Նա բարձր էր գնահատում Կովկասի հանքային ջրերի բուժիչ հատկությունները։ Իսկ լեռնային բնապատկերները գրավել էին բանաստեղծի սիրտը, ինչը բազմիցս արտացոլվել է նրա ստեղծագործություններում[1]։ Առաջին անգամ Պուշկինը Հյուսիսային Կովկաս է այցելել անվանի գեներալ Նիկոլայ Ռաևսկու ընտանիքի հետ։ Նրանք կանգ են առել Ա. Ֆ. Ռեբրովի առանձնատանը[2]։
Նկարագրություն[խմբագրել | խմբագրել կոդը]
Հուշարձանը զբոսայգում բացվել է բանաստեղծի 200-ամյակի տարում՝ 1999 թվականին։ Հեղինակը հայ քանդակագործ Գուրգեն Կյուրեղյանն է[2]։ Նա բանաստեղծին պատկերել է ամբողջ հասակով կանգնած։ Պուշկինը մտահոգ նայում է սիրելի Կովկասի լեռներին։ Հուշարձանը տեղադրվել է Կիսլովոդսկի զբոսայգու գեղատեսիլ մի հատվածում, որտեղ վառ ծաղկանոցներ են, կարմիր ավազից ճեմուղիներ, հարմարավետ նստարաններ։ Ծառերի ստվերի ներքո փոքր հարթակում կանգնած է Պուշկինի քանդակը[1][2]։
Հունիսի 6-ին՝ բանաստեղծի ծննդյան օրը, արձանի մոտ հավաքվում են պոեզիայի սիրահարները և նրա տաղանդի գնահատողները և կազմակերպում տարբեր միջոցառումներ[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 «Памятник Пушкину в Кисловодске». Кисловодский Экспресс. 14.12.2017.
- ↑ 2,0 2,1 2,2 «Памятник А.С. Пушкину, Курортный парк, Кисловодск».(չաշխատող հղում)