Ալեքսանդր Կարապետյան

Ալեքսանդր Կարապետյան
Ծնվել է	նոյեմբերի 14, 1882(1882-11-14) Աստրախան, Ռուսական կայսրություն
Մահացել է	հուլիսի 16, 1956(1956-07-16) (73 տարեկանում) Երևան, Հայկական ԽՍՀ, ԽՍՀՄ
Մասնագիտություն	երգիչ
Երգչաձայն	տենոր
Գործիքներ	վոկալ
Աշխատավայր	Ալեքսանդր Սպենդիարյանի անվան օպերայի և բալետի ազգային ակադեմիական թատրոն և Երևանի պարարվեստի պետական քոլեջ
Շրջանավարտ	Մոսկվայի պետական համալսարանի իրավաբանական ֆակուլտետ և Մոսկվայի Չայկովսկու անվան պետական կոնսերվատորիա

Ալեքսանդր Կարապետյան (Կարատով, նոյեմբերի 14, 1882(1882-11-14), Աստրախան, Ռուսական կայսրություն - հուլիսի 16, 1956(1956-07-16), Երևան, Հայկական ԽՍՀ, ԽՍՀՄ), հայ երգիչ։ ՀԽՍՀ ժողովրդական արտիստ (1939):

Կենսագրություն

1904 թվականին ավարտել է տեղի երաժշտական ուսումնարանի երգեցողության բաժինը և շարունակել երաժշտական ուսումը Մոսկվայի երաժշտական դրամատիկական ուսումնարանում։ 1909 թվականին ավարտել է Մոսկվայի համալսարանի իրավաբանական ֆակուլտետը, 1911 թվականին՝ Մոսկվայի կոնսերվատորիան։ 1911-1930 թվականներին ելույթներ է ունեցել տարածաշրջանի բազմաթիվ քաղաքներում՝ Թիֆլիս, Պերմ, Կիև, Խարկով, Կազան, Սարատով, Ռիգա, Բաքու, Աստրախան, Տաշքենդ և այլն։ 1933-1947 թվականներին եղել է Երևանի օպերայի և բալետի թատրոնի մեներգիչ։ 1942-1955 թվականներին ղեկավարել է Երևանի պարարվեստի ուսումնարանը։ 1939 թվականին երգչին շնորհվել է Պատվո շքանշան։ Արժանացել է նաև ՀԽՍՀ ժողովրդական արտիստի կոչմանը։ Մահացել է Երևանում։