Ալեքսանդր Մանթաշյանի հուշարձան (Երևան)

Ալեքսանդր Մանթաշյանի հուշարձան
Ալեքսանդր Մանթաշյանի հուշարձանը
Ընդհանուր տեղեկություններ
Համայնք	Կենտրոն
Առաջին հիշատակում	2011
Գտնվում է	Աբովյան փողոցում` Սբ. Կաթողիկե և Սբ. Աննա եկեղեցիների հարևանությամբ
Քանդակագործ(ներ)	Տիգրան Արզումանյան
Ճարտարապետ(ներ)	Լևոն Ղալումյան
Շինարարության ավարտ	2012
Ներկա վիճակ	կանգուն

Ալեքսանդր Մանթաշյանի հուշարձան, գտնվում է Երևանի կենտրոն վարչական շրջանում՝ Աբովյան փողոցում՝ Սբ. Կաթողիկե և Սբ. Աննա եկեղեցիների հարևանությամբ, տեղադրվել է 2012 թվականի ապրիլի 18-ին։

Հեղինակներ

• Ճարտարապետ՝ ՀՀ վաստակավոր ճարտարապետ Լևոն Ղալումյան
• Քանդակագործ՝ ՀՀ վաստակավոր նկարիչ Տիգրան Արզումանյան

Պատմություն

Մեծանուն բարերար Ալեքսանդր Մանթաշյանի արձանը տեղադրելու մասին Երևանի քաղաքապետի որոշումը կայացվել է 2011 թվականի հունիսի 20-ին։ Որոշման համար հիմք է հանդիսացել Երևանի քաղաքապետարանի գեղարվեստի խորհրդի նիստի արձանագրության դրական եզրակացությունը։

Մանթաշյանի հուշարձանի հանդիսավոր բացումը տեղի է ունեցել 2012 թվականի ապրիլի 18-ին՝ Աբովյան փողոցում՝ Սբ. Կաթողիկե և Սբ. Աննա եկեղեցիների հարևանությամբ։ Հուշարձանը հանդիսավոր կերպով բացել են ՀՀ վարչապետ Տիգրան Սարգսյանը և Երևանի քաղաքապետ Տարոն Մարգարյանը։ Բացման խոսք են ասել դերասան Ազատ Գասպարյանը, փոխքաղաքապետ Կամո Արեյանը, արձանի հեղինակ, քանդակագործ Տիգրան Արզումանյանը։

Բացմանը ներկա են եղել Ալեքսանդր Մանթաշյանի թոռը՝ Ալեքսանդր Մանթաշյանը և ծոռը՝ Միքայել Մանթաշյանը, սփյուռքահայ գործարար ու բարերար Վահագն Հովնանյանը, արձանի ստեղծման աջակից-հովանավոր Հովիկ Հովհակիմյանը, մշակութային և քաղաքական գործիչներ և այլք։

Պատկերասրահ

• 
• 
• 
• 
• 
• 
• 
• 

Ծանոթագրություններ

Ալեքսանդր Մանթաշյանի հուշարձան (Երևան) էջը Վիքիպահեստում