Ալեքսանդր Հակոբյան (մեխանիկ)

Անվան այլ կիրառումների համար տե՛ս՝ Ալեքսանդր Հակոբյան (այլ կիրառումներ)

Ալեքսանդր Արշակի Հակոբյան
Ծնվել է	1890 դեկտեմբերի 25
Ծննդավայր	Հայաստան Գյումրի
Մահացել է	մայիսի 14, 1971(1971-05-14) (տարիքը 80)
Մահվան վայր	Հայաստան Երևան
Քաղաքացիություն	Ռուսական կայսրություն ԽՍՀՄ
Ազգություն	Հայ
Կրոն	Հայ Առաքելական եկեղեցի
Կրթություն	Սանկտ Պետերբուրգի պոլիտեխնիկական ինստիտուտ (1917)
Գիտական աստիճան	քիմիական գիտությունների դոկտոր
Մասնագիտություն	քիմիկոս
Աշխատավայր	Երևանի պետական համալսարան և Հայաստանի ազգային պոլիտեխնիկական համալսարան
Պարգևներ և մրցանակներ	Լենինի շքանշան

Ալեքսանդր Արշակի Հակոբյան (դեկտեմբերի 25, 1890(1890-12-25), Ալեքսանդրապոլ, Երևանի նահանգ, Կովկասի փոխարքայություն, Ռուսական կայսրություն - մայիսի 14, 1971(1971-05-14), Երևան, Հայկական ԽՍՀ, ԽՍՀՄ), մեխանիկոս։ ՀԽՍՀ ԳԱ ակադեմիկոս (1943), պրոֆեսոր (1937), ՀԽՍՀ գիտության և տեխնիկայի վաստակավոր գործիչ (1940)։

Կենսագրություն

Ավարտել է Պետրոգրադի պոլիտեխնիկական ինստիտուտը (1917)։ 1920-1930 թվականներին դասախոսել է ԵՊՀ-ում. 1928-1929 թվականներին՝ տեխնիկական ֆակուլտետի դեկան։ Հիմնադրման օրից աշխատել է ԵՊԻ-ում, կազմակերպել և գլխավորել է տեսական մեխանիկայի (1930-1939), թերմոդինամիկայի և ջերմատեխնիկայի (1939-1954), գլխավորել ֆիզիկայի (1954-1957) ամբիոնները։

Աշխատանքները վերաբերում են դասական և կիրառական մեխանիկայի տարբեր հարցերին։ Ուսումնասիրել է հեղուկից և ցանկացած թվով գազերից բաղկացած խառնուրդների թերմոդինամիկական հատկությունները՝ հաշվի առնելով նրանցում քիմիական ռեակցիաների և մակակլանման հնարավորությունը։ Հիմնավորել է թերմոդինամիկայի երկրորդ օրենքը՝ ջերմաստիճանի ցանկացած նշանի դեպքում։ Հակոբյանը ԽՍՀՄ-ում առաջիններից է վեկտորական հաշվի օգնությամբ շարադրել տեսական մեխանիկայի դասընթացը։

Երկեր

• Ֆիզիկա։ Դասախոսություններ կարդացված Երևանի ժող. համալսարանում 1922 թվականին, Եևան, Պետհրատ, 1922։
• Կլասիկ թերմոդինամիկը և քիմիական կոնստանտը։ Երևան, Ա. հ., 1925:
• Տեսական մեխանիկա։ Երևան, Հայպետհրատ, 1941։
• Տեսական մեխանիկա, մաս 1-2, Երևան, 1941-1964։
• Թերմոդինամիկա, Երևան, 1952։
• Химическая термодинамика: Учебное пособие / А. А. Акопян, Москва, Высшая школа, 1963.

Ծանոթագրություններ

Այս հոդվածի նախնական տարբերակը կամ նրա մասը վերցված է Հայկական համառոտ հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։