Ալեքսանդր Նևսկու տաճար (Թիֆլիս)

Անվան այլ կիրառումների համար տե՛ս՝ Ալեքսանդր Նևսկու տաճար (այլ կիրառումներ)

Ալեքսանդր Նևսկու տաճար վրաց.՝ ტფილისის სამხედრო ტაძარი ռուս.՝ Тифлисский Александро-Невский военный собор
Հիմնական տվյալներ
Տեսակ	մայր տաճար
Երկիր	Վրաստան
Տեղագրություն	Թբիլիսի
Ներկա վիճակ	քանդվել է 1930 թվականին
Ճարտարապետ	Դավիդ Գրիմ
Ճարտարապետական ոճ	Russian-Byzantine architecture?
Կառուցման սկիզբ	1871
Կառուցման ավարտ	1897
Հիմնադրված	1871
Գմբեթ	8

Ալեքսանդր Նևսկու տաճար (վրաց.՝ ტფილისის სამხედრო ტაძარი, tp'ilisis samkhedro tadzari; ռուս.՝ Тифлисский Александро-Невский военный собор, Թիֆլիսի Ալեքսանդր Նևսկու զինվորական տաճար), 19-րդ դարի վերջին Վրաստանի մայրաքաղաք Թիֆլիսում կառուցված ուղղափառական տաճար։ Ավերվել է 1930 թվականին։

Տաճարը կառուցվել է Կովկասի նվաճման առթիվ։ Տեղակայված էր քաղաքի կենտրոնում՝ Գոլովինի պողոտայում՝ Գունիբի հրապարակում։ Այն ութ գմբեթ ունեցող կառույց էր։ Ուներ նաև զանգակատուն։ Տեղավորում էր մինչև հազար մարդ։ Տաճարի գլխավոր խորանը կառուցվել է ի պատիվ Շնորհապարտ Մեծ իշխան Ալեքսանդր Նևսկու, աջ կողմինը՝ ի պատիվ Միքայել հրեշտակապետի, ձախինը՝ ի պատիվ Նիկոլայ Հրաշագործի։

Կառուցման պատմություն

Տաճարի սկզբնական նախագիծը կազմել է ճարտարապետ Դավիթ Գրիմը 1866 թվականին։ Շինարարությունը ձգվել է երկար տարիներ։ 1871 թվականի ապրիլի 6-ին հանդիսավորությամբ տեղի է ունեցել տաճարի հիմնադրման արարողությունը։ 1890 թվականին տաճարի նախնական պլանը փոփոխվել է, ընտրվել է տաճարի կառուցման նոր վայր նույն պողոտայի վրա։ 1891 թվականին ավարտին են հասցվել հիմքի կառուցման աշխատանքները, և սկսվել թ բուն տաճարի կառուցումը։ Շինարարությունը ղեկավարել է ինժեներ-գնդապետ Վ. Գերասիմովը։ Տաճարն օծվել է 1897 թվականի մայիսի 21-ին։

Տաճարը լուսավորվում էր էլեկտրականությամբ։ Ներսից այն զարդարված էր Կովկասի գրավմանը մասնակցած զորամասերի համարները կրող վահաններով ու նրանց դրոշներով։ Տաճարի պատերը գեղազարդել են տեղացի նկարիչներ Կոլչինն ու Լոնգոն։

Ալեքսանդր Նևսկու տաճարն ավերվել է 1930 թվականին Լավրենտի Բերիայի հրամանով։ Նրա տեղում կառուցվել է Կառավարության տունը (այդ շենքում ներկայում տեղակայված է Վրաստանի խորհրդարանը)։

Գրականություն

• Новый соборь войскъ кавказскаго военнаго округа въ г. Тифлисе: «КавказЪ», 21. Мai 1897.

Արտաքին հղումներ

• სამხედრო ტაძარი — სობორო (Тифлисский Александро-Невский военный собор)
• Kvirkvelia, Tengiz. ძველთბილისური დასახელებანი (The placenames of Old Tbilisi), p. 28. Tbilisi: Sabchota Sakartvelo, 1985.
• Тифлисский Александро-Невский военный собор Archived 2007-09-27 at the Wayback Machine. in: Tsitovich, G. A. Храмы армии и флота Archived 2007-09-29 at the Wayback Machine. (The Army and Fleet Churches), pp. 399–400. Pyatigorsk, 1913.
• Savelyev, Yu. R. Vizantiysky stil v architecture Rossii (Савельев, Ю. Р. Византийский стиль в архитектуре России. - СПБ., 2005) Saint Petersburg, 2005. ISBN 5-87417-207-6, pp. 42–45

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ալեքսանդր Նևսկու տաճար (Թիֆլիս) կատեգորիայում։